Latest Post
Loading...

Ya Adhoori Ye Zindagi Na Rahe,Ya Tere Qurb Ki Kami Na Rahe


ﻏﺰﻝ ﻧﻤﺒﺮ 1

ﯾﺎ ﺍﺩﮬﻮﺭﯼ ﯾﮧ ﺯﻧﺪﮔﯽ ﻧﮧ ﺭﮨﮯ

ﯾﺎ ﺗﺮﮮ ﻗﺮﺏ ﮐﯽ ﮐﻤﯽ ﻧﮧ ﺭﮨﮯ

ﺍﮮ ﺧﺪﺍ ﻧﻮﺭ ﮨﻮ ﻋﻄﺎ ﺗﯿﺮﺍ

ﺭﻭﺡ ﻣﯿﮟ ﺭﻗﺺِ ﺑﮯ ﺑﺴﯽ ﻧﮧ ﺭﮨﮯ

ﺷﻮﺭ ﺍﯾﺴﺎ ﺍﭨﮭﺎ ﺩﯾﺎ ﺟﺎﺋﮯ

ﺁﺳﻤﺎﮞ ﭘﺮ ﺑﮭﯽ ﺧﺎﻣﺸﯽ ﻧﮧ ﺭﮨﮯ

ﺗﻮ ﭼﻼ ﻣﺴﺘﻘﯿﻢ ﺭﺍﮨﻮﮞ ﭘﺮ

ﺍﯾﮏ ﺫﺭﮦ ﮐﻮﺋﯽ ﮐﺠﯽ ﻧﮧ ﺭﮨﮯ

ﺭﻭﺡ ﭘﮍ ﺟﺎﺋﮯ ﮔﯽ ﮨﻼﮐﺖ ﻣﯿﮟ

ﮔﺮ ﺍﻃﺎﻋﺖ ﻣﯿﮟ ﯾﮧ ﺟﮭﮑﯽ ﻧﮧ ﺭﮨﮯ

ﻗﯿﺲ ﮐﺮ ﺗﻮ ﺑﯿﺎﮞ ﺛﻨﺎﺋﮯ ﺭﺏ

ﮐﮧ ﺯﺑﺎﮞ ﺍﺏ ﮐﺒﮭﯽ ﺭﮐﯽ ﻧﮧ ﺭﮨﮯ

ﻗﯿﺼﺮ ﻋﺰﯾﺰ ﻗﯿﺲ

ﻏﺰﻝ ﻧﻤﺒﺮ 2

ﭼﺸﻢِ ﺳﯿﺎﮦ ﻣﯿﮟ ﻧﻤﯽ ﻧﮧ ﺭﮨﮯ

ﺷﺎﻡِ ﻏﻢ ﮨﻮ ﺗﻮ ﺩﺍﺋﻤﯽ ﻧﮧ ﺭﮨﮯ

ﺍﻟﺘﺠﺎ ﻭﮦ ﻋﻄﺎ ﻣﺠﮭﮯ ﮐﺮ ﺩﮮ

ﺟﻨﺒﺶِ ﻟﺐ ﭘﮧ ﺟﻮ ﺭﮐﯽ ﻧﮧ ﺭﮨﮯ

ﻭﺣﺸﺖِ ﺩﻝ ﮨﻤﯿﮟ ﮐﮩﯿﮟ ﻟﮯ ﭼﻞ

ﮐﮧ ﺟﮩﺎﮞ ﺳﺎﻧﺲ ﺑﮭﯽ ﺟﮍﯼ ﻧﮧ ﺭﮨﮯ

ﺩﯾﺪ ﮐﯽ ﻭﮦ ﻣﺮﺍﺩ ﭘﺎ ﺟﺎﺋﮯ

ﺷﺎﻡ ﺩﮨﻠﯿﺰ ﭘﮧ ﮐﮭﮍﯼ ﻧﮧ ﺭﮨﮯ

ﺑﺲ ﯾﮩﯽ ﭼﺎﮨﺘﺎ ﮨﻮﮞ ﻣﺤﻔﻞ ﻣﯿﮟ

ﺑﺎﺕ ﻣﯿﺮﯼ ﺍﺏ ﺍﻥ ﺳﻨﯽ ﻧﮧ ﺭﮨﮯ

ﺗﯿﺮﮮ ﺁﻧﮯ ﮐﯽ ﺁﺱ ﻣﯿﮟ ﺟﺎﻧﺎﮞ

ﺩﯾﮑﮭﻨﺎ ﺷﺎﻡ ﯾﻮﮞ ﮈﮬﻠﯽ ﻧﮧ ﺭﮨﮯ

ﻗﯿﺼﺮ ﻋﺰﯾﺰ ﻗﯿﺲ


0 comments:

Post a Comment

 
Toggle Footer