Latest Post
Loading...

Thi jis ki justajoo woh haqeeqat nahin mili inn bastiyon mein hum ko rafaaqat nahin mili

Thi jis ki justajoo woh haqeeqat nahin mili
inn bastiyon mein hum ko rafaaqat nahin mili

Ab tak hain iss gumaan mein ki hum bhi hain dahar mein
iss weham se nijaat ki soorat nahin mili

Rehna tha uss ke saath bahut der tak magar
inn roz-o-shab mein mujh ko ye fursat nahin mili

Kehna tha jis ko uss se kisi waqt mein mujhe
iss baat ke kalaam ki mohlat nahin mili

Kuchh din ke baad uss se juda ho gaye munir
uss bewafa se apni tabeeyat nahin mili

Munir Niazi

0 comments:

Post a Comment

 
Toggle Footer