Latest Post
Loading...

Junoon-e-shauk ab bhee kam nahin hai Magar woh aaj bhee barham nahin hai


Junoon-e-shauk ab bhee kam nahin hai
Magar woh aaj bhee barham nahin hai

Bahut mushkil hai duniya ka sanwarna
Teri zulfon ka pech-o-kham nahin hai

Bahut kuchh aur bhee hai is jahaan mein
Yeh duniya bas gham hee gham nahin hai

Takaaze kyon karoon paiham na saaqi
Kisse yahan phikr-e-baish-o-kam nahin hai

Udhar mashkook hai meri sadaqat
Idhar bhee badgumani kam nahin hai

Meri barbaadiyon ka hamnasheenon
Tumhe kya mujhe khud bhee gham nahin hai

Abhi bazm-e-tarab se kyon uthoon mein
Abhhe to aankh bhee purnam nahin hai

majaz lakhnavi


0 comments:

Post a Comment

 
Toggle Footer