Raza-E-Ishq Ko Tasleem Karna Parrta Hai,Kisi Ko Zindagi Dene Ko Marna Parrta Hai

رضائے عشق کو تسلیم کرنا پڑتا ہے

کسی کو زندگی دینے کو مرنا پڑتا ہے

کنواں ہو نہر ہو یا ریت کا سمندر ہو

کہ اپنے حصے کا پانی تو بھرنا پڑتا ہے

یہی ہے ریت محبت کی ، ضابطہ ہے یہی

جو بھول جائے اسے یاد کرنا پڑتا ہے

تماشہ دیکھ رہا ہے وہ ساحلوں پہ کھڑا

سو مجھ کو ڈوب کے پھر سے ابھرنا پڑتا ہے

یہ خار خار مسافت ، یہ عشق کا صحرا

یہاں سے اہلِ وفا کو گزرنا پڑتا ہے

دلشاد نسیم