Bana rahe koi dam, naqsh e pa se kaun kahe Abhi na khak udaye hawa se kaun kahe

بنا رہے کوئی دم، نقش پا سے کون کہے
ابھی نہ خاک اڑائے، ہوا سے کون کہے

گئی تو بو ہی نہیں، رنگ بھی گلوں سے گیا
پلٹ کے باغ میں آئے، صبا سے کون کہے

وہ ملتفت ہیں مگر اب ہمیں دماغ نہیں
کہے ہوئے کو پھر اب ابتدا سے کون کہے

بہت سے روگ دعا مانگنے سے جاتے ہیں
یہ بات خوگر رسم دوا سے کون کہے

وہ دل کا درد وہ ناگفتنی سخن خورشیدؔ
خدا سے کہہ لیا، خلق خدا سے کون کہے
خورشیدؔ رضوی

Bana rahe koi dam, naqsh e pa se kaun kahe
Abhi na khak udaye hawa se kaun kahe

Gaiy to bu hi nahi rang bhi gulon se gaya
Palat ke bagh mein aye, saba se kaun kahe

Wo multafit hain magar ab humen dimagh nahi
Kahe huay ko phir ab ibtida se kaun kahe

Bohat se roag dua mangne se jate hain
Ye bat khugar e rasm e dawaa se kaun kahe

Wo dil ka dard, wo na guftani sukhan Khursheed
Khuda se keh lia khalq e Khuda se kaun kahe
Khursheed Rizvi