Latest Post
Loading...

Ek Toohee Na Bay-Chain Tha Pyaaray Shab-E-Hijraa'N Ginta Raha Main Bhee To Sitaaray Shab-E-Hijraa'N

Poet Shamshair Haidar

Type

By

*_FAROOQI.54_*

Ek Toohee Na Bay-Chain Tha Pyaaray Shab-E-Hijraa'N

Ginta Raha Main Bhee To Sitaaray Shab-E-Hijraa'N

Chuntee Rahee Palkoon Say Utray Huye Aansoo

Suntee Rahee Noohay Bhee Hamaaray Shab-E-Hijraa'N

Ay Zeesat Ye Manzar Bhee To Ek Baar Dikha Day

Hanstay Huye Koee To Guzaaray Shab-E-Hijraa'N

Aabad Barray Darad Hain Is Dashat Mein Laikin

Dil Hay Keh Bas Ek Tujh Ko Pukaaray Shab-E-Hijraa'N

Ab Aur Koee Dhoond Raha Hay Jo Taira Saath

Hum Log To Is Khail Mein Haaray Shab-E-Hijraa'N

SHAMSHAIR Ajab Raat Hay Kaattay Nahain Kat'Tee

Dukh Darad Bhee Yaad Aatay Hain Saaray Shab-E-Hijraa'N..............!


0 comments:

Post a Comment

 
Toggle Footer