Latest Post
Loading...

Yun Bhi Kamal Kijiye Ik Ghar Banayeyi,Deewaar-O-Dar Ki Qaid Se Bahir Banayeyi


نام:عدنان اثر
تاریخِ پیدایش:02,09,1992
جائے پیدائش: مانسہرہ
شہر کانام: اسلام آباد

یوں بھی کمال کیجیے اک گھر بنائیے
 دیوار و در کی قید سے باہر بنائیے

 اب وہ چلا گیا ہے تو دِن رات بیٹھ کر 
 اُس کی مِثال کا کوئی پیکر بنائیے

 ایسا بھی کُچھ تو ہو کہ جو دل کو لُبھا سکے
 آنکھیں جو چاہتی ہیں وہ منظر بنائیے

 پھر ہاتھ بھی نہ آئےگی یہ مختصر حیات
 جتنا بھی ہو سکے ، اسے بہتر بنائیے

 وہ مِل نہیں رہا ہمیں کوشش کے باوجود 
 کِس طرح خود کو زیست کا خُوگر بنائیے

 جو شے بھی آپ سے کبھی بنتی نہیں اثر 
 خواب و خیال میں اُسے اکثر بنائیے

عدنان اثر
 

0 comments:

Post a Comment

 
Toggle Footer