Kal Ye Likhti Thi Bichrna Tumhein Manzoor Nahi,Ab Ye Kehti Ho Mere Khat Mujhe Wapas Kar Do


Kal Ye Likhti Thi Bichrna Tumhein Manzoor Nahi,
,
Ab Ye Kehti Ho Mere Khat Mujhe Wapas Kar Do,
,
Zikar Pairon Mein Chankti Hui Zanjeer Ka Hai,
,
Uzar Beemari-E-Dil,
Gardish-E-Taqdeer Ka Hai,
,
Fikar Khawabon Ki Bigrrti Hui Ta'abeer Ka Hai,
,
Khof Guzre Huye Din Raat Ki Tash'Heer Ka Hai,
,
Goya Tum Jesa Jahan Mein Koi Majboor Nahi,
,
Kal Ye Likhti Thi Bichhrrna Tumhein Manzoor Nahi,
,
Ab Ye Kehti Ho Mere Khat Mujhe Wapas Kar Do,
,
Gul Afsrdah-O-Maghmoom Ho Pehle Ki Tarah,
,
Hurf-E-Taskeen Se Mehroom Ho Pehle Ki Tarah,
,
Har Sitam Kar K Bhi Mazloom Ho Pehle Ki Tarah,
,
Ya'ani Alg Baat Keh Chehre Pe Kahein Noor Nahi,
,
Kal Ye Likhti Thi Bichhrna Tumhein Manzoor Nahein,
,
Kash Hasil Ho Tumhein Rutba Aali Sarkaar,
,
Chasham-E-Dunya Mein Raho Ban K Missaali Sarkaar,
,
Ye Mgar Sach Hai Meri Muatiyon Wali Sarkaar,
,
Dasat-E-Wahid Se To Bajti Nahi Tali Sarkaar,
,
Baahmi Rabt-O-Mohabbat Ka Ye Dastoor Nahein,
,
Kal Ye Likhti Thi Bichhrrna Tumhein Manzoor Nahein,
,
Ab Ye Kehti Ho Mere Khat Mujhe Wapas Kar Do,
,
Main Safai Koi Doon Ga Na Wazaahat Doon Ga,
,
Tum Ko Wapas Mein Tumhari Ye Amaanat Doon Ga,
,
Phir Kabhi Tum Se Na Milne Ki Zamaanat Doon Ga,
,
Bas Tumhein Tark-E-Maraasam Pe Ye Zehmat Doon Ga,
,
Tum Ho Be Chain To Main Bhi Koi Masroor Nahi,
,
Kal Ye Likhti Thi Bichhrrna Tumhein Manzoor Nahi,
,
Kal Ye Likhti Thi Bichhrrna Tumhein Manzoor Nahi,
,
Ab Ye Kehti Ho Mere Khat Mujhe Wapas Kar Do,
,
Tum Pe Bhi Qaraz Hai Awwal Mujhe Wapas Kar Do,
,
Mera Beeta Huwa Har Pal Mujhe Wapas Kar Do,
,
Mera Barsa Huwa Baadal Mujhe Wapas Kar Do,
,
Apne Khat Le Lo Mera Kal Mujhe Wapas Kar Do,
,
Ye Mohabbat Ki Sehar Hai Shab-E-Deejor Nahi,
,
Kal Ye Likhti Thi Bichhrrna Tumhein Manzoor Nahi,
,
Ab Ye Kehti Ho Mere Khat Mujhe Wapas Kar Do.............!
.
,
Poet Aetbaar Sajid
,

Book
Mere Khat Mujhe Wapas Kar Do,
,
Page 13 15

No comments:

Post a Comment

Featured post

Main tumko bhool jaonga lekin yeh shart hai Gulshan mein chal ke phool se khushbo juda karo

Main tumko bhool jaonga lekin yeh shart hai Gulshan mein chal ke phool se khushbo juda karo