"امبڑی"
:منشی
اَج بڑی دیر نال آیاں ایں بشیریا ؟؟
اے تیرا پِنڈ اے ، تے نال ای سکول اے
جائیں گا توں میرے کولوں ہڈیاں بَھنا کے
تے آیاں ایں توں اَج دونویں ٹلیاں گُھسا کے
اے تیرا پِنڈ اے ، تے نال ای سکول اے
جائیں گا توں میرے کولوں ہڈیاں بَھنا کے
تے آیاں ایں توں اَج دونویں ٹلیاں گُھسا کے
:بشیرا
منشی جی میری اِک گَل پہلاں سُن لئو
اکرمے نے نَہیر جیہا نَہیر اَج پایا جے
مائی نوں اے مارد اے تے بڑا ڈاہڈا مارد اے
اَج اَیس بَھیڑکے نے حَد پئ مُکائی اے
اوھنوں مار مار کے مدھانی پَن سَٹی سُو
بندے کٹھے ھوئے نیں تے اوتھوں پَج وَگیا اے
چُک کے کِتاباں تے سَکول وَل نَسیا اے
مائی ایہدی مُنشی جی !! گھر ساہڈے آئی سی
منہ اُتے نِیل سَن ، سُجا ھویا ہَتھ سی
اَکھاں وِچ اَتھرو ، تے بُلاں اُتے رَت سی
کہن لگی سوھنیا ، وے پُتر بشیریا
میرا اِک کم وی توں کریں اَج ھیریا
روٹی میرے اکرمے دی لئ جا مدرسے
اَج فیر ٹُُر گیا ای میرے نال رُس کے
گھیو وِچ گُن کے پروٹھے اوس پَکے نیں
رِیجھ نال گِنھیا سُو انڈیاں دا حَلوہ
پَونے وِچ بَنھ کے تے میرے ہَتھ دِتی سُو
ایہو گَل آکھدی سی مُڑ مُڑ مُنشی جی
چھیتی نال جائیں بیبا ، دیریاں ناں لائیں بیبا
اوہدیاں تے لُوس دیاں ھون گِیاں آندراں
بُھکا باناں اَج اوہ سکولے ٹُر گئیا اے
روٹی اوھنے دِتی اے ، میں پَھجا لگا آیا جے
اکرمے نے نہیر جئیا نہیر اَج پایا جے
انور مسعود
منشی جی میری اِک گَل پہلاں سُن لئو
اکرمے نے نَہیر جیہا نَہیر اَج پایا جے
مائی نوں اے مارد اے تے بڑا ڈاہڈا مارد اے
اَج اَیس بَھیڑکے نے حَد پئ مُکائی اے
اوھنوں مار مار کے مدھانی پَن سَٹی سُو
بندے کٹھے ھوئے نیں تے اوتھوں پَج وَگیا اے
چُک کے کِتاباں تے سَکول وَل نَسیا اے
مائی ایہدی مُنشی جی !! گھر ساہڈے آئی سی
منہ اُتے نِیل سَن ، سُجا ھویا ہَتھ سی
اَکھاں وِچ اَتھرو ، تے بُلاں اُتے رَت سی
کہن لگی سوھنیا ، وے پُتر بشیریا
میرا اِک کم وی توں کریں اَج ھیریا
روٹی میرے اکرمے دی لئ جا مدرسے
اَج فیر ٹُُر گیا ای میرے نال رُس کے
گھیو وِچ گُن کے پروٹھے اوس پَکے نیں
رِیجھ نال گِنھیا سُو انڈیاں دا حَلوہ
پَونے وِچ بَنھ کے تے میرے ہَتھ دِتی سُو
ایہو گَل آکھدی سی مُڑ مُڑ مُنشی جی
چھیتی نال جائیں بیبا ، دیریاں ناں لائیں بیبا
اوہدیاں تے لُوس دیاں ھون گِیاں آندراں
بُھکا باناں اَج اوہ سکولے ٹُر گئیا اے
روٹی اوھنے دِتی اے ، میں پَھجا لگا آیا جے
اکرمے نے نہیر جئیا نہیر اَج پایا جے
انور مسعود
No comments:
Post a Comment