Latest Post
Loading...

Kuch Log Bhi Wehmon Mein Giraftaar Bohat Hain Kuch Shehar Ki Galiyaan Bhi Pur-Israar Bohat Hain


Kuch Log Bhi Wehmon Mein Giraftaar Bohat Hain
Kuch Shehar Ki Galiyaan Bhi Pur-Israar Bohat Hain

Hai Kon, Utarta Wahaan Jis Key Liye Chaand
Kehnay Ko To Chehray Pas-e-Dewaar Bohat Hain

Hontoun Pey Sulagtey Hoye Inkaar Pey Mat Jaa
Palkon Sey Parey Bheegtay Iqraar Bohat Hain

Yeh Dhoop Ki Sazish Hai K Mousam Ki Shrarat
Saaye Hain Wahaan Kam Jahaan Ashjaar Bohat Hain

Be Harf-e-Talab Un Ko Atta Kar Kabhi Khud Sey
Wo Youn Key Sawaali Teray Khud-daar Bohat Hain

Tum Munsif-o-Aadil Hi Sahi Shehar Mein Lekin
Kyon Khoon Key Cheentay Sar-e-Dastaar Bohat Hain

Aey Hijr Ki Basti Too Salamat Rahey Lekin
Sunsaan Teray Koocha-o-Bazaar Bohat Hai

 "Mohsin" Humien Zid Hai K Ho "Andaaz-e-Byaan Aur"
Hum Log Bhi Ghalib Key Traf Daar Bohat Hain


0 comments:

Post a Comment

 
Toggle Footer