Hamare paas to kuch bhi bacha nai Faqat ek zakhm hai jis ki dawaa nai

ہمارے پاس تو کچھ بھی بچا نئیں
فقط اک زخم ہے جس کی دوا نئیں
Hamare paas to kuch bhi bacha nai
Faqat ek zakhm hai jis ki dawaa nai

 
مری سانسیں جھلستی جا رہی ہیں
یہ تیرے شہر کی آب و ہوا نئیں
Meri sansen jhulasti ja rahi hain
Ye tere shehr ki aab o hawa nai

 
ہمارا حوصلہ اتنا نہیں ہے
تو بیشک چھوڑ دے لیکن بتا نئیں
Hamara hausla itna nahi hai
Tu beshak chhor de lekin bata nai

 
کوئی بھی تیسرا رستہ نہیں ہے
کہ یا تو عشق ہو جاتا ہے یا نئیں
Koi bhi teesra rasta nahi hai
Ke ya to ishq ho jata hai ya nai

 
ہمیں پھر کیوں ستایا جا رہا تھا
ہماری آنکھ میں جب خواب تھا نئیں
Humen phir kyun sataya ja raha tha
Hamari ankh mein jab khwab tha nai

 
پتہ نئیں کس نے تجھ کو ورغلایا
اے میری ﺟﺎن، میں اتنا برا نئیں
Pata nai, kis ne tujh ko varghalaya
Ay meri jan main itna bura nai

 
میں کیسے مان لوں یہ بات اس کی
کہ اپنے درمیاں کچھ بھی ہوا نئیں
Main kaise maan loon ye bat us ki
Ke apne darmiyan kuch bhi hua nai

 
یہ کیسا تجربہ مجھ پر ہوا ہے
مرے لب ہیں مگر کوئی صدا نئیں
Ye kaisa tajruba mujh par hua hai
Mere lab hain magar koi sadaa nai

 
میں اس کے کام آ سکتا ہوں لیکن
اب آگے اس کی نیت کا پتہ نئیں
Main us ke kaam aa sakta hoon lekin
Ab agay us ki neyat ka pata nai

 
شکیل پتافی
Shakeel Patafi