Sadiyon Taweel Raat Ke Zaano Se Sar Utha
Soraj Ufaq Se Jhaank Raha Hai Nazar Utha
Itni Buri Nahi Hai Khander Ki Zameen Bhi
Is Dhair Ko Samait Naye Baam-O-Dar Utha
Manzil Pe Aa Ke Dekh Raha Hon Mein Aaina
Kitna Ghubaar Tha Jo Sar-E-Rah'guzar Utha
Dastak Mein Koi Dard Ki Khushboo Zaror Thi
Darwaaza Kholnay Ke Liye Ghar Ka Ghar Utha
Qaisar Mataa-E-Dil Ka Kharedaar Kon Hai
Bazaar Ujarr Gaya Hai Dukaan-E-Hunar Utha
No comments:
Post a Comment