Tanha rehna seekh rahi hoon Mar kay jeena seekh rahi hoon

Tanha rehna seekh rahi hoon
Mar kay jeena seekh rahi hoon

Mang kay paana seekh liya hai
Pa kay khona seekh rahi hoon

Sabar ko zaad-e-rah bana kar
Kanch pay chalna seekh rahi hoon
Phirtay, phirtay sehra, sehra
Pyaas ko peena seekh rahi hoon
Marham to rakhna na aaya
Zakhm khurachna seekh rahi hoon
Jeenay kay hain ajab taqaazay
Zinda rehna seekh rahi hoon
Madhoshi nay bohat sataaya
Hosh men rehna seekh rahi hoon
Barson guzray phir bhi ab tak
Maan say bichcharna seekh rahi hoon
Dar kar zehar kay pyaalay say
Such ko chupaana seekh rahi hoon
Rotay rotay auron par
Khud pay hasna seekh rahi hoon
Ghum nay mujh ko bohat hai khaya
Ab gham khana seekh rahi hoon
Is pay hairan hoti hoon
Kartab, kya kya seekh rahi hoon