Guzray Kaya Lamhaat Na Poochho Mujh Say Ab Halat Na Poochho

Poet Akhtar Abbas Akhtar

Type

By

*_FAROOQI.54_*

Guzray Kaya Lamhaat Na Poochho

Mujh Say Ab Halat Na Poochho

Ishq Kee Baazi Haar Gaya Main

Kaya Hotee Hay Maat Na Poochho

Apnay Khawab Rahay Na Apnay

Khaak Huye Jazbaat Na Poochho

Ghar Say Dhoondnay Nikla Khud Ko

Kho Gaee Apnee Zaat Na Poochho

Ghairoon Say Kaya Shikwa Kartay

Apnoon Kee Hay Ghaat Na Poochho

Dil Par Chhaaye Gham Kay Saaye

Aankhoon Mein Barsaat Na Poochho

AKHTAR Raaz Na Reh Paaye Ga

Mujh Say Dil Kee Baat Na Poochho.............!