Jab Tasawwer Mera Chupke Se Tujhe Chho Aaye Apni Har Saans Se Mujh Ko Teri Khusbo Aaye



جب تصوّر میرا چُپکے سے تجھے چُھو آئے
اپنی ھر سانس سے مجھ کو تیری خوشبو آئے
مشغلہ اب ھے میرا چاند کو تکتے رھنا
رات بھر چین نہ مجھ کو کسی پہلو آئے
پیار نے ھم میں کوئی فرق نہ چھوڑا باقی
جھیل میں عکس تو میرا ھو نظر تُو آئے
جب کبھی گردشِ دوراں نے ستایا مجھ کو
میری جانب تیرے پھیلے ھوئے بازو آئے
جب بھی سوچا کہ شبِ ھجر نہ ھوگی روشن
مجھ کو سمجھانے تیری یاد کے جگنو آئے
کتنا حسّاس میری آس کا سناٹا ھے
کہ خموشی بھی جہاں باندھ کے گھنگھرو آئے
مجھ سے ملنے کو سرِشام کوئی سایا سا
تیرے آنگن سے چلے اور لبِ جُو آئے
اُس کے لہجے کا اثر تو ھے بڑی بات قتیل
وہ تو آنکھوں سے بھی کرتا ھوا جادو آئے
قتیل شفائی

No comments:

Post a Comment

Featured post

Main tumko bhool jaonga lekin yeh shart hai Gulshan mein chal ke phool se khushbo juda karo

Main tumko bhool jaonga lekin yeh shart hai Gulshan mein chal ke phool se khushbo juda karo