Ik Pashemaan Si Hasrat Se Mujhe Sochta Hai Ab Wahi Shehar Muhabbat Se Mujhe Sochta Hai (Noshi Gilani)

Poetess:Noshi Gilani

Ik Pashemaan Si Hasrat Se Mujhe Sochta Hai

Ab Wahi Shehar Muhabbat Se Mujhe Sochta Hai

Main To Mahdood Se Lamhoon Mein Mili Thi Uss Ko

Phir Bhi Wo Kitni Wazahat Se Mujhe Sochta Hai

Jis Ne Socha Hi Na Tha Hijar Ka Mumkin Hona

Dukh Mein Doobi Hui Hairat Se Mujhe Sochta Hai

Main To Mar Jaaon Agar Sochne Lag Jaaon Usay

Aur Wo Kitni Saholat Se Mujhe Sochta Hai

Garche Ab Tark-E-Marasam Ko Buhat Der Hoi

Ab Bhi Wo Meri Ijazat Se Mujhe Sochta Hai.....!