Na Hareef e Jan , Na Shareek e Gham , Shab e Intezar Koi Tou Ho Kise Bazm e Shouq Mein Laein Hum Dil e Beqarar Koi Tou Ho

نہ حریفِ جاں، نہ شریکِ غم، شبِ انتظار کوئی تو ہو
کسے بزمِ شوق میں لائیں ہم دلِ بیقرار کوئی تو ہو
Na Hareef e Jan , Na Shareek e Gham , Shab e Intezar Koi Tou Ho
Kise Bazm e Shouq Mein Laein Hum Dil e Beqarar Koi Tou Ho

 
کسے زندگی ہے عزیز اب، کسے آرزوئے شبِ طرب
مگر اے نگارِ وفا طلب ترا اعتبار کوئی تو ہو
Kise Zindagi Hai Azeez Ab , Kise Aarzoo e Shab e Turb
Magar Ae Nigar e Wafa Talab Tera Aitbar Koi Tou Ho

 
کہیں تارِ دامنِ گل ملے تو یہ مان لیں کہ چمن کھلے
کہ نشان فصلِ بہار کا سرِ شاخسار کوئی تو ہو
Kahein Tar e Daman e Gul Mily Tou Yeh Man Lein Keh Chaman Khuly
Keh Nishan Fasl e Bahar Ka Sar e Shakhsar Koi Tou Ho

 
یہ اداس اداس سے بام و در، یہ اجاڑ اجاڑ سی رہگزر
چلو ہم نہیں نہ سہی مگر سرِ کوئے یار کوئی تو ہو
Yeh Udas Udas Se Bam o Dar , Yeh Ujad Ujad See Rahguzar
Chalo Hum Nahi Na Sahi Magar Sar Koo e Yar Koi Tou Ho

 
یہ سکونِ جاں کی گھڑی ڈھلے تو چراغِ دل ہی نہ بجھ چلے
وہ بلا سے ہو غمِ عشق یا غمِ روزگار کوئی تو ہو
Yeh Sukoon e Jan Ki Ghadhi Dhaly Tou Chiragh e Dil Na Bujh Chaly
Woh Bala Se Ho Gham e Ishq Ya Gham e Rozgar Koi Tou Ho

 
سرِ مقتلِ شب آرزو، رہے کچھ تو عشق کی آبرو
جو نہیں عدو تَو فرازؔ تُو کہ نصیب دار کوئی تو ہو
Sar e Maqtal e Shab Aarzoo , Rahe Kuch Tou Ishq Ki Aabroo
Jo Nahi Ado Tou FARAZ Tu Keh Naseeb Dar Koi Tou Ho

 
احمد فرازؔ
Ahmad Faraz