Latest Post
Loading...

Aa Jaan-e-Wafa Aa


آ جان ۓ وفا آ
شاعر جان نثار اختر
بک گیت ماخوذ کلیات جان نثار اختر صفحہ 385 386
انتخاب اجڑا دل
آ جان ۓ وفا آ
کہتے ہیں کسے پیار زمانے کو دکھا دے
دنیا کی نظر عشق کے قدموں پہ جھکا دے
آ جان ۓ وفا آ
آجا یہ میرا ناز اٹھانا ہی پڑے گا
جب پیار کیا ہے تو نبھانا ہی پڑے گا
آ دل کے لیۓ جان کی بازی بھی لگادے
آ جان ۓ وفا آ
آ پیار کے طوفان میں لہرا کے چلا آ
ہر قید کو ہر رسم کو ٹھکرا کے چلا آ
عاشق ہے تو ہر چیز محبت پہ لٹادے
آ جان ۓ وفا آ
دیوانہ محبت کا کہیں ڈر کے رکا ہے؟
دربار میں شاہوں کے کہیں عشق جھکا ہے؟
خود عشق کے دربار میں شاہوں کو جھکا دے
آ جان ۓ وفا آ
آ جان ۓ وفا آ

0 comments:

Post a Comment

 
Toggle Footer