HIJAR

دَورِ فلک جب دُہراتا ہے موسمِ گُل کی راتوں کو کنجِ قفس میں سُن لیتے ہیں بُھولی بِسری باتوں کو Daur e Falak Jab Duhrata Hai Mosam e Gul Ki Raton Ko Kunj e Qafas Mein Sun Laity Hein Bhooli Bisry Baton Ko ریگِ رواں کی نرم تہوں کو چھیڑتی ہے جب کوئی ہَوا سُونے صحرا چیخ اُٹھتے ہیں آدھی آدھی راتوں کو آتشِ غم کے سیلِ رواں میں نیندیں جل کر راکھ ہُوئیں پتّھر بن کر دیکھ رہا ہُوں آتی جاتی راتوں کو مَیخانے کا افسردہ ماحول تو یُونہی رہنا ہے خشک لبوں کی خیر مناؤ، کُچھ نہ کہو برساتوں کو ناصرؔ میرے مُنہ کی باتیں یُوں تو سُچّے موتی ہیں لیکن اُن کی باتیں سُن کر بُھول گئے سب باتوں کو ناصرؔ کاظمی Nasir Kazmi

پردے میں ہر آواز کے شامل تو وہی ہے ‎ہم لاکھ بدل جائیں مگر دل تو وہی ہے Parday Mein Har Aawaz Ke Shamil Toh Wahi Hai Hum Lakh Badal Jaein Magar Dil Toh Wahi Hai ‎ محسوس جو ہوتا ہے دکھائی نہیں دیتا ‎دل اور نظر میں حد ِ فاضل تو وہی ہے ‎ہر چند ترے لطف سے محروم نہیں ہم ‎لیکن دل ِ بیتاب کی مشکل تو وہی ہے ‎صد شکر کہ اس حال میں جیتے تو ہیں ناصرؔ ‎حاصل نہ سہی کاوش ِ حاصل تو وہی ہے ناصرؔ کاظمی Nasir Kazmi

یہ رات تُمہاری ہے، چمکتے رہو تارو وُہ آئیں نہ آئیں مگر اُمید نہ ہارو Ye rat tumhari hai chamakte raho taro Wo ayen, na ayen magar umeed na haro شاید کسی منزل سے کوئی قافلہ آئے آشفتہ سرو صُبح تلک یُونہی پُکارو Shayed kisi manzil se koi qafla aye Ashufta saro subh talak younhi pukaro دِن بھر تو چلے، اب ذرا دم لے کے چلیں گے اے ہمسفرو آج یہِیں رات گُزارو Din bohat to chale, ab zara dam le ke chalen ge Ay humsafaro aj yahin rat guzaro یہ عالمِ وحشت ہے تو کُچھ ہو ہی رہے گا منزل نہ سہی سر کسی دِیوار سے مارو Ye aalam e wehshat hai to kuch ho hi rahe ga Manzil na sahi sar kisi deevar se maaro اوجھل ہُوئے جاتے ہیں نِگاہوں سے دو عالم تم آج کہاں ہو غمِ فرقت کے سہارو Ojhal huay jate hain nigahon se do aalam Tum aj kahan ho gham e furqat ke saharo کھویا ہے اُسے جس کا بدل کوئی نہیں ہے یہ بات مگر کون سُنے لاکھ پُکارو Khhoya hai usay jis ka badal koi nahi hai Ye bat magar kaun sune lakh pukaro ناصرؔ کاظمی Nasir Kazmi

کسی کا درد ہو، دل بیقرار اپنا ہے ہوا کہیں کی ہو، سینہ فگار اپنا ہے Kisi Ka Dard Ho , Dil Beqarar Apna Hai Hawa Kahein Ka Ho , Seena Fagar Apna Hai ہو کوئی فصل مگر زخم کھل ہی جاتے ہیں سدا بہار دلِ داغدار اپنا ہے بلا سے ہم نہ پیئیں، میکدہ تو گرم ہوا بقدرِ تشنگی رنجِ خمار اپنا ہے جو شاد پھرتے تھے کل، آج چھپ کے روتے ہیں ہزار شکر غمِ پائیدار اپنا ہے اسی لیے یہاں کچھ لوگ ہم سے جلتے ہیں کہ جی جلانے میں کیوں اختیار اپنا ہے نہ تنگ کر دلِ محزوں کو اے غمِ دُنیا خدائی بھر میں یہی غمگسار اپنا ہے کہیں ملا تو کسی دن منا ہی لیں گے اُسے وہ زُود رنج سہی پھر بھی یار اپنا ہے وہ کوئی اپنے سوا ہو تو اس کا شکوہ کروں جدائی اپنی ہے اور انتظار اپنا ہے نہ ڈھونڈ ناصرِ آشفۃ حال کو گھر میں وہ بوئے گل کی طرح بیقرار اپنا ہے ناصر کاظمی Nasir Kazmi

مشکل ہے پھرمِلیں کبھی یارانِ رفتگاں تقدیر ہی سے اب یہ کرامات ہو تو ہو Mushkil Hai Phir Milein Kabhi Yaraan e Raftagan Taqdeer Hi Se Ab Yeh Kiramaat Ho Tou Ho ناصر کاظمی Nasir Kazsmi

یہ شب، یہ خیال و خُواب تیرے کیا پُھول کِھلے ہیں مُنہ اندھیرے Ye shab ye khayal o khwab tere Kia phool khhile hain munh andhere شُعلے میں ہے ایک رنگ تیرا باقی ہیں تمام رنگ میرے Shole mein hai aik rang tera Baqi hain tamam rang mere آنکھوں میں چُھپائے پھر رہا ہُوں یادوں کے بُجھے ہوئے سویرے Ankhon mein chhupaye phir raha hoon Yadon ke bujhne huay sawere دیتے ہیں سُراغ فصلِ گُل کا شاخوں پہ جلے ہُوئے بسیرے Dete hain suragh fasl e gul ka Shakhon pe jale huay basere منزل نہ مِلی تو قافلوں نے رستے میں جما لیے ہیں ڈیرے Manzil na mili to qaflon ne Raste mein jamaa liye hain dere جنگل میں ہُوئی ہے شام ہم کو بستی سے چلے تھے مُنہ اندھیرے Jangal mein hui hai sham hum ko Basti se chale thay munh andhere رُودادِ سفر نہ چھیڑ ناصرؔ پھر اشک نہ تھم سکیں گے میرے Roodad e safar na chher Nasir Phir ashk na tham saken ge mere ناصرؔ کاظمی Nasir Kazmi

بے حِجابانہ , اَنجمَن میں آ کَم سُخن ، مَحفلِ سُخَن میں آ Be Hijabana , Anjuman Mein Aa Kam Sukhan , Mehfil e Sukhan Mein Aa دِل کہ تیرا تھا ، اَب بھی تیرا ھے پھر اُسی , منزلِ کُہن میں آ اے گلستانِ شَب کے , چَشم و چَراغ کبھی ٫ اُجڑے دِلوں کے , بَن میں آ کبھی فُرصت مِلے تو ٫ پِچھلے پہر شَب گزیدوں کی , اَنجمن میں آ صُبحِ نَورس کی , آنکھ کے تارے چاند مُرجھا گیا , گَہن میں آ رَنگ بھر دے , اَندھیری راتوں میں جانِ صُبحِ وَطن ، وَطن میں آ پُھول جَھڑنے کی , شام آ پہنچی نَو بہارِ چَمن ، چَمن میں آ   ناؔصر کاظمی Nasir Kazmi

دَورِ فلک جب دُہراتا ہے موسمِ گُل کی راتوں کو کنجِ قفس میں سُن لیتے ہیں بُھولی بِسری باتوں کو Daur e falak jab duhrata hai mausam e gul ki raton ko Kunj e qafas mein sun lete hain bhooli bisri baton ko ریگِ رواں کی نرم تہوں کو چھیڑتی ہے جب کوئی ہَوا سُونے صحرا چیخ اُٹھتے ہیں آدھی آدھی راتوں کو Reg e ravan ki narm tabon ko chherti hai jab koi hawa Soone sehra cheekh uthte hain adhi adhi raton ko   آتشِ غم کے سیلِ رواں میں نیندیں جل کر راکھ ہُوئیں پتّھر بن کر دیکھ رہا ہُوں آتی جاتی راتوں کو Atish e gham ke sail e ravan mein neenden jal kar raakh huyeen Patthar ban kar dekh raha hoon ati jati raton ko   میخانے کا افسردہ ماحول تو یُونہی رہنا ہے خشک لبوں کی خیر مناؤ، کُچھ نہ کہو برساتوں کو Maikhane ka afsurdah mahaul to younhi rehna hai Khushk labon ki khair manao, kuch na kaho barsaton ko   ناصرؔ میرے مُنہ کی باتیں یُوں تو سُچّے موتی ہیں لیکن اُن کی باتیں سُن کر بُھول گئے سب باتوں کو Nasir mere munh ki baten you to suche moti hain Lekin un ki baten sun kar bhool gaye sab ba...

چپ چپ کیوں رہتے ہو ناصرؔ یہ کیا روگ لگا رکھا ہے Chup chup kyon rehte ho Nasir Ye kya roog laga Rakha hai

آج تو بے سبب اداس ہے جی عشق ہوتا تو کوئی بات بھی تھی Aaj Tou Be-Sabab Udas Hai Jee Ishq Hota Tou Koi Baat Bhi Thi جلتا پھرتا ہوں میں دوپہروں میں جانے کیا چیز کھو گئی ہے میری وہیں پھرتا ہوں میں بھی خاک بسر اس بھرے شہر میں ہے ایک گلی چھپتا پھرتا ہے عشق دُنیا سے پھیلتی جا رہی ہے رُسوائی ہم نشیں کیا کہوں کہ وہ کیاہے چھوڑ یہ بات نیند اُڑنے لگی تو جو اتنا اداس ہے ناصر تجھے کیا ہوگیا بتا تو سہی ناصر کاظمی Nasir Kazmi

کہیں اُجڑی اُجڑی سی منزِلیں کہیں ٹُوٹے پُھوٹے سے بام و در یہ وہی دِیار ہے دوستو جہاں لوگ پِھرتے تھے رات بھر Kahein Ujdi Ujdi See Manzilein Kahein Tooty Photy Se Bam o Dar Yeh Wahi Dayar Hai Dosto Jahan Log Phirte Thay Raat Bhar میں بھٹکتا پِھرتا ہُوں دیر سے یونہی شہر شہر، نگر نگر کہاں کھو گیا مِرا قافلہ کہاں رہ گئے مِرے ہمسفر جنہیں زندگی کا شعُور تھا انہیں بے زری نے بِچھا دِیا جو گراں تھے سینۂ چاک پر، وہی بن کے بیٹھے ہیں مُعتبر مِری بے کسی کا نہ غم کرو مگر اپنا فائدہ سوچ لو تمہیں جس کی چھاؤں عزِیز ہے میں اُسی درخت کا ہُوں ثمر یہ بجا ہے آج اندھیرا ہے ذرا رُت بَدلنے کی دیر ہے جو خِزاں کے خوف سے خُشک ہے وہی شاخ لائے گی برگ و بَر ناصر کاظمی Nasir Kazmi

مسلسل بیکلی دل کو رہی ہے مگر جینے کی صورت تو رہی ہے Musalsal Bekly Dil Ko Rahi Hai Magar Jeeny Ki Soorat Rahi Hai میں کیوں پھرتا ہوں تنہا مارا مارا یہ بستی چین سے کیوں سو رہی ہے چلے دل سے امیدوں کے مسافر یہ نگری آج خالی ہو رہی ہے نہ سمجھو تم اسے شور بہاراں خزاں پتوں میں چھپ کر رو رہی ہے ناصرؔ کاظمی Nasir Kazmi

وہ دل نواز ہے لیکن نظر شناس نہیں مرا علاج مرے چارہ گر کے پاس نہیں Wo dil nawaz hai laikin nazar shanaas nahi Mera ilaaj meray charah gar key paas nahi   تڑپ رہے ہیں زباں پر کئی سوال مگر مرے لیے کوئی شایان التماس نہیں Tarap rahay hain zubaan par kai sawaal magar Mery liye koi shayaan-e-iltmaas nahi   ترے جلو میں بھی دل کانپ کانپ اٹھتا ہے مرے مزاج کو آسودگی بھی راس نہیں Tery jal'lo main bhi dil kaanp kaanp uthta hai Mery mizaaj ko aasodgi bhi raas nahi   کبھی کبھی جو ترے قرب میں گزارے تھے اب ان دنوں کا تصور بھی میرے پاس نہیں Kabhi kabhi jo tery qurb main guzaaray thay Ab on dinoon ka tasawar bhi meray paas nahi   گزر رہے ہیں عجب مرحلوں سے دیدہ و دل سحر کی آس تو ہے زندگی کی آس نہیں Guzar rahay hain ajeeb marhalon se deeda-o-dil Sehar ki aas to hai zindagi ki aas nahi   مجھے یہ ڈر ہے تری آرزو نہ مٹ جائے بہت دنوں سے طبیعت مری اداس نہیں Mujhay ye dar hai teri aarzo mitt jaye Bahut dinoon se tabiyat meri udaas nahi     ناصرؔ کاظمی Nasir Kazmi  

وہ درد ھی نہ رہا ، ورنہ اے متاعِ حیات مجھے گماں بھی نہ تھا ، میں تجھے بھلا دُوں گا Woh Dard Hi Na Raha , Warna Ae Mataa e Hayat Mujhe Guman Bhi Na Tha , Main Tujhe Bhula Doon Ga ناصر کاظمی Nasir Kazmi

جب رات گئے تیری یاد آئی سو طرح سے جی کو بہلایا کبھی اپنے ہی دِل سے باتیں کِیں کبھی تیری یاد کو سمجھایا Jab Raat Gaye Teri Yaad Aai Sao Tarah Se Jee Ko Behlaya Kabhi Apne Hi Dil Se Batein Kein Kabhi Teri Yaad Ko Samjhaya یُونہی وقت گنوایا موتی سا یُونہی عُمر گنوائی سونا سی سچ کہتے ہو تم بھی ہم سُخنو اِس عشق میں ہم نے کیا پایا جب پہلے پہل تُجھے دیکھا تھا ، دِل کِتنے زور سے دَھڑکا تھا وُہ لہر نہ پھر دِل میں جاگی ، وُہ وقت نہ لوٹ کے پھر آیا پھر آج تیرے دروازے پر بڑی دیر کے بعد گیا تھا مگر اِک بات اَچانک یاد آئی مَیں باہر ہی سے لوٹ آیا (ناصر کاظمی) (Nasir Kazmi)

وہی اداس روزوشب، وہی فسوں، وہی ہوا ترے وصال کا زمانہ یاد آکے رہ گیا Wahi Udas Roz o Shab , Wahi Fuson , Wahi Hawa Tere Wisal Ka Zamana Yaad Aa Ke Reh Gaya ناصر کاظمی Nasir Kazmi

مسلسل بیکلی دل کو رہی ہے مگر جینے کی صورت تو رہی ہے Musalsal Bekly Dil Ko Rahi Hai Magar Jeeny Ki Sorat Tou Rahi Hai میں کیوں پھرتا ہوں تنہا مارا مارا یہ بستی چین سے کیوں سو رہی ہے چلے دل سے امیدوں کے مسافر یہ نگری آج خالی ہو رہی ہے نہ سمجھو تم اسے شور بہاراں خزاں پتوں میں چھپ کر رو رہی ہے ہمارے گھر کی دیواروں پہ ناصرؔ اداسی بال کھولے سو رہی ہے ناصرؔ کاظمی Nasir Kazmi

یوں ترے حسن کی تصویر غزل میں آئے جیسے بلقیس سلیماں کے محل میں آئے Yuon Tere Husn Ki Tasweer Ghazal Mein Aaye Jaise Balqees Suleman Ke Mahal Mein Aaye جبر سے ایک ہوا ذائقۂ ہجر و وصال اب کہاں سے وہ مزا صبر کے پھل میں آئے یہ بھی آرائش ہستی کا تقاضا تھا کہ ہم حلقۂ فکر سے میدان عمل میں آئے ہر قدم دست و گریباں ہے یہاں خیر سے شر ہم بھی کس معرکۂ جنگ و جدل میں آئے زندگی جن کے تصور سے جلا پاتی تھی ہائے کیا لوگ تھے جو دام اجل میں آئے ناصرؔ کاظمی Nasir Kazmi

دل میں اک لہر سی اٹھی ہے ابھی کوئی تازہ ہوا چلی ہے ابھی Dil Mein Ik Lehar See Uthi Hai Abhi Koi Taza Hawa Chali Hai Abhi کچھ تو نازک مزاج ہیں ہم بھی اور یہ چوٹ بھی نئی ہے ابھی شور برپا ہے خانۂ دل میں کوئی دیوار سی گری ہے ابھی بھری دنیا میں جی نہیں لگتا جانے کس چیز کی کمی ہے ابھی تو شریک سخن نہیں ہے تو کیا ہم سخن تیری خامشی ہے ابھی یاد کے بے نشاں جزیروں سے تیری آواز آ رہی ہے ابھی شہر کی بے چراغ گلیوں میں زندگی تجھ کو ڈھونڈتی ہے ابھی سو گئے لوگ اس حویلی کے ایک کھڑکی مگر کھلی ہے ابھی تم تو یارو ابھی سے اٹھ بیٹھے شہر میں رات جاگتی ہے ابھی وقت اچھا بھی آئے گا ناصرؔ غم نہ کر زندگی پڑی ہے ابھی ناصرؔ کاظمی Nasir Kazmi

وہ اِس ادا سے جو آئے تو یُوں بَھلا نہ لگے ہزار بار مِلو پھر بھی آشنا نہ لگے Woh Is Ada Se Jo Aaye Tou Youn Bhala Na Lagy Hazar Bar Milo Phir Bhi Aashna Na Lagy کبھی وہ خاص عِنایت کہ سَو گُماں گُزریں کبھی وہ طرزِ تغافُل کہ محرما نہ لگے وہ سیدھی سادی ادائیں کہ بِجلیاں برسیں وہ دِلبرانہ مُروّت کہ عاشقانہ لگے دِکھاؤں داغِ مُحبّت جو ناگوار نہ ہو سُناؤں قصّۂ فُرقت اگر بُرا نہ لگے بہت ہی سادہ ہے توُ اور زمانہ عیّار خُدا کرے کہ تجھے شہر کی ہَوا نہ لگے بُجھا نہ دیں یہ مُسلسل اُداسیاں دِل کی وہ بات کر کہ طبیعت کو تازیانہ لگے جو گھر اُجڑ گئے، اُن کا نہ رنج کر پیارے وہ چارہ کر کہ یہ گُلشن اُجاڑ سا نہ لگے عتابِ اہلِ جہاں سب بُھلا دِیے لیکن وہ زخم یاد ہیں اب تک جو غائبانہ لگے وہ رنگ دِل کو دِیے ہیں لہو کی گردِش نے نظر اُٹھاؤں تو دُنیا نِگارخانہ لگے عجیب خواب دِکھاتے ہیں ناخُدا ہم کو غرَض یہ ہے کہ سفِینہ کِنارے جا نہ لگے لیے ہی جاتی ہے ہر دَم کوئی صَدا ناصر یہ اور بات سُراغِ نشانِ پا نہ لگے ناصر کاظمی Nasir Kazmi