Main Na Kehta Tha Keh Sanpon Se Attay Hain Raste

میں نا کہتا تھا کے سانپوں سے اَٹے ہیں راستے
گھر سے نکلے تھے تو ہاتھوں میں عصا رکھنا تھا
بات جب ترکِ تعلق پہ ہی ٹھہری تھی تو پھر
دل میں احساسِ غمِ یار بھی کیا رکھنا تھا
دامن موجِ ہوا یوں تو نا خالی جاتا
گھر کی دہلیز پہ کوئی تو دِیا رکھنا تھا
کوئی جگنو تہہِ داماں بھی چھپا سکتے تھے
کوئی آنسو پسِ مژگاں ہی بچا رکھنا تھا
کیا خبر اُس کے تعاقب میں ہوں کتنی سوچیں
اپنا انداز تو اوروں سے جدا رکھنا تھا
چاندنی بند کواڑوں میں کہاں اُترے گی
اِک دریچہ تو بھرے گھر میں کھلا رکھنا تھا
اُس کی خوشبو سے سجانا تھا جو دل کو محسؔن
اُس کی سانسوں کا لقب موجِ صبا رکھنا تھا