Hai wohi aasmaan zameen wohi Maah o anjum usi tarah roshan Kehakashan ab bhi muskarati hai

Hai wohi aasmaan zameen wohi

Maah o anjum usi tarah roshan

Kehakashan ab bhi muskarati hai

Phool kaliyan mehak rahi hain yunhi
Baad muddat kay saaray pardesi
Apnay apnay gharon ko aaye hain
Her taraf rang o boo ka maila hai
Aur tanha mein apnay kamray men
Kab say bethi hoon aur sochti hoon
Janay kaya baat hai keh ghar men meray
Jo gazashta baras thi ronaq, ab
Woh kahin bhi nazar nhi aati
Hai fizaa men ajeeb sannata
Haan faqt aik teray janay say
Aisa mehsoos ho raha hai mujhay
Rutt khushi ki to her taraf aaii
Sirf chhotay say meray aangan men
Eid ab kay baras nhi aaii