Latest Post
Loading...

Itne khaamosh bhi raha na karo ghum judaai mein yun kiya na karo


Itne khaamosh bhi raha na karo

ghum judaai mein yun kiya na karo

Khwaab hotay hain dekhnay ke liye

un mein jaa kar mager raha na karo

Kuchh na hoga gila bhi karne se

zaalimon se gila kiya na karo

Un se niklen hikaayaten shayad

harf likh kar mita diya na karo

Apne rutbay ka kuchh lihaaz Muneer 

yaar sab ko bana liya na karo

Muneer Niazi


0 comments:

Post a Comment

 
Toggle Footer