Ranj- E- Furqat Usey Hua Hi Nahin Aisa Bichhrra Hai Phir Mila Hi Nahin

Ranj- E- Furqat Usey Hua Hi Nahin
Aisa Bichhrra Hai Phir Mila Hi Nahin

Meri Barbaadiyon Ka Puchhtey Ho
Jaise Tum Ko Toh Kuchh Pata Hi Nahin

Baat Karta Toh Hum Mana'a Letey
Kuchh Kaha Hi Nahin, Suna Hi Nahin

Iss Tarah Hum Pe Zulm Dhaatey Ho
Jaisey Apna Koyi Khuda Hi Nahin

Ab Toh Marzi Hai Gham Ke Tufaan Ki

Kashti- E- Dil Ka Na-Khuda Hi Nahin