bana gulab to kante chubha gaya ik shakhs hua chirag to ghar hi jala gaya ik shakhs

 

Obaidullah Aleem عبیدالله علیم‎, June 12, 1939 – May 18, 1998

bana gulab to kante chubha gaya ik shakhs

hua chirag to ghar hi jala gaya ik shakhs

tamam rang mere aur sare khwab mere

fasana kah k fasana bana gaya ik shakhs

main kis hawa main urun kis faza main lahraun

dukhon k jal har-su bicha gaya ik shakhs

palat sakun main na age barh sakun jis par

mujhe ye kaun se raste laga gaya ik shakhs

muhabbaten bhi ajib us ki nafraten bhi kamal

meri tarah ka hi mujh main sama gaya ik shakhs

wo mahtab tha marham-ba-dast aya tha

magar kuch aur siwa dil dukha gaya ik shakhs

khula ye raz k aina-khana hai duniya

aur is main mujh ko tamasha bana gaya ik shakhs  

Obaidullah Aleem

No comments:

Post a Comment

Featured post

Main tumko bhool jaonga lekin yeh shart hai Gulshan mein chal ke phool se khushbo juda karo

Main tumko bhool jaonga lekin yeh shart hai Gulshan mein chal ke phool se khushbo juda karo