Latest Post
Loading...

Mere Khuda Mujhe Itna To Mo'atabar Kar De Main Jis Makaan Mein Rahta Hon Us Ko Ghar Kar De

 Poet:Iftikhar Arif

Mere Khuda Mujhe Itna To Mo'atabar Kar De

Main Jis Makaan Mein Rahta Hon Us Ko Ghar Kar De

Ye Raushni Ke Ta'aqub Mein Bhagata Hua Din

Jo Thak Gaya Hai To Ab Is Ko Mukhtasar Kar De

Main Zindagi Ki Dua Maangane Laga Hon Bahut

Jo Ho Sake To Duaon Ko Be-asar Kar De

Sitara-E-Sahari Doobane Ko Aaya Hai

Zara Koi Mere Sooraj Ko Ba-Khabar Kar De

Qabeela Waar Kamanen Karrkane Wali Hain

Mere Lahoo Ki Gawaahi Mujhe Nidar Kar De

Meri Zameen Mera Aakhiri Hawala Hai

So Main Rahon Na Rahon Us Ko Baarawar Kar De

Main Apne Khuwaab Se Kat Kar Jiyun To Mera Khuda

Ujaarr De Meri Mutthi Ko Dar-Ba-Dar Kar De......!


0 comments:

Post a Comment

 
Toggle Footer