Honton Peh Piyas , Aankh Mein Pani Liye Phiron Main Dasht Mein Kisi Ki Nishani Liye Phiron

ہونٹوں پہ پیاس ، آنکھ میں پانی لیے پھروں
میں دشت میں کسی کی نشانی لیے پھروں
Honton Peh Piyas , Aankh Mein Pani Liye Phiron
Main Dasht Mein Kisi Ki Nishani Liye Phiron
اس کا پتہ کوئی بھی بتاتا نہیں مجھے
تصویر اسکی برسوں پرانی لیے پھروں

مجھ کو شدید دھوپ کا احساس ہی نہیں
میں اپنے ساتھ شام سہانی لیے پھروں

مجھ سے اگر سنے تو زمانہ بھڑک اٹھے
سینے میں ایک ایسی کہانی لیے پھروں

اس بات کو سمجھنے کا موقع نہیں ملا
جس بات کے بہت سے معانی لیے پھروں

دنیا تجھے میں دیکھ چکا ہوں قریب سے
یونہی نہیں میں شعلہ بیانی لیے پھروں

محبوب عمر کٹ گئی لیکن میں آج بھی
تیری گلی میں اپنی جوانی لیے پھروں

خالد محبوب
Khalid Mahboob