Harf-e-Ghalat Na Tha,Mujhe Samjha Gaya Ghalat
Likha Gaya Ghalat Kabhi Bola Gaya Ghalat
Main Bhi Ghalat Na Tha Meri Batein Ghalat Na Thein
Mujh Ko,Mere Kalaam Ko Jancha Gaya Ghalat
Meezaan Theek Tha,Palr're Drust Thay
Lekin Ye Kon Dekhta Hai Keh Tola Gaya Ghalat
Mujh Mein Nahi They A'aib,Kasoti Mein A'aib They
Mera Tha Ye Qusoor Keh Parkha Gaya Ghalat
Toofaan Ke Baad Ahl-e-Tadabur Ko Hai Ye Fikar
Sahil Ka Tha Qusoor Keh Darya Gaya Ghalat
Afraad Hain Ghalat Ya Ghalat Hain Tasawaraat
Ya Iss Muashre Hi Ko Dhala Gaya Ghalat
No comments:
Post a Comment