Latest Post
Loading...

Rote Rote So Gayin Shamme Bhi Parwano K Saath Rafta Rafta Mit Gaye Unwan Bhi Afsanon K Saath

 

Poet:Rahi Shahabi

Rote Rote So Gayin Shamme Bhi Parwano K Saath

Rafta Rafta Mit Gaye Unwan Bhi Afsanon K Saath

Ab Koi Parda Giraye Ya Koi Rooposh Ho

Uthne Wala Uth Gaya Mehfil Se Armanon K Saath

Aarzoein Jate Jate Dil Se Itna Keh Gayin

Kia Sulok Aisa Kia Jata Hai Mehmano K Saath

Kashtian Aisi Bhi Dekhi Hain Jo Sahilon K Liye

Sazishe Takkar Lia Kart Hain Toofanon K Saath

Kaarwan Se Kese Kese Log Rukhsat Ho Gaye

Kuch Fareshte Chal Rahe Thy Jaise Insano K Saath

Raat "RAHI" Qissa-e-Gham Keh Rahe Thy Hum Idhar

Sun Rahe Thy Wo Udhar Labraiz Paimano K Saath


0 comments:

Post a Comment

 
Toggle Footer