زندگی سے نظر ملاؤ کبھی
ہار کے بعد مسکراؤ کبھی
ترکِ اُلفت کے بعد اُمیدِ وفا
ریت پر چل سکی ہے ناؤ کبھی
اب جفا کی صراحتیں بیکار
بات سے بھر سکا ہے گھاؤ کبھی
شاخ سے موجِ گُل تھمی ہے کہیں
ہاتھ سے رک سکا بہاؤ کبھی
اندھے ذہنوں سے سوچنے والو
حرف میں روشنی ملاؤ کبھی
بارشیں کیا زمیں کے دُکھ بانٹیں
آنسوؤں سے بجھا الاؤ کبھی
اپنے اسپین کی خبر رکھنا
کشتیاں تم اگر جلاؤ کبھی
(پروین شاکر)
Zindagi Se Nazar Milao Kabhi
Haar Ke Baad Muskurao Kabhi
Tark-e-Ulfat Ke Baad Umeed-e-Wafa
Ret Par Chal Saki Hai Nav Kabhi
Ab Jafa Ki Sarahatein Be-Kaar
Baat Se Bhar Saka Hai Ghav Kabhi
Shakh Se Moj-e-Gul Thami Hai Kahein
Haath Se Ruk Saka Bahav Kabhi
Andhe Zehnon Se Sochne Walo
Harf Mein Roshni Milao Kabhi
Barshein Kia Zameen Ke Dukh Bantein
Aansoun Se Bhuja Alav Kabhi
Apne Spain Ki Khabar Rakhna
Kashtian Tum Agar Jalav Kabhi
(Parveen Shakir)
No comments:
Post a Comment