Tairee Mushkil Na Barrhaaoon Ga Chala Jaaoon Ga Ashak Aankhoon Mein Chhupaaoon Ga Chala Jaaoon Ga

Poet Hasan Abbasi

Type

By

*_FAROOQI.54_*

Tairee Mushkil Na Barrhaaoon Ga Chala Jaaoon Ga

Ashak Aankhoon Mein Chhupaaoon Ga Chala Jaaoon Ga

Apnee Dehleez Pay Kuchh Dair Parra Rehnay Day

Jaisay Hee Hosh Mein Aaoon Ga Chala Jaaoon Ga

Mudtoon Bad Aaya Hoon Puraanay Ghar Mein

Khud Ko Jee Bhar Kay Rulaaoon Ga Chala Jaaoon Ga

Chandd Yaadain Mujhay Bachoon Kee Tarah Pyaaree Hain

Un Ko Seenay Say Lagaaoon Ga Chala Jaaoon Ga

Khawab Lainay Koee Aaye Keh Na Aaye Koee

Main To Aawaz Lagaaoon Ga Chala Jaaoon Ga

Un Mehlat Say Kuch Bhi Nahain Laina Mujh Ko

Bas Tumhain Daikhnay Aaoon Ga Chala Jaaoon Ga

Is Jazeeray Mein Ziyada Nahain Rehna Ab To

Aaj Kal Naawo Banaaoon Ga
Chala Jaaoon Ga

Main Nay Ye Jang Nahain Chhairri Yahan Apnay Liye

Takhat Pay Tum Ko Bithaaoon Ga Chala Jaaoon Ga

Aaj Kee Raat Guzaaroon Ga Madeenay Mein HASAN

Subhu Talwar Uthaaoon Ga Chala Jaaoun Ga........................!