Kb talak apni tapish me aap jalna hai tujhe Dopeher ki dhoop tu,, aakhir ko dhalna hai tujhe


Kb talak apni tapish me aap jalna hai tujhe...??
Dopeher ki dhoop tu,, aakhir ko dhalna hai tujhe...

Saans chubhtii kirchiyo'n ka be-nihaayat raasta...
Aor is pr zindagi bhar tezz chalna hai tujhe...

Tujhse paimaa'n baandha tha,, aor ye socha na tha...
Apni aankho'n ki tarah har pal badalna hai tujhe...

Rang mehndii k hon ya titlii k,, auro'n k naseeb...
Hath ki pheekii lakeero'n se behelna hai tujhe...

Raat bhar ki baat hai khud ko tamaazat se bacha...
Din chadhe phir barff ki soorat pighalna hai tujhe...

"Khair-o-shar" me faisle ka waqt hai,, tarkash sambhaal...
Apne lashkar se misaal-e-HUR nikalna hai tujhe...

Reshmii rishto'n se MOHSIN itna be-parwaah na ho...
Laghzisho'n ki bheed me aakhir sambhalna hai tujhe...!!

No comments:

Post a Comment

Featured post

Main tumko bhool jaonga lekin yeh shart hai Gulshan mein chal ke phool se khushbo juda karo

Main tumko bhool jaonga lekin yeh shart hai Gulshan mein chal ke phool se khushbo juda karo