Aankhein Bhi Wahi Hein Dareecha Bhi Wahi Hai Aor Soch Ke Aangan Mein Utarta Bhi Wahi Hai

آنکھیں بھی وہی ہیں، دریچہ بھی وہی ہے
اور سوچ کے آنگن میں اُترتا بھی وہی ہے
جس نے میرے جذبوں کی صداقت کو نہ جانا
اب میری رفاقت کو ترستا بھی وہی ہے
جو کچھ بھی کہا تھا میری تنہائی نے تجھ سے
اِس شہر کی دیوار پہ لکھا بھی وہی ہے
وہ جس نے دیے مجھ کو محبت کے خزانے
بادل کی طرح آنکھ سے برستا بھی وہی ہے
 نوشی گیلانی