نظر ملا کے ذرا دیکھ مت جھکا آنکھیں
بڑھا رہی ہیں نگاہوں کا حوصلہ آنکھیں
جو دل میں عکس ہے آنکھوں سے بھی وہ چھلکے گا
دل آئینہ ہے مگر دل کا آئینہ آنکھیں
وہ اک ستارا تھا جانے کہاں گرا ہو گا
خلا میں ڈھونڈ رہی ہیں نہ جانے کیا آنکھیں
قریب جاں دم خلوت مگر سرمحفل
ہیں اجنبی سے بھی بڑھ کر وہ آشنا آنکھیں
غم حیات نے فرصت نہ دی ٹھہرنے کی
پکارتی ہی رہیں مجھکو صدا آنکھیں
تباہیوں کا کسی نے اگر سبب پوچھا
زبان حال نے بے ساختہ کہا آنکھیں
جھٹک چکا تھا میں گرد ملال چہرے سے
چھپا سکیں نہ مگر دل کا ماجرا آنکھیں
یہ اس کا طرز تخاطب بھی خوب ہے
محسن رکا رکا سا تبسم خفا خفا آنکھیں
محسن بھوپالی
Nazar Mila Ke Zara Dekh Mat Jhuka Aankhein
Barha Rahi Hain Nigahon Ka Hosla Aankhein
Jo Dil Mein Aks Hai Aankhon Se Bhi Wo Chalkey Ga
Dil Aaina Hai Magar Dil Ka Aaina Aankhein
Wo Ik Sitara Tha Jane Kahan Gira Ho Ga
Khala Mein Dhoond Rahi Hain Na Jane Kia Aankhein
Qareeb-e-Jaan Dam Khalvat Magar Sar-e-Mehfil
Hain Ajnabi Se Bhi Bad Kar Wo Aashna Aankhein
Gham-e-Hayaat Ne Fursat Na Di Thehernay Ki
Pukaarti Hi Rahein Mujhko Sada Aankhein
Tabahion Ka Kisi Ne Agar Sabab Poocha
Zuban-e-Haal Ne Be-Sakhta Kaha Aankhein
Jhatak Chuka Tha Main Gard-e-Malal Chehre Se
Chupa Sakein Na Magar Dil Ka Majra Aankhein
Ye Uska Tarz-e-Takhtub Bhi Khoob Hai Mohsin
Ruka Ruka Sa Tabasum Khafa Khafa Aankhein
Poet:Mohsin Bhopali
No comments:
Post a Comment