HIJAR

اے کوکب قہر کی صورت کسی کی یاد آتی ہے کسی صورت نہ درد دل میں میرے اب کمی ہو گی Ae Kokat Qahar Ki Sorat Kisi Ki Yaad Aati Hai Kisi Sorat Na Dard Dil Mein Mere Ab Kami Hogi کوکب مبین Kokab Mubeen

سنگ ریزوں کو سلیقے سے ہٹا دیتے تھے ہم کہ ہر زخم کو چٹکی میں اڑا دیتے تھے Sang Rezon Ko Saleeqay Se Hata Dety Thay Hum Keh Har Zakham Ko Chutki Mein URa Dete Thay غم کے گارے سے بناتے تھے وفاوں کے دیئے پھر جلا کر انہیں اشکوں سے بجھا دیتے تھے کیسا شفاف سا ہوتا تھا یہ دل کا شیشہ بال آُ جائے جو اس میں تو ہٹا دیتے تھے نفرت و بغض و عداوت سے نہیں تھا مطلب روٹھ جاتا جو کوئی اس کو ہنسا دیتے تھے اس کے آتے ہی یہ گھڑیال کو پیچھے کر کے اس کی رفتار کو چپکے سے گھٹا دیتے تھے چاہے وہ دوست یا دشمن کہ رقیب جاں ہو ہاتھ پھیلا کے اسے صرف دعا دیتے تھے آج یہ حال ہوا خود کو بھلا بیٹھے ہیں ہم جو بھولوں کو سبق یاد کرا دیتے تھے رضیہ سبحان Razia Subhan

اُس نے ہر چیز یہاں حسب ِ ضرورت دی ہے داغ اِس دل کو، اُسے چاند سی صورت دی ہے Usne Har Cheez Yahan Hasb e Zarorat Di Hai Dagh Is Dil Ko , Usay Chand See Sorat Di Hai آج پِھر اُس کی نِگاہوں کا اشارہ پا کر ہم نے اِس دِل کو دھڑکنے کی اجازت دی ہے کون سے شہر میں اُترا ہے مری رات کا چاند کِس زلیخا نے اُسے زحمت ِ اُلفت دی ہے کیوں نہ دو چار گھڑی کوئے ملامت میں رہیں گردش ِ وقت نے گر تھوڑی سی مہلت دی ہے شاہین مفتی Shaheen Mufty

تارے روشن ہیں میری پلکوں پر دل کے آنگن میں گھپ اندھیرا ہے Tare Roshan Hein Mery Palkon Par Dil Ke Aangan Mein Ghup Andhera Hai کوکب مبین Kokab Mubeen

اداس پیڑوں کی ٹہنیوں پہ لکھی کہانی کا درد کیا ہے کبھی ملو تو تمہیں بتائیں کہ رائیگانی کا درد کیا ہے Udas PaiRon Ki Tehnion Peh Lekhy Kahani Ka Dard Kia Hai Kabhi Milo Toh Tumhein Bataein Keh Raegani Ka Dard Kia Hai ہم ایسے بنجر مزاج لوگوں کے خواب گروی، خیال گروی ہم ایسے بزدل ہی جانتے ہیں کہ زندگانی کا درد کیا ہے حسین لڑکی، تمہارے خوابوں کو شک کی دیمک نگل گئی ہے حسین لڑکی تمہی بتاؤ کہ بدگمانی کا درد کیا ہے یہ میری عمر شباب دیکھو یہ میری عمر خراب دیکھو تبھی تو جانو گے میری بکھری ہوئی جوانی کا درد کیا ہے کوئی تو دیکھے ہمارے چہرے پہ زرد رت کی لکھی کہانی کوئی تو پوچھے ہماری آنکھوں سے بہتے پانی کا درد کیا ہے آغر ندیم سحر Aaghar Naeem Sahar

کافی عَرصہ بِیت گیا ھے جانے اَب وہ کیسا ھو گا؟ Kafi Arsa Beet Gaya Hai Jane Ab Woh Kaisa Hoga وَقت کی ساری کَڑوی باتیں چُپکے چُپکے سَہتا ھو گا اب بھی بِھیگی بارِش میں وہ بِن چَھتری کے چلتا ھو گا مُجھ سے بِچھڑے عَرصہ بِیتا اب وہ کِس سے لڑتا ھو گا؟ اچھا تھا جو ساتھ ھی رھتے بعد میں اُس نے سوچا ھو گا اپنے دِل کی ساری باتیں خُود ھی خُود سے کہتا ھو گا کافی عرصہ بیت گیا ھے جانے اَب وہ کیسا ھو گا؟ عاطف سعید Aatif Saeed

دِل  کے  معاملات  سے ‘ انجان  تو  نہ  تھا اِس گھر کا فرد تھا کوئی مہمان تو نہ تھا Dil Ke Ma'amalat Se Anjan Toh Na Tha Us Ghar Ka Fard Tha Koi Mehman Toh Na Tha تِھیں جن کے دَم سے رونقیں شہروں میں جا بسے وَرنہ ،،،  ہمارا  گاؤں ‘  یُوں   وِیران   تو   نہ   تھا بانہوں میں جب لیا اُسے‘ نادان تھا ضرور جب چھوڑ کر گیا مُجھے‘ نادان تو نہ تھا کٹ تو گیا ہے‘ کیسے کٹا، یہ نہ پُوچھئے یارو ! سفر  حیات  کا  آسان  تو  نہ  تھا نیلام گھر بنایا نہیں اپنی ذات کو کمزور اِس قدر میرا ایمان تو نہ تھا رَسماً  ہی  آ  کے  پُوچھتا فاروقؔ حالِ دل کُچھ اِس میں اُس کی ذات کا نُقصان تو نہ تھا فاروقؔ روکھڑی Farooq RokhRy