Jane Ab Kis Dais Milengy Onchi Zaaton Wale Log



جانے اب کس دیس ملیں گے اونچی ذاتوں والے لوگ
نیک نگاھوں،سچے جذبوں کی سوغاتوں والے لوگ
پیاس کے صحراؤں میں دھوپ پہن کر پلتے بنجارو!
پلکوں اوٹ تلاش کرو بوجھل برساتوں والے لوگ
وقت کی اڑتی دھول میں اپنے نقش گنوائے پھرتے ھیں
رم جھم صبحوں،روشن شاموں،ریشم راتوں والے لوگ
ایک بھکارن ڈھونڈ رھی تھی رات کو جھوٹے چہروں میں
اجلے لفظوں،سچی باتوں کی خیراتوں والے لوگ
آنے والی روگ رتوں کا پرسہ دیں ھر لڑکی کو
شہنائی کا درد سمجھ لیں گر باراتوں والے لوگ
پتھر کوٹنے والوں کو بھی شیشے جیسی سانس ملے
"محسن"روز دعائیں مانگیں زخمی ھاتھوں والے لوگ

No comments:

Post a Comment

Featured post

Main tumko bhool jaonga lekin yeh shart hai Gulshan mein chal ke phool se khushbo juda karo

Main tumko bhool jaonga lekin yeh shart hai Gulshan mein chal ke phool se khushbo juda karo