Sirkao Dopatta Aur Qalb Se Kaho Mehman-e-Khaas Aaye Hain Kuch Ehtemaam Karo

سرکاؤ دوپٹہ اور _____ قلب سے کہو
مہمان_خاص آئے ہیں __ کچھ اہتمام کر
رزب تبریز

Sirkao Dopatta Aur Qalb Se Kaho

Mehman-e-Khaas Aaye Hain Kuch Ehtemaam Karo

Razab Tabraiz

Sar Se Paa Tak Wo Gulabo Ka Shajar Lagta Hai,Ba-Wazo Ho K Bhi Chooty Hoe Dar Lagta Hai

بشیر بدر
سر سے پا تک وہ گلابوں کا شجر لگتا ہے
با وضو ہو کے بھی چھوتے ہوئے ڈر لگتا ہے
میں ترے ساتھ ستاروں سے گزر سکتا ہوں
کتنا آسان محبت کا سفر لگتا ہے
مجھ میں رہتا ہے کوئی دشمن جانی میرا
خود سے تنہائی میں ملتے ہوئے ڈر لگتا ہے
بت بھی رکھے ہیں نمازیں بھی ادا ہوتی ہیں
دل میرا دل نہیں اللہ کا گھر لگتا ہے
زندگی تو نے مجھے قبر سے کم دی ہے زمیں
پاؤں پھیلاؤں تو دیوار میں سر لگتا ہے
 

***************************

 
عباس تابش
یہ عجب ساعتِ رخصت ہے کہ ڈر لگتا ہے
شہر کا شہر مجھے رختِ سفر لگتا ہے
ہم کو دل نے نہیں حالات نے نزدیک کیا
دھوپ میں دور سے ہر شخص شجر لگتا ہے
جس پہ چلتے ہوئے سوچا تھا کہ لوٹ آؤنگا
اب وہ رستہ بھی مجھے شہر بدر لگتا ہے
وقت لفظوں سے بنائی ہوئی چادر جیسا
اوڑھ لیتا ہوں تو سب خوابِ ہنر لگتا ہے
ایک مدت سے مری ماں نہیں سوئی تابش
میں نے اک بار کہا تھا مجھے ڈر لگتا ہے
 

***************************

 
راحت اندوری
سخت راھوں میں بھی آسان سفر لگتا ھے
یہ میری ماں کی دعاؤں کا اثر لگتا ھے
میں نے جس وقت تیرے در پہ کیا ھے سجدہ
آسمانوں سے بھی اونچا میرا سر لگتاھے
پہلے تو توپ بھی سینے سے لگالیتے تھے
اب کوئی پھول بھی دیتا ھے تو ڈر لگتاھے
ایک ویرانہ جہاں عمر گزاری میں نے
تیری تصویر لگادی ھے تو گھر لگتا ھے
 

***************************

 
وہ پہاڑی پہ تھکی شام کا تنہا لمحہ
ماں کی آغوش میں رکھا ہوا سر لگتا ہے
علینا عترت
 

***************************

بی ایس جین جوہر
گھر میں رہتے ہوئے ڈر لگتا ہے
اب بیابان ہی گھر لگتا ہے
پاؤں رکھتا ہوں تو دھنستی ہے زمیں
سر اٹھاتا ہوں تو سر لگتا ہے
قتل و غارت ہے گلی کوچوں میں
شہر دہشت کا نگر لگتا ہے
ڈگمگاتی ہے دھماکوں سے زمیں
آسماں زیر و زبر لگتا ہے
زندگی یوں تو گزر جائے گی
کتنا مشکل یہ سفر لگتا ہے
غیر تو غیر ہمیں آج کے دن
اپنے ہم سایے سے ڈر لگتا ہے

***************************

 
عامر ریاض
مجھ کو خاموشیٔ حالات سے ڈر لگتا ہے
یہ مجھے دور سیاست کا اثر لگتا ہے
بے عمل میں تھا مگر رب نے مجھے بخش دیا
یہ مری ماں کی دعاؤں کا اثر لگتا ہے
جب سے وہ دور ہوا ہے مری ان آنکھوں سے
دل مرا دل نہیں اجڑا سا نگر لگتا ہے
جب سے دیکھا ہے تجھے کھویا ہوا رہتا ہوں
یہ تری شوخ نگاہوں کا اثر لگتا ہے
ہر طرف درد ہے تاریکی اداسی ہے بہت
کس قدر سخت یہ سانسوں کا سفر لگتا ہے
''ہر گھڑی درد کے پیوند لگے جاتے ہیں''
یہ مجھے میرے گناہوں کا اثر لگتا ہے
ایک نقش ایسا بنایا ہے تری یادوں نے
ذہن سے روح تلک تیرا ہی گھر لگتا ہے
 

***************************

 
بخش لائلپوری
رت نہ بدلے تو بھی افسردہ شجر لگتا ہے
اور موسم کے تغیر سے بھی ڈر لگتا ہے
درد ہجرت کے ستائے ہوئے لوگوں کو کہیں
سایۂ در بھی نظر آئے تو گھر لگتا ہے
ایک ساحل ہی تھا گرداب شناسا پہلے
اب تو ہر دل کے سفینے میں بھنور لگتا ہے
بزم شاہی میں وہی لوگ سرافراز ہوئے
جن کے کندھوں پہ ہمیں موم کا سر لگتا ہے
کھا لیا ہے تو اسے دوست اگلتے کیوں ہو
ایسے پیڑوں پہ تو ایسا ہی ثمر لگتا ہے
اجنبیت کا وہ عالم ہے کہ ہر آن یہاں
اپنا گھر بھی ہمیں اغیار کا گھر لگتا ہے
شب کی سازش نے اجالوں کا گلا گھونٹ دیا
ظلمت آباد سا اب نور سحر لگتا ہے
منزل سخت سے ہم یوں تو نکل آئے ہیں
اور جو باقی ہے قیامت کا سفر لگتا ہے
گھر بھی ویرانہ لگے تازہ ہواؤں کے بغیر
باد خوش رنگ چلے دشت بھی گھر لگتا ہے

***************************

 

نعیم ضرار احمد
وقت پر عشق زلیخا کا اثر لگتا ہے
آخر عمر بھی آغاز سفر لگتا ہے
یہ سمندر ہے مگر سوختہ جاں شاعر کو
کسی مجبور کا اک دیدۂ تر لگتا ہے
صبح تازہ ہے مقدر دل مایوس ٹھہر
شجر امید پہ انعام ثمر لگتا ہے
میں زباں بندی کا یہ عہد نہیں توڑوں گا
ہاں مگر اس دل گستاخ سے ڈر لگتا ہے
ہمیں ادراک محبت تو نہیں ہے لیکن
اتنا معلوم ہے اس کھیل میں سر لگتا ہے
 

***************************

 
رام ریاض
ذرہ انسان کبھی دشت نگر لگتا ہے
بعض اوقات ہمیں ایسا بھی ڈر لگتا ہے
ہم نشیں تیری بھی آنکھوں میں جھلکتا ہے دھواں
تو بھی منجملۂ ارباب نظر لگتا ہے
کوئی لیتا ہے ترا نام تو رک جاتا ہوں
اب ترا ذکر بھی صدیوں کا سفر لگتا ہے
ہم پہ بیداد گرو سنگ اٹھانا ہے فضول
کہیں افتادہ درختوں پہ ثمر لگتا ہے
میرے دل میں بڑے آئینے ہیں تصویریں ہیں
سچ بتانا تمہیں کیسا مرا گھر لگتا ہے
شب کے محبوس ہیں سونے کی اجازت ہی نہیں
آنکھ لگتی ہے تو دیوار سے سر لگتا ہے
رام اس دور میں قامت کی بلندی کے لئے
سر پہ انسان کے سرخاب کا پر لگتا ہے
 

***************************

 
وسیم بریلوی
چاند کا خواب اجالوں کی نظر لگتا ہے
تو جدھر ہو کے گزر جائے خبر لگتا ہے
اس کی یادوں نے اگا رکھے ہیں سورج اتنے
شام کا وقت بھی آئے تو سحر لگتا ہے
ایک منظر پہ ٹھہرنے نہیں دیتی فطرت
عمر بھر آنکھ کی قسمت میں سفر لگتا ہے
میں نظر بھر کے ترے جسم کو جب دیکھتا ہوں
پہلی بارش میں نہایا سا شجر لگتا ہے
بے سہارا تھا بہت پیار کوئی پوچھتا کیا
تو نے کاندھے پہ جگہ دی ہے تو سر لگتا ہے
تیری قربت کے یہ لمحے اسے راس آئیں کیا
صبح ہونے کا جسے شام سے ڈر لگتا ہے
 

***************************

پریا تابیتا
اک یہی وصف ہے اس میں جو امر لگتا ہے
وہ کڑی دھوپ میں برگد کا شجر لگتا ہے
یوں تو چاہت میں نہاں جون کی حدت ہے مگر
سرد لہجے میں دسمبر کا اثر لگتا ہے
جب سے جانا کہ وہ ہم شہر ہے میرا تب سے
شہر لاہور بھی جادو کا نگر لگتا ہے
جانے کب گردش ایام بدل ڈالے تجھے
جیت کر تجھ کو مجھے ہار سے ڈر لگتا ہے
چاہے کتنی ہی سجاوٹ سے مزین ہو مگر
ماں نظر آئے تو گھر اصل میں گھر لگتا ہے
اس قدر اس کی نگاہوں میں تقدس ہے نہاں
سر جھکاتی ہوں تو پیپل کا شجر لگتا ہے

Tum Mere Kia Ho?

محترمہ فاخرہ بتول نقوی کا ایک خؤبصورت کلام جو کے ارشد ملک کے انتخآب کتاب "بچھڑا کچھ اِس ادا سے
سے آپ احباب کی نظر

تم میرے کیا ہو

جو مجھ سے پوچھا ہے آج تم نے
کہ میں تمہارا ہوں کیا, بتاؤ
تو خود ہی سوچو........تم ایک پل کو
بھلا میں کیسے تمہیں بتاؤں
ہے تم سے میرا وہی تعلق
جو اپنے سائے سے ہے شجر کا
وہی جو خورشید سے قمر کا
گلوں سے ہوتا ہے جو مہک کا
کسی کی آنکھوں کے مست ڈوروں سے
اس کے محبوب کی جھلک کا
میں ہوں بدن تو, تم اُس کی جاں ہو
بہار موسم کے ترجماں ہو
لہو کی صورت مِری رگوں میں
ہر ایک لمحے رواں دواں ہو
نماز ہوں میں, تو تم اذان ہو
مکیں ہوں میں, تو تم مکاں ہو
زمین ہوں میں, تم آسماں ہو
وہی تعلق ہے تم سے میرا
جو دل سے ہوتا ہے دھڑکنوں کا
خمار سے ہے جو مے کشوں کا
جو شاعروں سے ہے مہ وشوں کا
جو حسن والوں سے دل جلوں کا
ہے زہد سے بھی جو زاہدوں کا
جو راستوں سے ہے منزلوں کا
جو منزلوں سے ہے رہبروں کا
ازل سے دھرتی سے پربتوں کا
وہی جو ساگر سے ساحلوں کا
جو روح سے ہے کسی بدن کا
وہی جو چندا سے ہے کرن کا
جو باغباں سے کسی چمن کا
ہے گفتگو سے کسی دہن کا
جو بارشوں سے زمین کا ہے
عبادتوں کا جبین سے ہے
وہی تعلق..........
ازل سے اپنے بھی درمیاں ہے
تمہی بہاروں کی دلکشی ہو
تمہی تو آنکھوں کی روشنی ہو
جو سچ کہوں, تم مِری خوشی ہو
تمہی اُجالا....... تمہی صبا ہو
تم آرزو ہو........ تمہی وفا ہو
تمام جذبوں کی انتہا ہو
تو کیوں نا تم پر یہ دل فدا ہو
بتاؤ جاناں! ہے اتنا کافی!
کہ اور کچھ بھی تمہیں بتاؤں
جو ہو سکے تو خیال رکھنا
تمہارا مجھ سے وہی ہے رشتہ
ملائکہ سے جو بندگی کا
جو مرنے والے سے زندگی کا
سمندروں کا جو سیپ سے ہے
وہی جو آنکھوں کا دیپ سے ہے

شاعرہ فاخرہ بتول نقوی
کتاب بچھڑا اِس ادا سے
صفحہ 85 86 87

Zindagi Kia Teri Aahat Ki Sada Ho Jaise,Bandagi Kia,Tere Milny Ki Dua Ho Jaise

زندگی کیا تری آہٹ کی صدا ہو جیسے
بندگی کیا، ترے ملنے کی دعا ہو جیسے

کسی خوشبو سے، کسی لمس کی سرگوشی سے
ِدل وارفتہ کا دروازه کھلا ہو جیسے

سرخ چوڑی کی کھنک چھیڑ گئی پھر ہم کو
پھر تری یاد کا کنگن سا بجا ہو جیسے

تیری آواز کی رم جھم سے شرابور ہے دل
میں تمھارا ہوں، یہ دھیرے سے کہا ہو جیسے

اس تصور سے ہی سرشار رہا کرتی ہوں
میرا آنچل ترے دامن سے بندھا ہو جیسے

کس سے مرمٹنے کی سیکھی ہے ادا کیا کہیے
شمع پر پھر کوئی پروانہ جلا ہو جیسے

بن تیرے زیست تھی اِک درد سمندر کی طرح
یا کڑی دھوپ میں اک آبلہ پا ہو جیسے

ِ پھر پلٹ آئے ہو کیا سوچ کے جان جاناں
پا بہ زنجیر ابھی میری وفا ہو جیسے

Kab Tak Dil Ki Khair Manaen,Kab Tak Rah Dekhlao Gy

کب تک دل کی خیر منائیں، کب تک راه دکھلاؤ گے
کب تک چین کی مہلت دو گے، کب تک یاد نہ آؤ گے

بیتا دید اُمید کا موسم، خاک اُڑتی ہے آنکھوں میں
کب بھیجو گے درد کا بادل، کب برکھا برساؤ گے

ِعہد ِ وفا یا ترک محبت، جو چاہو سو آپ کرو
اپنے بس کی بات ہی کیا ہے، ہم سے کیا منواؤ گے

کس نے وصل کا سورج دیکھا، کس پر ہجر کی رات ڈھلی
گیسوؤں والے کون تھے کیا تھے، ان کو کیا جتلاؤ گے

فیض دلوں کے بھاگ میں ہے گھر بھرنا بھی، لُٹ جانا بھی
تم اس حسن کے لطف و کرم پہ کتنے دن اتراؤ گے

Chashm ' E ' Be'Khawab Pay Khawabon Ka Asar Lagta Hai Kaisa Pat'jhar Hai Keh Shaakhon Pay Samar Lagta Hai

Chashm ' E ' Be'Khawab Pay Khawabon Ka Asar Lagta Hai
Kaisa Pat'jhar Hai Keh Shaakhon Pay Samar Lagta Hai

Mohlat ' E ' Umer Bas Itni Thi Keh Guzra Huwa Waqt
Ek Chalkay Hu'ay Aansu Ka Safar Lagta Hai

Kah!n Kuch Aur Bhi Ho Jaaun Na Raiza Raiza
Aisa Toota Hoon Keh Jurtay Hu'ay Darr Lagta Hai

Zehan Ki Jheel Say Yaadon Ki Dhanak Phoot'ti Hai
Ek MaiLa Hai Jo Har Shaam Idhar Lagta Hai..!!

woh mujh say aksar poochta hai achi larki,itna zayada kyun roti ho?

maasoom

woh mujh say aksar poochta hai
achi larki,itna zayada kyun roti ho?
itni tanha kyun rehti ho?
ujri ujri kyun dikhti ho?
woh kitna maasoom hai na...!

tamaam raat _umeedon kay chaak siltay rahay tamaam shab teray qadmon ki chaap_aati rahi

tamaam raat _umeedon kay chaak siltay rahay
tamaam shab teray qadmon ki chaap_aati rahi

Na janay aaj, kahan kho gia sitara a sham ? Woh mera dost , mera humsafer udasi ka

نجانے آج ، کہاں کھو گیا ستارۂ شام؟؟
وہ میرا دوست ، میرا ھمسفر اُداسی کا 

احمّد فراز
 

Na janay aaj, kahan kho gia sitara a sham ?
Woh mera dost , mera humsafer udasi ka
Ahmed Faraz

Khud Ko Haar Bhaita Hoon

" ﺧﻮﺩ ﮐﻮ ﮨﺎﺭ ﺑﯿﭩﮭﺎ ﮨﻮﮞ "

ﺑﮩﺖ ﻣﻐﺮﻭﺭ ﭘﮭﺮﺗﺎ ﺗﮭﺎ ، ﺍَﻧﺎ ﮐﮯ ﺳﺎﺗﮫ ﺭﮨﺘﺎ ﺗﮭﺎ
ﻣﺤﺒﺖ ﮐﻮ ﻓﻘﻂ ﺍِﮎ ﺳﺮﺳﺮﯼ ﺳﺎ ﺳﺎﺗﮫ ﮐﮩﺘﺎ ﺗﮭﺎ
ﻣﮕﻦ ﺗﮭﺎ ﺫﺍﺕ ﻣﯿﮟ ﺍﭘﻨﯽ
ﮐﺴﯽ ﮐﯽ ﮐﭽﮫ ﺧﺒﺮ ﻧﮧ ﺗﮭﯽ
ﻓﻘﻂ ﺍﭘﻨﮯ ﮨﯽ ﻣﻄﻠﺐ ﮐﮯ ﻟﯿﮯ ﯾﮧ ﺳﺐ ﺳﮯ ﻣﻠﺘﺎ ﺗﮭﺎ
ﺍﺳﮯﻣﻌﻠﻮﻡ ﺗﮏ ﻧﮧ ﺗﮭﺎ
ﮐﮧ ﺍِﺱ ﮐﯽ ﺩﮬﮍﮐﻨﯿﮟ ﺩﮬﮍﮐﻦ ﺳﮯ ﺯﯾﺎﺩﮦ ﺷﻮﺭ ﮐﺮﺗﯽ ﮨﯿﮟ
ﺍِﺳﮯ ﺑﺎﻭﺭ ﮐﺮﺍﺗﯽ ﮨﯿﮟ ﮐﮧ، " ﺍﮮ ﻣﯿﺮﮮ ﺩِﻝِ ﻧﺎﺩﺍﮞ "
ﻣﺤﺒﺖ ﻓﺮﺽ ﮨﻮ ﻧﮧ ﮨﻮ
ﻣﺤﺒﺖ ﻗﺮﺽ ﮨﮯ ﺗﻢ ﭘﺮ
ﮐﺴﯽ ﺍﻧﺠﺎﻥ ﮨﺴﺘﯽ ﮐﺎ
ﮐﺴﯽ ﻣﻌﺼﻮﻡ ﺳﮯ ﺩِﻝ ﮐﺎ
ﺟﺴﮯ ﺗﻢ ﻧﮯ ﭼُﮑﺎﻧﺎ ﮨﮯ
ﮨﻤﺎﺭﺍ ﺷﻮﺭ ﺭُﮐﻨﮯ ﺗﮏ
ﮨﻤﺎﺭﮮ ﭼﺎﺭﻭﮞ ﺟﺎﻧﺐ ﺧﺎﻣﺸﯽ ﮐﮯ ﭘﮭﯿﻞ ﺟﺎﻧﮯ ﺗﮏ
ﺍِﺳﯽ ﺗﮭﻮﮌﮮ ﺳﮯ ﻋﺮﺻﮯ ﻣﯿﮟ، ﺗﻤﮩﯿﮟ ﻗﺮﺿﮧ ﭼﮑﺎﻧﺎ ﮨﮯ
ﺑﺎﻵﺧﺮ، ﺩﮬﮍﮐﻨﻮﮞ ﻧﮯ ، ﺍﭘﻨﮯ ﺩِﻝ ﮐﻮ ﺭﺍﻡ ﮐﺮ ﮈﺍﻻ
ﮐﺴﯽ ﺍﻧﺠﺎﻥ ﻟﻤﺤﮯ ﻣﯿﮟ
ﮐﺴﯽ ﺍﻧﺠﺎﻥ ﮨﺴﺘﯽ ﭘﺮ
ﺩِﻝِ ﻣﻐﺮﻭﺭ ﮐﯽ ﺩﮬﮍﮐﻦ ﻧﮯ
ﺍﭘﻨﺎ ﮐﺎﻡ ﮐﺮ ﮈﺍﻻ
ﺑﮩﺖ ﮨﯽ ﺧﺎﻣﺸﯽ ﺳﮯ ﺩِﻝ ﮐﺴﯽ ﮐﮯ ﻧﺎﻡ ﮐﺮ ﮈﺍﻻ
ﯾﮧ ﺩِﻝ ﻣﻐﺮﻭﺭ ﮨﮯ ﺍﺏ ﺑﮭﯽ
ﻣﮕﺮ ﺍﭘﻨﯽ ﻣﺤﺒﺖ ﭘﺮ
ﯾﮧ ﻣﮩﺮِﯾﺎﺭ ﮐﯽ ﺳﻮﭼﻮﮞ ﭘﮧ ﮨﺮ ﭘﻞ ﺷﺎﺩ ﺭﮨﺘﺎ ﮨﮯ
ﻣﯿﮟ ﺍِﺱ ﺳﮯ ﺟﺐ ﺑﮭﯽ ﺑﻮﻟﻮﮞ ﺗﻮ ﯾﮧ
ﻣﺠﮫ ﺳﮯ ﯾﮧ ﮨﯽ ﮐﮩﺘﺎ ﮨﮯ!
" ﻣﺤﺒﺖ ﻗﺮﺽ ﺗﮭﯽ ﻣﺠﮫ ﭘﮧ "
ﮐﺴﯽ ﭘﮧ ﻭﺍﺭ ﺑﯿﭩﮭﺎ ﮨﻮﮞ
ﻣﺤﺒﺖ ﮐﮯ ﻟﯿﮯ
ﯾﺎﺭﻡ!!! ﻣﯿﮟ ﺧﻮﺩ ﮐﻮ ﮨﺎﺭ ﺑﯿﭩﮭﺎ ﮨﻮﮞ
ﻣﯿﮟ ﺧﻮﺩ ﮐﻮ ﮨﺎﺭ ﺑﯿﭩﮭﺎ ﮨﻮﮞ

Eza Mujhe Jahan Mili Barahna Mili Har Chand Main Fahashi Ka Parastaar Nahi Tha

ایذا مجهے جہاں ملی _______ برہنہ ملی

ہرچند میں فحاشی کا ___ پرستار نہیں تها

رزب تبریز

Eza Mujhe Jahan Mili Barahna Mili

Har Chand Main Fahashi Ka Parastaar Nahi Tha

Razab Tabraiz

Mere Khwaabon Ke Jharokhon Ko Sajaane Waali Tere Khwaabon Kanheen Mera Guzar Hai Ke Nahee

Mere Khwaabon Ke Jharokhon Ko Sajaane Waali

Tere Khwaabon Kanheen Mera Guzar Hai Ke Nahee

Poochh Kar Apni Nigaahon Se Bataa De Mujhko

Meree Raaton Ke Muqaddar Mein Sahar Hai Ke Naheen

Sahir Ludhiyanvi

Niaz-o-Naaz K Jhagde Mitae Jate Hain,Hum Un Me Aur Wo Hum Me Samae Jate Hain

نیاز و ناز کے جھگڑے مٹائے جاتے ہیں
ہم ان میں اور وہ ہم میں سمائے جاتے ہیں

شروع راہ محبت ارے معاذ اللہ
یہ حال ہے کہ قدم ڈگمگائے جاتے ہیں

یہ ناز حسن تو دیکھو کہ دل کو تڑپا کر
نظر ملاتے نہیں مسکرائے جاتے ہیں

مرے جنون تمنا کا کچھ خیال نہیں
لجائے جاتے ہیں دامن چھڑائے جاتے ہیں

جو دل سے اٹھتے ہیں شعلے وہ رنگ بن بن کر
تمام منظر فطرت پہ چھائے جاتے ہیں

میں اپنی آہ کے صدقے کہ میری آہ میں بھی
تری نگاہ کے انداز پائے جاتے ہیں

رواں دواں لیے جاتی ہے آرزوئے وصال
کشاں کشاں ترے نزدیک آئے جاتے ہیں

کہاں منازل ہستی کہاں ہم اہل فنا
ابھی کچھ اور یہ تہمت اٹھائے جاتے ہیں

مری طلب بھی اسی کے کرم کا صدقہ ہے
قدم یہ اٹھتے نہیں ہیں اٹھائے جاتے ہیں

الٰہی ترک محبت بھی کیا محبت ہے
بھلاتے ہیں انہیں وہ یاد آئے جاتے ہیں

سنائے تھے لب نے سے کسی نے جو نغمے
لب جگر سے مکرر سنائے جاتے

جگر مراد آبادی

*************************

 
تجھے کیا ناصحا احباب خود سمجھائے جاتے ہیں
اِدھر تُو کھائے جاتا ہے اُدھر وہ کھائے جاتے ہیں

چمن والوں سے جا کر نسیمِ صبح کہہ دینا
اسِیرانِ قفض کے آج پَر کٹوائے جاتے ہیں

کہیں بیڑی اٹکتی ہے کہیں زنجیر الجھتی ہے
بڑی مشکل سے دیوانے تیرے دفنائے جاتے ہیں

اُنھیں غیروں کے گھر دیکھا ہے اور انکار ہے ان کو
میں باتیں پی رہا ہوں اور وہ قسمیں کھائے جاتے ہیں

خدا محفوظ رکھے نالہ ہائے شام فرقت سے
زمیں بھی کانپتی ہے آسماں تھرائے جاتے ہیں

کوئی دم اشک تھمتے ہی نہیں ایسا بھی کیا رونا
قمر دو چار دن کی بات ہے وہ آئے جاتے ہیں

استاد قمر جلالوی

*************************

نظر میں، روح میں، دل میں سمائے جاتے ہیں
ہر ایک عالمِ امکاں پہ چھائے جاتے ہیں

ہر اک قدم کو وہ منزل بنائے جاتے ہیں
تعیّنات کی وسعت بڑھائے جاتے ہیں

نگاہ مست ہے اور مُسکرائے جاتے ہیں
دو آتشہ مجھے بھر کر پلائے جاتے ہیں

جو اُٹھ سکے تھے نہ خود حُسن کے اُٹھائے سے
وہ پردہ ہائے دوئی اب اُٹھائے جاتے ہیں

جو گرسکے تھے نہ خود عشق کے گرائے سے
وہ سب حجابِ محبت گرائے جاتے ہیں

چھپا چھپا کے جنہیں مصلحت نے رکھا تھا
وہ جلوے اب سرِ محفل دکھائے جاتے ہیں

سنبھل کر اے نگہِ شوق بزمِ دوست ہے یہ
یہاں خرابِ نظر، آزمائے جاتے ہیں

نہ پوچھ، کارگہِ عشق کا طلسم نہ پوچھ
قدم قدم پہ تماشے دکھائے جاتے ہیں

پتہ نہیں کہیں ان کا اور ان کے دیوانے
تصورات کی محفل سجائے جاتے ہیں

کہاں کی لغزشِ پا، اب یہ حال ہے ساقی
کہ سر سے تا بقدم، ڈگمگائے جاتے ہیں

اُٹھا رہا ہوں میں گرمیِ شوق بن کے نقاب
وہ اپنے سر کو مسلسل جھکائے جاتے ہیں

جگر بھی شق ہے یہاں شدّتِ تجلّی سے
وہ دیکھتے ہیں مگر مُسکرائے جاتے ہیں

حجابِ حُسن پھر اس پر حجابِ شرم و شباب
جو پردے اُٹھتے ہیں گویا گرائے جاتے ہیں

یہ قصرِ حُسن ہے آتشکدہ محبت کا
بجائے شمع یہاں، دل جلائے جاتے ہیں

تمام عالمِ محسوس کانپ اُٹھتا ہے
جب آنکھ سے کہیں آنسو بہائے جاتے ہیں

ہمارا حال تو دیکھا، ہمارا ظرف بھی دیکھ
نگاہ اُٹھتی نہیں، غم اُٹھائے جاتے ہیں

تلاش لازمہء عاشقی نہیں ساغر
نہ ڈھونڈنے پہ بھی وہ ہم میں پائے جاتے ہیں

ساغر نظامی

*************************

 
زہر کے گھونٹ بھی ہنس ہنس کے پیے جاتے ہیں
ہم بہرحال سلیقے سے جیے جاتے ہیں

ایک دن ہم بھی بہت یاد کیے جائیں گے
چند افسانے زمانے کو دیے جاتے ہیں

ہم کو دنیا سے محبت بھی بہت ہے لیکن
لاکھ الزام بھی دنیا کو دیے جاتے ہیں

بزم اغیار سہی , ازرہ تنقید سہی
شکر ہے ہم بھی کہیں یاد کئے جاتے ہیں

ہم کیے جاتے ہیں تقلید روایاتِ جنوں
اور خود چاکِ گریبان بھی سیے جاتے ہیں

غم نے بخشی ہے یہ محتاط مزاجی ہم کو
زخم بھی کھاتے ہیں آنسو بھی پیے جاتے ہیں

حال کا ٹھیک ہے اقبال نہ فردا کا یقین
جانے کیا بات ہے ہم پھر بھی جئے جاتے ہیں

اقبال عظیم

*************************

شام تک صُبْح کی نظروں سے اُتر جاتے ہیں
اِتنے سمجھوتوں پہ جِیتے ہیں کہ مرجاتے ہیں

ہم تو بے نام اِرادوں کے مُسافر ٹھہرے
کچھ پتا ہو تو بتائیں کہ کِدھر جاتے ہیں

گھر کی گِرتی ہُوئی دِیوار ہے ہم سے اچھّی
راستہ چلتے ہُوئے لوگ ٹھہر جاتے ہیں

اِک جُدائی کا وہ لمحہ، کہ جو مرتا ہی نہیں
لوگ کہتے تھے سبھی وقت گُزر جاتے ہیں

پھر وہی تلخئ حالات مُقدّر ٹھہری
نشے کیسے بھی ہوں کُچھ دِن میں اُتر جاتے ہیں

وسیم بریلوی

*************************

جب کبھی ہم ترے کوچے سے گزر جاتے ہیں
لوحِ ادراک پہ کچھ اور ابھر جاتے ہیں

حسن سے لیجئے تنظیمِ دو عالم کا سبق
صبح ہوتی ہے تو گیسو بھی سنور جاتے ہیں

ہم نے پایا ہے محبت کا خمارِ ابدی
کیسے ہوتے ہیں وہ نشے کہ اتر جاتے ہیں

اتنے خائف ہیں مے و مہ سے جنابِ واعظ
نامِ کوثر بھی جو سنتے ہیں تو ڈر جاتے ہیں

مے کدہ بند، مقفل ہیں درِ دَیر و حرم
دیکھنا ہے کہ شکیل آج کدھر جاتے ہیں

شکیل بدایونی

*************************

درد کے پھول بھی کھلتے ہیں بکھر جاتے ہیں
زخم کیسے بھی ہوں کچھ روز میں بھر جاتے ہیں

چھت کی کڑیوں سے اُترتے ہیں مرے خواب مگر
میری دیواروں سے ٹکراکے بکھر جاتے ہیں

اس دریچے میں بھی اب کوئی نہیں اور ہم بھی
سر جھکائے ہوئے چپ چاپ گزر جاتے ہیں

راسته روکے کھڑی ہے یہی الجھن کب سے
کوئی پوچھے تو کہیں کیا کہ کدھر جاتے ہیں

نرم آواز، بھلی باتیں، مہذب لہجے
پہلی بارش میں ہی یہ رنگ اُتر جاتے ہیں

جاوید اختر

Bade Logo Se Milne Me Hamesha Fasila Rakhna, Jahan Dariya Samandar Se Mila, Dariya Nahee Rehtaa

Bade Logo Se Milne Me Hamesha Fasila Rakhna,
Jahan Dariya Samandar Se Mila, Dariya Nahee Rehtaa
Bashir Badar

Achchha Tumhare Shahar Ka Dastoor Ho Gaya Jis Ko Galey Lagaa Liya Wo Door Ho Gaya

Achchha Tumhare Shahar Ka Dastoor Ho Gaya
Jis Ko Galey Lagaa Liya Wo Door Ho Gaya
Bashir Badar

Dasht-e-Wafa Men Pyaas Ka Aalam Ajeeb Tha Dekha To Aik Dard Ka Dariya Qareeb Tha

Dasht-e-Wafa Men Pyaas Ka Aalam Ajeeb Tha
Dekha To Aik Dard Ka Dariya Qareeb Tha

Guzrey Jidhar Jidhar Sey Tamanna K Qaafley
Her Her Qadam Pey Aik Nishaan-e-Saleeb Tha

Kuch Aisi Meherbaan Tou Na Thi Ham Pey Zindagi
Kyun Her Koi Jahaan Men Hamara Raqeeb Tha

Apna Pata To Us Ney Diya Tha Mujhay MOHSIN
Main Khud Hi Kho Gaya Tou Yeh Mera Naseeb Tha

Daman e Tawakkal Ki Ye Khoobi He Ke Us Me,Paiwand To Ho Sakte Hen Dhabbe Nahi Hote

Taluk khor lamhe sa zra pehle , Chlo , Rahe'n badal lai'n

تعلق خور لمحے سے ذرا پہلے
چلو راہیں بدل لیں
تیری سانسوں کی شہنائی،
صدائے ماتمیں بن کر سماعت سوز بنتی جارہی ہے ۔
تمہاری شوخ چشمی اب مجھے کھَلنے لگی ہے
ہماری گفتگو تکرار بنتی جا رہی ہے
تمہارا انتظاراب الجھنوں کا پیش خیمہ ہے۔
ہماری خواہش دیدار مٹتی جارہی ہے
ہم ایک دوجے کونہ ملنے کے عادی ہوتے جاتے ہیں۔
نہ ملنے کے بہانے ڈھونڈ کر ہم
نظر انداز کر نے کاگناہ کرنے لگے ہیں
تعلق برطرف رسوائیاں ہیں
تری صحبت میں بھی تنہائیاں ہیں
تعلق دل گزیدہ ہو رہا ہے۔
چلو راہیں بدل لیں ۔
بھرم اک دوسرے کا
دھجیاں ٹوٹے تعلق کی
دبی سی آس لے کر
ذرا پہلے ،
تعلق خور لمحے سے
ذرا پہلے !!
چلو راہیں بدل لین

Baat thihre jo adal par waaiz Phir ye mihnat ye Iltaja Kya he

Baat thihre jo adal par waaiz
Phir ye mihnat ye Iltaja Kya he
chand sa kaha tu kihne lage
chand kahe'a na !! ye chand sa Kya he

Kuch hadson se gir gaye Mohsin zameen par Ham rashk Aasman they abhi kal hi ki baat hai

کچھ حادثوں سے گر گئے 'محسن' زمین پر
ہم رشک آسمان تھے ابھی کل ہی کی بات ہے

Kuch hadson se gir gaye Mohsin zameen par
Ham rashk Aasman they abhi kal hi ki baat hai

maine dekha hai ki phoolon se ladi shakhon me tum lachakti hui mere kareeb aayi ho

maine dekha hai ki phoolon se ladi shakhon me
tum lachakti hui mere kareeb aayi ho
jaise mudat se yun hi sath raha ho apna
jaise ab ki nahi sadiyon ki shahnayi ho

maine dekha hai ki gaate huye jharno ke kareeb
apne betabi-e-jajbaat kahi hai tumne
kampti hothon rukti huyi awaz ke saath
jo mere dil me thi wo baat kahi hai tumne
aanch dene laga kadmon ke tale braf ka farsh
aaj jana ki mohabbat mein hai garmi kitni
sang-e-marmar ki tarh skhat badan mein tere
aa gayi hai mere chho lene se narmi kitni
maine dekha hai ki kohare se bahri vadi me
main ye kahta hon ki aaj kahi kho jaye
mai ye kahti hon ke khone ki zarorat kya hai
odh kar dhund ki chadar ko yahin so jaye
Sahir Ludhianvi

Na zameen hy meri qaraar gah...na falak hi manzil-e-jazb-e-dil Bari dair sy hy safar mera......teri zaat sy....teri zaat tak

Na zameen hy meri qaraar gah...na falak hi manzil-e-jazb-e-dil
Bari dair sy hy safar mera......teri zaat sy....teri zaat tak

Bade Logo Se Milne Me Hamesha Fasila Rakhna, Jahan Dariya Samandar Se Mila, Dariya Nahee Rehtaa

Bade Logo Se Milne Me Hamesha Fasila Rakhna,
Jahan Dariya Samandar Se Mila, Dariya Nahee Rehtaa
Bashir Badar

Hamare Aitbaar ki hadd poochte ho ? to suno Unho ne Din ko Raat Kaha aur hum, phir se so Gaye

Hamare Aitbaar ki hadd poochte ho ? to suno
Unho ne Din ko Raat Kaha aur hum, phir se so Gaye...!!!

Hauslay zidagi k dekhtay hn chalo,kuch roz,jee k dekhtay hn

Hauslay zidagi k dekhtay hn
chalo,kuch roz,jee k dekhtay hn
barishon se to pyaas bujhti naheen
aao ab,ZAHER, pi k dekhtay hn

Jis dil wich sajan vs jaway us dil te,zulm kamai da naen

Jis dil wich sajan vs jaway
us dil te,zulm kamai da naen

jadon pyar kisay nal pa lawyeae
onoon kalyan chad k jai da naen

tenun ki dasan,tu janda naen
ae pyar di gal FAREEDA
jera zakham dilbar yar daway
us zakham te marham,laai da naeennnnnn

Naam Dushman-e-Jaan Ka,Khuwaab Aur Khushi Rakha Call Kothdi Tera, Naam Zindagi Rakha

نام دشمنِ جاں کا، خواب اور خوشی رکھا
کال کوٹھری تیرا ، نام زندگی رکھا

سوچ اور حقیقت میں ربط کاغذی رکھا
رخ رہا اندھیروں کا ، شوق آگہی رکھا

جب چلن جہاں نے بس، اپنا بے حسی رکھا
ہم نے بھی گلہ اپنا ، صرف خامشی رکھا
داستاں کہی جو بھی، تم کو مرکزی رکھا
اور خود پہ گزری جو، اس کو ان کہی رکھا
فیصلہ جو پہلا تھا، اس کو آخری رکھا
جو ملا ملے اس کو، دل میں تم کو ہی رکھا
بھیڑ میں فرشتوں کی خود کو آدمی رکھا
رنگ و روپ دنیا کا ہم نے اجنبی رکھا
کتنی مشکلوں کو دور ، تو نے پیشگی رکھا
اپنا ڈھنگ جو ابرک تو نے سادگی رکھا
اتباف ابرک

Na Tum Sadmy Hamein Dety Na Hum Faryaad Yun Karty Na Khulty Raaz Sarbasta Na Yun Ruswaiyan Hotein

نہ تم صدمے ہمیں دیتے نہ ہم فریاد یوں کرتے
نہ کھلتے راز سربستہ نہ یوں رسوائیاں ہوتیں

Na Tum Sadmy Hamein Dety Na Hum Faryaad Yun Karty

Na Khulty Raaz Sarbasta Na Yun Ruswaiyan Hotein

YE UMAR BHAR KI MUSAFAT HAI...DIL BADA RAKHNA KE LOG MILTE BICHADTE RAHENGE..RASTE MEIN

YE UMAR BHAR KI MUSAFAT HAI...DIL BADA RAKHNA
KE LOG MILTE BICHADTE RAHENGE..RASTE MEIN

Abhi to raakh hue hain tere firaaq mai ham Abhi hamaare bikharne ka khail baqi hai

Abhi to raakh hue hain tere firaaq mai ham
Abhi hamaare bikharne ka khail baqi hai

Ashk aankhon say gir gaya hai kaheen Ban kay darya utar gaya hai kaheen

اشک آنکھوں سے گر گیا ہے کہیں
بن کے دریا اتر گیا ہے کہیں

آنکھ پھڑکی جو بےسبب` تو لگا
ِ وه بھی مشکل میں گھر گیا ہے کہیں

ِ ہاتھ رکھا جو اس نے دل پہ مرے
ِ راگ ہولے سے چھڑ گیا ہے کہیں

رات جذبوں نے لی جو انگڑائی
لمحہ لمحہ ، نکھر گیا ہے کہیں

اپنی قربت کے خواب دکھلا کے
زہر نس نس میں بھر گیا ہے کہیں

نوحہ گر ہے جو کل سے آنکھ میری
خواب رستے میں مر گیا ہے کہیں۔

Ashk aankhon say gir gaya hai kaheen
Ban kay darya utar gaya hai kaheen

Aankh pharrki jo be'sabab to laga
Woh bhi mushkil men ghir gaya hai kaheen

Haath rakha jo is nay dil pay meray
Raag holay say chhirr gaya hai kaheen

Raat jazbon nay li jo angrraaii
Lamha lamha nikhar gaua hai kaheen

Apni qurbat kay khawab dikhla kay
Zehar nas nas men bhar gaya hai kaheen

Noha'gar hai jo kal say aankh meri
Khawab rastay men mar gaya hai kaheen

phir kahin chheen na lay tujh say zamana usko ab jo mil jaaye to khud say bhi chupana usko

phir kahin chheen na lay tujh say zamana usko
ab jo mil jaaye to khud say bhi chupana usko

Aaj yuu’n muskuraa kay aaye ho, Jesay sab kuch bhulaa kay aaye ho,

Aaj yuu’n muskuraa kay aaye ho,
Jesay sab kuch bhulaa kay aaye ho,

Yeh nishani hai dil kay lagnay ki,
Yeh jo tum aaj jaa kay aaye ho,

Bhool kar bhi he tarah koi aaye,
Shehar men yuu’n wafaa kay aaye ho,

Kyun jhapakti nahin meri aankhain,
Chandni men nahaa kay aaye ho,

Dil samandar men chaand sa utra,
Kesi khushbu laga kay aaye ho,

Subha ki avleen kiran ki tarah,
Raat saari jagaa kay aaye ho,

Kaya bahana bana kay jana hai,
Kaya bahana bana kay aaye ho,

Koi jhonkay say kis tarah poochay,
Kitni shammain bhujaa kay aaye ho,

Aa gaye ho to aao, Bismillah,
Dair lekin lagaa kay aaye ho,

Be’kali is qadar kyun Amjad,
Kaya kahin kuch ganwaa kay aaye ho

Ye Zamana Ye Dawar Kuch Bhi Nahi,Ik Tamasha Hai Aur Kuch Bhi Nahi

 یہ زمانہ یہ دور کچھ بھی نہیں
اک تماشہ ہے اور کچھ بھی نہیں ​

اک تری آرزو سے ہے آباد
ورنہ اس دل میں اور کچھ بھی نہیں ​

عشق رسم و رواج کیا جانے
یہ طریقے یہ طور کچھ بھی نہیں ​

وہ ہمارے ہم ان کے ہو جائیں
بات اتنی ہے اور کچھ بھی نہیں ​

جلنے والوں کو صرف جلنا ہے
ان کی قسمت میں اور کچھ بھی نہیں

اے نصیر انتظار کا عالم
اک قیامت ہے اور کچھ بھی نہیں

سید نصیرالدین نصیر

Wo Saath Le Gaya Qoal-o-Qarar Ka Mousam,Tamaam Umar Hai Ab Intezaar Ka Mousam

وہ ساتھ لے گیا قول و قرار کا موسم
تمام عمر ہے اب اِنتظار کا موسم

حیات اب بھی کھڑی ہے اُسی دوراہے پر
وہی ہے جبر، وہی اِختیار کا موسم

ابھی تو خُود سے ہی فارغ نہیں ہیں اہلِ جمال
ابھی کہاں دلِ اُمید وار کا موسم

اُسے بھی وعدہ فراموشی زیب دیتی ہے
ہمیں بھی راس نہیں اعتبار کا موسم

جہاں گِرے گا لہُو، پُھول بھی کِھلیں گے وہیں
کِسی کے بس میں نہیں ہے بہار کا موسم

کبھی تو لوٹ کے دِلداریوں کی رُت آئے
سدا بہار ہے مُدت سے دَار کا موسم

ہم اپنے آپ کو محسن بدل کے دیکھیں گے
بدل سکے نہ اگر کُوئے یار کا موسم

محسن بھوپالی

*********************************

وہ تیرے هجر کا موسم تیرے خیال کا موسم
نہ جانے کیسے کٹے گا تیرے ملال کا موسم

تیرے سوا تو رب سے کچھ نہ مانگا تها
زباں پہ اب کہاں آئے تیرے سوال کا موسم

گزر گئے میرے برسوں تیرے تخیل میں
کہ رک گیا میرے دل پہ تیرے خیال کا موسم

نظر میں عکس جو رهتا هے تیری صورت کا
نہ جانے لوٹے گا کب پهر تیرے جمال کا موسم

وہ میرے دل کو سجانا جو اپنی صورت سے
نکلتا دل سے نہیں وہ تیرے کمال کا موسم

کہ اب تو هم سے بهی رونق جہاں کی روٹھ چلی
نہ جانے کیسے مٹے گا میرے زوال کا موسم

ثمن یہ هجر بهی تیرا فراق بهی تیرا
کبهی تو آ کے جو بدلے میرے اس حال کا موسم

کلیم خان ثمن

*********************************

روِش روِش ہے وہی اِنتظار کا موسم
نہیں ہے کوئی بھی موسم، بہار کا موسم

گراں ہے دل پہ غمِ روزگار کا موسم
ہے آزمائشِ حُسنِ نِگار کا موسم

خوشا نظارۂ رُخسارِ یار کی ساعت
خوشا قرارِ دلِ بے قرار کا موسم

حدیثِ بادہ و ساقی نہیں تو کِس مصرف
حرام ابرِ سرِ کوہسار کا موسم

نصیبِ صحبتِ یاراں نہیں تو کیا کیجے
یہ رقصِ سایۂ سرو و چنار کا موسم

یہ دل کے داغ تو دِکھتے تھے یوں بھی، پر کم کم
کچھ اب کے اور ہے ہجرانِ یار کا موسم

یہی جنوں کا، یہی طوق و دار کا موسم
یہی ہے جبر، یہی اِختیار کا موسم

قفس ہے بس میں تمہارے، تمہارے بس میں نہیں
چمن میں آتشِ گُل کے نِکھار کا موسم

صبا کی مست خرامی تہِ کمند نہیں
اسیرِ دام نہیں ہے بہار کا موسم

بلا سے ہم نے نہ دیکھا تو اور دیکھیں گے
فروغِ گُلشن و صوتِ ہزار کا موسم

فیض احمد فیض

*********************************

نہیں تو آزما کے دیکھ لو، کیسے بدلتا ہے
تمہارے مسکرانے سے دل ناشاد کا موسم

صدا تیشے سے جو نِکلی، دلِ، شیریں سے اُٹھی تھی
چمن خُسرو کا تھا لیکن، رہا فرہاد کا موسم

پرندوں کی زباں بدلی، کہیں سے ڈھونڈ لے تُو بھی
نئی طرزِ فُغاں اے دِل کہ ہے ایجاد کا موسم

رُتوں کا قاعدہ ہے وقت پر یہ آتی جاتی ہے
ہمارے شہر میں کیوں رُک گیا فریاد کا موسم!

کہیں سے اُس حسیں آواز کی خوشبو پُکارے گی
تو اُس کے ساتھ بدلے گا دلِ برباد کا موسم

قفس کے بام و دَر میں روشنی سی آئی جاتی ہے
چمن میں آگیا شاید لبِ آزاد کا موسم

مِرے شہرِ پریشاں مَیں تری بے چاند راتوں میں
بہت ہی یاد کرتا ہوں تری بنیاد کا موسم

نہ کوئی غم خزاں کا ہے، نہ خواہش ہے بہاروں کی
ہمارے ساتھ ہے امجد، کسی کی یاد کا موسم

امجد اسلام امجد

*********************************

ﮐﯿﺎ ﺧﺰﺍﮞ ﮐﺎ ﻣﻮﺳﻢ ﮨﮯ ﮐﯿﺎ ﺑﮩﺎﺭ ﮐﺎ ﻣﻮﺳﻢ
ﺯﻧﺪﮔﯽ ﺟﻮ ﮨﻮﺟﺎﺋﮯ ﮨﺠﺮِ ﯾﺎﺭ ﮐﺎ ﻣﻮﺳﻢ

ﻣﻮﺳﻤﻮﮞ ﮐﯽ ﺗﺒﺪﯾﻠﯽ ﮨﮯ ﻣﺰﺍﺝ ﻣﯿﮟ ﺗﯿﺮﮮ
ﺍﻭﺭ ﻣﯿﺮﮮ ﺩﻝ ﻣﯿﮟ ﮨﮯ ﺻﺮﻑ ﭘﯿﺎﺭ ﮐﺎ ﻣﻮﺳﻢ

ﺟﺐ ﺯﻣﺎﻧﮧ ﺁﻧﮑﮭﻮﮞ ﻣﯿﮟ ﺩﮬﻮﻝ ﺟﮭﻮﻧﮑﺘﺎ ﻧﮑﻠﮯ
ﺟﯿﺖ ﮐﻮ ﺳﻤﺠﮫ ﻟﯿﻨﺎ ﺍﭘﻨﯽ ﮨﺎﺭ ﮐﺎ ﻣﻮﺳﻢ

ﺍﯾﮏ ﻟﻤﺤﮧ ﺳﻮﺗﺎ ﮨﻮﮞ ﺩﻭﺳﺮﮮ ﻣﯿﮟ ﺭﻭﺗﺎ ﮨﻮﮞ
ﮐﭧ ﺭﮨﺎ ﮨﮯ ﻣﺸﮑﻞ ﺳﮯ ﺍﻧﺘﻈﺎﺭ ﮐﺎ ﻣﻮﺳﻢ

ﮔﺮﻡ ﻟُﻮ ﯾﮧ ﮐﮩﺘﯽ ﮨﮯ ﺑﮭﻮﻝ ﺟﺎﺅ ﻣﺎﺿﯽ ﮐﻮ
ﻟﻮﭦ ﮐﺮ ﻧﮧ ﺁﺋﮯ ﮔﺎ ﺑﺮﮒ ﻭ ﺑﺎﺭ ﮐﺎ ﻣﻮﺳﻢ

ﺍﻟﺘﻔﺎﺕ ﺑﮭﯽ ﮐﻢ ﮨﮯ ﻣﺠﮫ ﺳﮯ ﺑﺎﺕ ﺑﮭﯽ ﮐﻢ ﮨﮯ
ﮐﯿﻮﮞ ﺑﺪﻝ ﮔﯿﺎ ﻣﯿﺮﮮ ﻏﻤﮕﺴﺎﺭ ﮐﺎ ﻣﻮﺳﻢ

ﺷﮩﺮ ﻣﯿﮟ ﻭﻓﺎﺅﮞ ﮐﮯ ، ﻟﻮﮒ ﺑﮯ ﻭﻓﺎ ﻧﮑﻠﮯ
ﺩﯾﮑﮭﺘﮯ ﺭﮨﮯ ﻧﺎﻇﺮ ﺍﻧﺘﺸﺎﺭ ﮐﺎ ﻣﻮﺳﻢ

ناظر

*********************************

ﺍﺩﺍﺱ ﺍﺩﺍﺱ ﮨﮯ ﺩﻝ ﮐﮯ ﺩﯾﺎﺭ ﮐﺎ ﻣﻮﺳﻢ
ﺟﺒﮭﯽ ﻣﮩﯿﺐ ﮨﮯ ﻗﺮﺏ ﻭ ﺟﻮﺍﺭ ﮐﺎ ﻣﻮﺳﻢ

ﯾﻮﻧﮩﯽ ﻋﯿﺎﮞ ﻧﮩﯿﮟ ﺭﺥ ﺳﮯ ﻧﮑﮭﺎﺭ ﮐﺎ ﻣﻮﺳﻢ
ﺗﻤﮭﺎﺭﯼ ﺯﯾﺴﺖ ﻣﯿﮟ ﺭﻗﺼﺎﮞ ﮨﮯ ﭘﯿﺎﺭ ﮐﺎ ﻣﻮﺳﻢ

ﺑﮩﺖ ﭘﺴﻨﺪ ﮨﮯ ﻣﺠﮫ ﮐﻮ ﺑﮩﺎﺭ ﮐﺎ ﻣﻮﺳﻢ
ﻣﮕﺮ ﻓﺼﯿﺢ ﺟﻮ ﮨﮯ ﻗﺮﺏِ ﯾﺎﺭ ﮐﺎ ﻣﻮﺳﻢ

ﺯﻣﺎﻧﮧ ﺑﯿﺖ ﮔﯿﺎ، ﺩﻝ ﮐﺎ ﺍﯾﮏ ﻋﺎﻟﻢ ﮨﮯ
ﺑﺪﻝ ﮔﯿﺎ ﻣﺮﮮ ﻗﺮﺏ ﻭ ﺟﻮﺍﺭ ﮐﺎ ﻣﻮﺳﻢ

ﺑﻨﺎﻡِ ﻟﻄﻒ، ﺳﺘﻢ ﮈﮬﺎﺋﯿﮯ ﺟﮩﺎﮞ ﺗﮏ ﮨﻮ
ﮐﮧ ﺩﻝ ﭘﮧ ﮨﮯ ﺍﺑﮭﯽ ﺻﺒﺮ ﻭ ﻗﺮﺍﺭ ﮐﺎ ﻣﻮﺳﻢ

ﮨﻤﯿﮟ ﻭﻓﺎﺅﮞ ﮐﯽ ﮨﻤﺮﺍﮨﯿﺎﮞ ﻧﺼﯿﺐ ﮨﻮﺋﯿﮟ
ﮨﻤﺎﺭﮮ ﺳﺎﺗﮫ ﺭﮨﺎ ﺍﻋﺘﺒﺎﺭ ﮐﺎ ﻣﻮﺳﻢ

ﭨﮭﮩﺮ ﮔﯿﺎ ﮨﮯ ﮐﮩﯿﮟ ﻗﺎﻓﻠﮧ ﺑﮩﺎﺭﻭﮞ ﮐﺎ
ﭨﮭﮩﺮ ﮔﯿﺎ ﮨﮯ ﯾﮩﺎﮞ ﺍﻧﺘﻈﺎﺭ ﮐﺎ ﻣﻮﺳﻢ

ﺧﺰﺍﮞ ﮐﮯ ﺯﯾﺮِ ﺍﺛﺮ ﮐﺐ ﺗﻠﮏ ﺭﮨﮯ ﮔﺎ ﭼﻤﻦ
ﮐﺒﮭﯽ ﺗﻮ ﺁﺋﮯ ﮔﺎ ﺍﺱ ﭘﺮ ﺑﮩﺎﺭ ﮐﺎ ﻣﻮﺳﻢ

ﺗﻮ ﺻﺒﺮ ﻭ ﺷﮑﺮ ﮐﯽ ﮐﮭﯿﺘﯽ ﺍﮔﺎﺅﮞ ﮔﺎ ﺩﻝ ﻣﯿﮟ
ﻣﺠﮭﮯ ﻣﻼ ﺟﻮ ﮐﺒﮭﯽ ﺍﺧﺘﯿﺎﺭ ﮐﺎ ﻣﻮﺳﻢ

ﺳﻮ ﻧﻘﺪِ ﺟﺎﮞ ﮨﯽ ﺍﻧﮭﯿﮟ ﭘﯿﺶ ﮐﺮ ﺩﯾﺎ ﮨﻢ ﻧﮯ
’’ ﮨﻤﯿﮟ ﻗﺒﻮﻝ ﻧﮩﯿﮟ ﺗﮭﺎ ﺍﺩﮬﺎﺭ ﮐﺎ ﻣﻮﺳﻢ ‘‘

ﻓﺼﯿﺢ ﮐﯿﺴﮯ ﺑﺘﺎﺅﮞ ﻣﯿﮟ ﺍﭘﻨﮯ ﺩﻝ ﮐﺎ ﺣﺎﻝ
ﺑﯿﺎﻥ ﮐﯿﺴﮯ ﮨﻮ ﺍﺟﮍﮮ ﺩﯾﺎﺭ ﮐﺎ ﻣﻮﺳﻢ

فصیح

*********************************

بھلا کیسے گزاریں گے ہم تیری یاد کا موسم
خدایا اب کبھی آئے نہ اُسکے بعد کا موسم

بہت تکلیف دیتی ہیں ہمیں یہ ہجر کی گھڑیاں
رہے بس اب ہمیشہ ہی دلوں کے ساتھ کا موسم

ہم اسکی یاد میں اکثر ہی بے آواز روتے ہیں
تمنا ہے کہ آجائےخوشی کے ساز کا موسم

زرا سی لو محبت کی ابھی بھی ٹمٹماتی ہے
یہ چنگاری ذرا بھڑکے تو آئے پیار کا موسمُ

امتہ القدوس قدسیہ

*********************************

خیال و خواب ہُوا برگ و بار کا موسم
بچھڑ گیا تری صُورت، بہار کا موسم

کئی رُتوں سے مرے نیم وا دریچوں میں
ٹھہر گیا ہے ترے انتظار کا موسم

وہ نرم لہجے میں کچھ تو کہے کہ لَوٹ آئے
سماعتوں کی زمیں پر پھوار کا موسم

پیام آیا ہے پھر ایک سروقامت کا
مرے وجود کو کھینچے ہے دار کا موسم

وہ آگ ہے کہ مری پور پور جلتی ہے
مرے بدن کو مِلا ہے چنار کا موسم

رفاقتوں کے نئے خواب خُوشنما ہیں مگر
گُزر چکا ہے ترے اعتبار کا موسم

ہَوا چلی تو نئی بارشیں بھی ساتھ آئیں
زمیں کے چہرے پہ آیا نکھار کا موسم

وہ میرا نام لیے جائے اور میں اُس کا نام
لہو میں گُونج رہا ہے پکار کا موسم

قدم رکھے مری خُوشبو کہ گھر کو لَوٹ آئے
کوئی بتائے مُجھے کوئے یار کا موسم

وہ روز آ کے مجھے اپنا پیار پہنائے
مرا غرور ہے بیلے کے ہار کا موسم

ترے طریقِ محبت پہ با رہا سوچا
یہ جبر تھا کہ ترے اختیار کا موسم

پروین شاکر

*********************************

قافیہ مختلف ہے اس غزل کا

اب تو اک خواب ہوا اذنِ بیاں کا موسم
جانے کب جائے گا، یہ شورِ اذاں کاموسم

حاکم وقت ہوا، حاکمِ فطرت شاید
ان دنوں شہر میں، نافذ ہے خزاں کا موسم

حکمِ قاضی ہے کہ ماضی میں رکھا جائے ہمیں
موسمِ رفتہ رہے عمر رواں کا موسم

نمِ بادہ کا نہیں نام و نشاں اور یہاں
ہے شرر بار فقیہوں کی زباں کا موسم

کعبۂ دل پہ ہے پیرانِ حرم کی یلغار
ہائے اے پیر مغاں! تیری اماں کا موسم

بند ہیں دید کے در، وا نہیں امید کے دَر
ہے یہ دل شہر میں، خوابوں کے زیاں کا موسم

اک نہیں ہے کہ ترے لب سے سنی جاتی ہے
جانے کب آئے گا ظالم تری ہاں کا موسم

وا نہ کر بند قبا، یاں کی ہوا میں اپنے
بتِ سرمست! مسلمان ہے یاں کا موسم

رنگ سرشار نہ ہوجائے فضا تو کہنا
آئے تو مستی خونیں نفساں کا موسم

جون ایلیا

Kab Uda Le Gai Hawa Mat Pooch,Chaar Tinko Ka Majra Mat Pooch

کب اُڑا لے گئی ہوا مت پوچھ
چار تنکوں کا ماجرا مت پوچھ

انتہا دیکھ چشمِ عبرت کی
اِس فسانے کی ابتدا مت پوچھ

تُو نے جو کچھ کہا تجھے معلوم
میں نے دنیا سے کیا سنا مت پوچھ

دے ذرا اپنے حافظے پہ زور
مجھ سے میرا اتا پتا مت پوچھ

ابھی تقدیر کی لکیریں پڑھ
کیا کریں گے وہ فیصلہ مت پوچھ

پوچھ مجھ سے رموزِ مرگِ حیات
ہاں مگر حرفِ مدعا مت پوچھ

بے گناہی بھی جرم ہے واصف
اور اِس کی سزا مت پوچھ

واصف علی واصف

*********************************

خواہشیں ہوئیں کیسے سب دھواں دھواں مت پوچھ
اُٹھے ہیں رہ رہ کے بہت دل میں ارماں مت پوچھ

یوں تو دیکھی ہیں بہت خم و ساغر سی بے تاب آنکھیں
ہاں مگر ان نیم باز نگاہوں کی کہکشاں مت پوچھ

ڈالی ڈالی کُوچ اپنا ، اے باغباں تُو دیکھ ذرا
اُجڑا ہے کیوں کر سرِ بہار اپنا آشیاں مت پوچھ

یوں تو مثل ہے حوصلہ اپنا ، مسکرا کے سب سنا دیں گے
تھم سکیں گے نہ اشک تیرے ، شب غم کی داستاں مت پوچھ

سانس لیتے ہیں ، ہونٹوں پر اب تلک ہے مسکان باقی
دھڑکنیں اپنی مگر ، چلتی ہیں کیسے ، یہ مہرباں مت پوچھ

دور تھا جام کا ، سرِ محفل قریشی، یادوں کی تھی بارات مگر
جھوم اُٹھی اپنے شعروں پہ کیسے بزمِ عاشقاں مت پوچھ

(ابرار قریشی)

*********************************

اے گردشِ دوراں! میرا حال مت پوچھ
کتنا ہوں ان کی یاد میں بے حال مت پوچھ

پھنس ہی گیا ہوں ان کی زلفوں کے بندھ میں
کتنا حسین ہے زلف کا جال مت پوچھ

بات تو سنی تھی آنکھوں سے مار دینے کی
کتنا ہے اس میں ان کو کمال مت پو چھ

اک پل بھی ان کی یاد سے غافل نہیں میرا
اُن کے بِنا جینا ہے کتنا محال مت پوچھ

ہر غم بھول گیا جب اُن سے نظر ملی
کتنی غضب کی دانی انکی ہے چال مت پوچھ

نامعلوم

Main Ke Bulbul Hon Shikaari Ke Galy Me Qaid Hon,Ik Nawala Hon Main Uske Qahqahy Me Qaid Hon

میں کہ بلبل ہوں شِکاری کے گلے میں قید ہوں
اِک نوالہ ہوں میں اسکے قہقہے میں قید ہوں

ترچھی نظروں کے جو تو نے تیر مارے تھے کبھی
میں اسی ترچھی نظر کے زاویے میں قید ہوں

ایک پھّرا ہوں میں نقلِ امتحاں کے واسطے
بے معانی ہوں ابھی تک حاشیے میں قید ہوں

میں ہوں بس آدھا نوالہ ، تو نے جوں چھوڑا مجھے
بس اسی دن سے میں اس نعمت کدے میں قید ہوں

تو نے اک دن مسکراکر مجھ کو دیکھا تھا کبھی
بس اسی دن سے میں دل کے عارضے میں قید ہوں

محمد خلیل الرحمٰن

*********************************

حاصلِ کُن ہوں بقا کے سلسلے میں قید ہوں
میں کہ یزداں کے لگائے قہقہے میں قید ہوں

چاکِ ہَست و بُود کے کب دائرے میں قید ہوں
میں ازَل سے اک نظر کے زاویے میں قید ہوں

نفسِ مضموں کھُل نہ پایا کیوں کسی پر ذات کا
"بے معانی ہوں ابھی تک حاشیے میں قید ہوں"

اختیار و جبر گویا ہیں بلمپَت لَے میں راگ
سازِ استبداد کے ہر زمزمے میں قید ہوں

ہجر کی گھڑیاں ہوئی ہیں سب زمانوں پر محیط
وقت رک جائے جہاں اس ثانیے میں قید ہوں

میں خداؤں کا ہوں مسکن اور خدائی کا ثبوت
گو مثالِ اہرمَن ہوں، بت کدے میں قید ہوں

کَل نِبھا لوں گا تعلق روح کا میں، آج تو
عارضی سے عارضوں کے عارضے میں قید ہوں

جسمِ خاکی حدّتِ جذبات سے جلنے لگا
آگ ہے میری سرشت اور کوئلے میں قید ہوں

فاتح الدین بشیر
​
*********************************

زندانِ دو جہاں کی ،وُسعت میں قید ہوں
کِس کو خبر مَیں کس کی محبت میں قید ہوں

دیکھ اے اسیرِ وقت، تُو ضائع نہ کر مُجھے
مَیں بھی پلک جھپکنے کی،، ساعت میں قید ہوں

پنجرے سمیت اُڑنا بھی مُشکل نہیں مُجھے
مَیں تو ذرا بدن کی، مُروت میں قید ہُوں

صدیوں سے مَیں اَسیرِ خلا تھا ، ری ہُوا
اب کہکشاں کے جُرمِ بغاوت میں قید ہُوں

اللہ کرے کہ قیدی پرندوں کی، خیر ہو
مَیں بھی یہاں پروں کی ضرورت میں قید ہُوں

آدھا اِدھر پڑا ہُوں، بدن کے نشیب میں
آدھا مَیں لامکاں کی عمارت میں قید ہُوں

چیخیں ہیں یہ ميری کہ ميرے قہقہے ہیں یہ
دھشت میں قید ہُوں کہ مَیں وحشت میں قید ہُوں

گِننے میں کیا ثواب ، نہ گِننے میں کیا گناہ
کب سے نگاہِ یار کی، غفلت میں قید ہُوں

اِس زاوئیے سے دیکھنا ممکن نہیں ابھی
صُورت میں قید ہُوں نہ مَیں سِیرت میں قید ہُوں

نامعلوم

Bahaar Aai Tou Khul Kar Kaam Maikhany Bhi Aaengy,Chaly Ga Daur-e-Mai Chalky Gi Paimany Bhi Aaengy

پیر سیّد نصیرالدّین نصیر گیلانی

بہار آئی, تو کُھل کر کام میخانے بھی آئیں گے
چلے گا دَور, مَے چھلکے گی, پیمانے بھی آئیں گے

لبوں پر حشر میں وحشت کے افسانے بھی آئیں گے
دلوں کا حال کہنے, اُن کے دیوانے بھی آئیں گے

نہیں بے کار, جو آنسو بہاتی ہیں مری آنکھیں
کسی دن کام یہ بے ربط افسانے بھی آئیں گے

تواضع آج ہوگی اہتمامن بزمِ ساقی میں
فقط مَے ہی نہیں آئے گی, پیمانے بھی آئیں گے

کسی کی پُر فسوں باتوں سے تم, دھوکا نہ کھا جانا
سرِ محفل فقط کہنے کو دیوانے بھی آئیں گے

جہاں اپنے علاوہ دُوسرا کوئی نہیں ہوگا
کسی کی جستجو میں ایسے ویرانے بھی آئیں گے

بچائے کس طرح دامن کوئی عشقِ مجازی سے
حریمِ حُسن کے رَستے میں بُت خانے بھی آئیں گے

تمہارے سامنے اِس واسطے میری زباں چُپ ہے
بیانِ شوق میں, کچھ دل کے افسانے بھی آئیں گے

یہ عالم ایک دن ہوگا تِرے بیمارِ اُلفت کا
عیادت کے لئے اپنے بھی, بیگانے بھی آئیں گے

جو گردِ شوق بن کر اُن کے دامن سے لپٹ جائیں
نصیر اُن کی گلی میں ایسے دیوانے بھی آئیں گے

پیر سیّد نصیرالدّین نصیر گیلانی
کتاب "دستِ نظر"
صفحہ ۱۳۱ ۱۳۲

aik bosa dejiay mera emaan lejiay go butt hain aap behr-e-khuda maan lejiay

اک بوسہ دیجئے میرا ایمان لیجئے
گو بت ہیں آپ بہر خدا مان لیجئے

aik bosa dejiay mera emaan lejiay
go butt hain aap behr-e-khuda maan lejiay

دل لے کر کہتے ہیں تیری خاطر سے لے لیا
اُلٹا مجھی پہ رکھتے ہیں احسان لیجئے

dil lay ker kehty hain teri khatir say lay liya
ulta mujhi pay rakhty hain ehsaan lejiay

غیروں کو اپنے ہاتھ سے ہنس کر کِھلا دیا
مجھ سے کبیدہ ہو کر کہا پان لیجئے

gairoon ko apny hathoon say hans ker khila diyaa
mujh say kabeedah ho ker kaha paan lejiay

مرنا قبول ہے مگر الفت نہیں قبول
دل تو نہ دو گا آپ کو میں جان لیجئے

marna qabool hay magar ulfat nehi qabool
dil to na doo ga app ko main jaan lejiay

حاضر ہوا کرو گا میں اکثر حضور میں
آج اچھی طرح سے مجھے پہچان لیجئے

hazir huwa kero ga main aksar hazoor main
ajj achi terha say mujhy pehchaan lejiay

اکبر الہ آبادی

Hum Jo Mast Sharaab Hote Hain,Zare Se Aaftaab Hote Hain

 چار شاعر۔۔ ایک سے بڑھ کر ایک
امیر منائی ، عبدالحمید عدم ، داغ دہلوی اور میر تقی میر

*********************************

 
امیر منائی
ہم جو مست شراب ہوتے ہیں
ذرے سے آفتاب ہوتے ہیں

ہے خرابات صحبت واعظ
لوگ ناحق خراب ہوتے ہیں

کیا کہیں کیسے روز و شب ہم سے
عمل ناثواب ہوتے ہیں

بادشہ ہیں گدا، گدا سلطان
کچھ نئے انقلاب ہوتے ہیں

ہم جو کرتے ہیں مے کدے میں دعا
اہل مسجد کو خواب ہوتے ہیں

وہی رہ جاتے ہیں زبانوں پر
شعر جو انتخاب ہوتے ہیں

کہتے ہیں مست رند سودائی
خوب ہم کو خطاب ہوتے ہیں

آنسوؤں سے امیر ہیں رسوا
ایسے لڑکے عذاب ہوتے ہیں
 

*******************

 
عبدالحمید عدم
جو بھی تیرے فقیر ہوتے ہیں
آدمی بے نظیر ہوتے ہیں

تیری محفل میں بیٹھنے والے
کتنے روشن ضمیر ہوتے ہیں

پھول دامن میں چند لے لیجے
راستے میں فقیر ہوتے ہیں

جو پرندے کی آنکھ رکھتے ہیں
سب سے پہلے اسیر ہوتے ہیں

دیکھنے والا اک نہیں ملتا
آنکھ والے کثیر ہوتے ہیں

جن کو دولت حقیر لگتی ہے
اف وہ کتنے امیر ہوتے ہیں

جن کو قدرت نے حسن بخشا ہو
قدرتاً کچھ شریر ہوتے ہیں

ہے خوشی بھی عجیب شے لیکن
غم بڑے دل پذیر ہوتے ہیں

اے عدم احتیاط لوگوں سے
لوگ منکر نکیر ہوتے ہیں

*********************

 
داغ دہلوی
فلک دیتا ہے جن کو عیش ان کو غم بھی ہوتے ہیں
جہاں بجتے ہیں نقارے وہیں ماتم بھی ہوتے ہیں

گلے شکوے کہاں تک ہوں گے آدھی رات تو گزری
پریشاں تم بھی ہوتے ہو پریشاں ہم بھی ہوتے ہیں

جو رکھے چارہ گر کافور دونی آگ لگ جائے
کہیں یہ زخم دل شرمندہ مرہم بھی ہوتے ہیں

وہ آنکھیں سامری فن ہیں وہ لب عیسیٰ نفس دیکھو
مجھی پر سحر ہوتے ہیں مجھی پر دم بھی ہوتے ہیں
زمانہ دوستی پر ان حسینوں کی نہ اترائے
یہ عالم دوست اکثر دشمن عالم بھی ہوتے ہیں

بظاہر رہنما ہیں اور دل میں بدگمانی ہے
ترے کوچے میں جو جاتا ہے آگے ہم بھی ہوتے ہیں

ہمارے آنسوؤں کی آبداری اور ہی کچھ ہے
کہ یوں ہونے کو روشن گوہر شبنم بھی ہوتے ہیں

خدا کے گھر میں کیا ہے کام زاہد بادہ خواروں کا
جنہیں ملتی نہیں وہ تشنۂ زمزم بھی ہوتے ہیں

ہمارے ساتھ ہی پیدا ہوا ہے عشق اے ناصح
جدائی کس طرح سے ہو جدا توام بھی ہوتے ہیں

نہیں گھٹتی شب فرقت بھی اکثر ہم نے دیکھا ہے
جو بڑھ جاتے ہیں حد سے وہ ہی گھٹ کر کم بھی ہوتے ہیں

بچاؤں پیرہن کیا چارہ گر میں دست وحشت سے
کہیں ایسے گریباں دامن مریم بھی ہوتے ہیں

طبیعت کی کجی ہرگز مٹائے سے نہیں مٹتی
کبھی سیدھے تمہارے گیسوئے پر خم بھی ہوتے ہیں

جو کہتا ہوں کہ مرتا ہوں تو فرماتے ہیں مر جاؤ
جو غش آتا ہے تو مجھ پر ہزاروں دم بھی ہوتے ہیں

کسی کا وعدۂ دیدار تو اے داغ برحق ہے
مگر یہ دیکھیے دل شاد اس دن ہم بھی ہوتے ہیں

*********************************

میر تقی میر
تیرے بالوں کے وصف میں میرے
شعر سب پیچ دار ہوتے ہیں

آؤ یاد بتاں پہ بھول نہ جاؤ
یہ تغافل شعار ہوتے ہیں

دیکھ لیویں گے غیر کو تجھ پاس
صحبتوں میں بھی یار ہوتے ہیں

صدقے ہولیویں ایک دم تیرے
پھر تو تجھ پر نثار ہوتے ہیں

تو کرے ہے قرار ملنے کا
ہم ابھی بے قرار ہوتے ہیں

ہفت اقلیم ہر گلی ہے کہیں
دلی سے بھی دیار ہوتے ہیں

رفتہ رفتہ یہ طفل خوش ظاہر
فتنۂ روزگار ہوتے ہیں

اس کے نزدیک کچھ نہیں عزت
میر جی یوں ہی خوار ہوتے ہیں

Kon kehta hai dushwar hai aadmi ko marna Lehjah badal tever badal nazrain badal or mar dy

Kon kehta hai dushwar hai aadmi ko marna
Lehjah badal tever badal nazrain badal or mar dy

Nafs Na Anjuman -e-Aarzoo Se Bahir Khench Agar Sharaab Nahi Intezaar-e-Saagar Khench

نفَس نہ انجمنِ آرزو سے باہر کھینچ
اگر شراب نہیں انتظارِ ساغر کھینچ

"کمالِ گرمئ سعئ تلاشِ دید" نہ پوچھ
بہ رنگِ خار مرے آئینہ سے جوہر کھینچ

تجھے بہانۂ راحت ہے انتظار اے دل!
کیا ہے کس نے اشارہ کہ نازِ بسترکھینچ

تری طرف ہے بہ حسرت نظارۂ نرگس
بہ کورئ دل و چشمِ رقیب ساغر کھینچ

بہ نیم غمزہ ادا کر حقِ ودیعتِ ناز
نیامِ پردۂ زخمِ جگر سے خنجر کھینچ

مرے قدح میں ہے صہباۓ آتشِ پنہاں
بروۓ سفرہ کبابِ دلِ سمندر کھینچ
اسداللہ خاں غالب
 

*************************

 
قدم نہ حلقۂ ماتم کشاں سے باھر کھینچ
ذرا سا ھاتھ بڑھا اور خطِ مقدر کھینچ
فقط ھوا میں اُڑانا کہاں کی وحشت ھے؟
یہ ریگِ دشت ھےاِس کو لہو کے اندر کھینچ
رھینِ ساغر و صہبا نہیں ھے نشّۂ عشق
مری رگوں سے یہ مستی بہ نوکِ خنجر کھینچ
میں چل پڑا تو گھسٹنے لگے گی سُرعتِ تیغ
مریضِ غم ھوں مری پشت سے نہ بستر کھینچ
مرقع ساز عطَش ھے سَِرشکِ چشم تو پھر
میں اک زمین بناتا ھوں تُو سمندر کھینچ
کبھی تو خامہ کشِ عُمر میرے چہرے پر
کوئی لکیر مرے خال و خد سے بہتر کھینچ
تری جبیں کو ملے نورِ ناصیہ فرسائی
نشانِ سجدہ مرے زخم کے برابر کھینچ
میں خوں بہاتا ھوا آسماں تک آپہنچا
حدودِ آبلہ پائی یہاں مکرر کھینچ
زمینِ غالبِ معجز بیاں ھے، اذن تو لے
قلم اُٹھا نہ مری جاں ابھی نہ مِسطر کھینچ
فقیرعارف امام
 

*************************

افروز عالم
جگا جنوں کو ذرا نقشۂ مقدر کھینچ
نئی صدی کو نئی کربلا سے باہر کھینچ
میں ذہنی طور سے آزاد ہونے لگتا ہوں
مرے شعور مجھے اپنی حد کے اندر کھینچ
نئی زمین لہو کا خراج لیتی ہے
دیار غیر میں بھی خوشنما سا منظر کھینچ
اداس رات میں تارے گواہ بنتے ہیں
رگ حباب سے تو قاتلانہ خنجر کھینچ
ابھی ستاروں میں باقی ہے زندگی کی رمق
کچھ اور دیر ذرا نرم گرم چادر کھینچ
وجود شہر تو جنگل میں ڈھل چکا عالم
اب اس جگہ سے مجھے جانب سمندر کھینچ

Mein to soch rahi thi keh Mujhay sab kuch bhool chuka hai

میں تو سوچ رھی تھی کہ مجھے سب کچھ بھول چکا ھے
وه جو ادھورے خوابوں کی کہانی تھی
وه جو میں نے تمہیں سنانی تھی
جب
وقت نے اپنی سانسوں سے روح کے بدن پر لکھا تھا
وقت نارسا کا مہر
اُن شناسا باتوں کا زہر
جو کبھی تم نے مجھ میں انڈیلا تھا
بڑی چاه سے جسے میں نے سنبھالا تھا
مدت بعد
یہ آج مجھے کس مقام پہ لے آئے ھو
ایسے کہ
نہ آئے ھی ھو اور نہ گئے ھو تم
نہ اپنے ھی ھو اور نہ پرائے ھو تم
میری جان
ادھورے خوابوں کی کہانیاں ادھوری ھی رھنے دو
اور اب
ٍان ادھوری کہانیوں کو بلاعنوان ھی رھنے دو

Mein to soch rahi thi keh
Mujhay sab kuch bhool chuka hai
Woh jo adhooray khawabon ki kahani thi
Woh jo mein nay tumhen sunaaii thi
Jab
Waqt nay apni saanson say rooh kay badan par likha tha
Waqt na'rasa ka mehar
Un shanaasa baaton ka zehar
Jo kabhi tum nay mujh men undaila tha
Barri chaah say jisay mein nay sanbhaala tha
Muddat baad
Yeh aaj mujhay kis muqaam pay lay aaye ho
Aisay keh
Na aaye ho aur na gaye ho tum
Na apnay he ho aur na paraaye ho tum
Meri jaan
Adhooray khawabon ki kahaaniyaan adhoori he rehnay do
Aur ab
In adhoori kahaaniyon ko bila'unwaan he rehnay do

Bahut Phly Suna Tha K Muhabbat Ujhaar Deti Hai

kia puuchta ha hum se tuu ae shokh sitamgar jo tuu ne keeae hum pe sitam keh nahi sakte

kia puuchta ha hum se tuu ae shokh sitamgar
jo tuu ne keeae hum pe sitam keh nahi sakte

Apna dil pesh karoon apni vafa pesh karoon kuchh samajh mein nahin aata tujhe kya pesh karoon

Apna dil pesh karoon apni vafa pesh karoon
kuchh samajh mein nahin aata tujhe kya pesh karoon
tere milne ki khushi mein koi naghma chhedon
ya tere dard-e-judaai ka gila pesh karoon
mere khvabon mein bhi tuu mere khayalon mein bhi tuu
kaun si cheez tujhe tujh se juda pesh karoon
jo tere dil ko lubhae wo ada mujh mein nahin
kyuun na tujh ko koi tern hi ada pesh karoon
Sahir Ludhiyanvi

Ungaliyan thak gayi pathar tarashtey tarashtey Jab soorat bani yaar ki toh kharidaar aa gaye

Ungaliyan thak gayi pathar tarashtey tarashtey
Jab soorat bani yaar ki toh kharidaar aa gaye

Jo taar se nikli hai wo dhun sab ne suni hai Jo saaz pe guzri hai wo kis dil ko pata hai

Jo taar se nikli hai wo dhun sab ne suni hai
Jo saaz pe guzri hai wo kis dil ko pata hai...!!!

Sahir ludhianvi

Sard Jhonkon Se Bhadakte Hai Badan Mein Sholay Jaan Le Le Gee Ye Barsaat Qareeb Aa Jaao

Sard Jhonkon Se Bhadakte Hai Badan Mein Sholay
Jaan Le Le Gee Ye Barsaat Qareeb Aa Jaao

Is Qadar Hum Se Jhijhakne Ki Zaroorat Kyaa Hai
Zindagee Bhar Kaa Hai Ab Saath Qareeb Aa Jaao

Sahir Ludhianvi

Raat sunsaan thee ,bojhal thee fzaa ki saanse Rooh pr chhaye thei benaam ghmon ke saaye

Raat sunsaan thee ,bojhal thee fzaa ki saanse
Rooh pr chhaye thei benaam ghmon ke saaye
Dil ko ye zidd thee ki tu aaye tasalli dene
Meri koshish thee ke kambakht ko neend aa jaaye...!!!
Sahir Ludhiyanvi