نہ سکت ہے ضبط غم کی، نہ مجال اشکباری
یہ عجیب کیفیت ہے، نہ سکوں، نہ بیقراری
Na sakat hai zabt e gham ki, na majal e ashk baari
Ye ajeeb kaifiyet hai na sukoon, na beqarari
ترا ایک ہی ستم ہے ترے ہر کرم پہ بھاری
غم دو جہاں سے دے دی مجھے تو نے رستگاری
Tera aik hi sitam hai Tere har karam pe bhaari
Gham e do jahan se de di mujhe Tu ne rastgaari
مری زندگی کا حاصل ترے غم کی پاسداری
ترے غم کی آبرو ہے مجھے ہر خوشی سے پیاری
Meri zindagi ka hasil tere gham ki pasdaari
Tere gham ki abru hai mujhe har khushi se pyari
یہ قدم قدم بلائیں یہ سواد کوئے جاناں
وہ یہیں سے لوٹ جائے جسے زندگی ہو پیاری
Ye qadam qadam balayen, ye sawad e ku e janan
Wo yahin se laut jaye jise zindagi ho pyari
ترے جاں نواز وعدے مجھے کیا فریب دیتے
ترے کام آ گئی ہے مری زود اعتباری
Tere jan nawaz wade mujhe kia fareb dete
Tere kaam aa gaiy hai meri zood aitibari
مری رات منتظر ہے کسی اور صبح نو کی
یہ سحر تجھے مبارک جو ہے ظلمتوں کی ماری
Meri rat muntazir hai kisi aur subh e nau ki
Ye sehr tujhe mubarak jo hai zulmaton ki maari
عامر عثمانی
Amir Usmani
No comments:
Post a Comment