موسم گل بھی نہیں تو بھی مرے پاس نہیں
جانے کیوں پھر بھی جنوں وقف غم و یاس نہیں
Mausam e gul bhi nahi tu bhi mere paas nahi
Jane kyun phir bhi junoon waqf e gham o yas nahi
تو وہ ظالم ہے جو اپنوں کو بھی اغیار کہے
میں وہ پاگل جسے دشمن کا بھی احساس نہیں
Tu wo zalim hai jo apnon ko bhi aghiyar kahe
Main wo pagal jise dushman ka bhi ehsas nahi
شہر دل، مجھ کو نہ خوش رہنے کے آداب سکھا
کیا کروں، مجھ کو تری آب و ہوا راس نہیں
Shehr e dil, mujh ko na khush rehne ke adaab sikhha
Kia karoon mujh ko teri aab o hawa raas nahi
ذہن اب فکر کی سولی پہ سجاۓ گا کسے
کوئی عنواں بھی سر مقتل احساس نہیں
Zehn ab fikr ki sooli pe sajaye ga kise
Koi unwan bhi sar e maqtal e ehsas nahi
جان میخانہ ہے وہ رند بلا نوش یہاں
تشنہ لب رہ کے جو کہتا ہے، مجھے پیاس نہیں
Jan e maikhana hai wo rind e balaa nosh yahan
Tishna lab reh ke jo kehta hai, mujhe piyas nahi
سوچ کر اس کو سجا اپنے حسیں آنچل پر
میرا آنسو ہے کوئی ریزۂ الماس نہیں
Soch kar is ko saja apne haseen anchal par
Mera ansu hai koi reza e almas nahi
ایک وہ دن کہ ترا جسم تھا میراث مری
ایک یہ دن کہ ترا غم بھی مرے پاس نہیں
Aik wo din ke tera jism tha meeras meri
Aik ye din ke tera gham bhi mere paas nahi
محسؔن نقوی
Mohsin Naqvi
No comments:
Post a Comment