yun bichharna bhi bahot aasan na tha us se magar jate jate us ka wo mur kar dobara dekhna

Poetess:Parveen Shakir

Badba`n khulne se pehle ka ishara dekhna

mein samandar dekhti hoon tum kinara dekhna

yun bichharna bhi bahot aasan na tha us se magar

jate jate us ka wo mur kar dobara dekhna

kis shabahat ko liae aya hai darwaze pe chand

ae shab-e-hijra`n zara apna sitara dekhna

aaine ki aankh hi kuch kam na thi mere liye

jane ab kya kya dikhaye ga tumhara dekhna