Khizaan K Mausam Ki Sard Shaamen Saraab Yaadon K Haath Thaamay

Khizaan K Mausam Ki Sard Shaamen
Saraab Yaadon K Haath Thaamay

Kabhi Jo Tum Se Hisaab Mangen
Maayusiyon K Nisaab Mangen

Be-Noor Aankhon Se Khawab Mangen
To Jaan Lena K Khawab Saray

Meri Hadon Se Nikal Chukay Hain
Tumhari Chokhat Pe Aa Rukay Hain

Musaafton Se Thakay Hue Hain
Ghubar-E-Raah Se Hatte Hue Hain

Kuch Is Tarha Se Dare Hue Hain
Sawaali Nazron Se Tak Rahe Hain

Tumhari Chokhat Pe Jane Kab Se
Jabeen Jhukaye Hue Khare Hain