Lakh armanon ke ujde huay ghar hain dil mein Ye wo basti hai ke abaad hai veeranon se

لاکھ ارمانوں کے اجڑے ہوئے گھر ہیں دل میں
یہ وہ بستی ہے کہ آباد ہے ویرانوں سے

Lakh armanon ke ujde huay ghar hain dil mein
Ye wo basti hai ke abaad hai veeranon se
اب کوئی دیر میں الفت کا طلبگار نہیں
اٹھ گئی رسم وفا ہائے صنم خانوں سے

Ab koi deer mein ulfat ka talabgar nahi
Uth gaiy rasm e wafa haye sanam khanon se
ہائے کیا چیز ہے کیفیت سوز الفت
کوئی پوچھے یہ ترے سوختہ سامانوں سے

Haye kia cheez hai kaifiyet e soz e ulfat
Koi pooche ye tere sokhta samanon se
پھر بہار آئی جنوں خیز ہوائیں لے کر
پھر بلاوے مجھے آتے ہیں بیابانوں سے

Phir bahar aiy junoon khez hawayen le kar
Phir bulave mujhe atay hain bayabanon se
افسر میرٹھی
Afsar Merthi

Milna tha ittefaq, bichhadna naseeb tha Wo itni door ho gaya jitna qareeb tha

ملنا تھا اتفاق، بچھڑنا نصیب تھا
وہ اتنی دور ہو گیا جتنا قریب تھا

Milna tha ittefaq, bichhadna naseeb tha
Wo itni door ho gaya jitna qareeb tha

 
میں اس کو دیکھنے کو _ ترستی ہی رہ گئی
جس شخص کی ہتھیلی پہ میرا نصیب تھا

Main us ko dekhne ko tarasti hi reh gaiy
Jis shakhs ki hatheli pe mera naseeb tha

 
بستی کے سارے لوگ ہی آتش پرست تھے
گھر جل رہا تھا اور سمندر قریب تھا

Basti ke sare loag hi atish parast thay
Ghar jal raha tha aur samundar qareeb tha

 
دفنا دیا گیا مجھے چاندی کی قبر میں
میں جس کو چاہتی تھی، وہ لڑکا غریب تھا

Dafna dia gaya mujhe chandi ki qabr mein
Main jis ko chahti thi, wo ladka ghareeb tha
انجم رہبر
Anjam Rehbar

Sadiyon ko raaste dikha lamhon ko sazgar kar Dil ko bana chiragh e shab, sooraj ko sharmsar kar

صدیوں کو راستے دکھا لمحوں کو سازگار کر
دل کو بنا چراغِ شب، سورج کو شرمسار کر

شکر، سکوں نصیبِ جاں، صبر، حیات رائیگاں
سوزِ طریق زندگی لمحوں یہ اختیار کر

ان کے بغیر روح کو کیسے ملے کھلی فضا
آگ کو ہم زباں بنا، دریا کو رازدار کر

مل جاؤں راہ میں اگر، یہ بھی ترا نصیب ہے
میں نے یہ تجھ سے کب کہا، تو میرا انتظار کر

یادیں سبھی بھلا چکے نقشِ وفا مٹا چکے
اب تو شکستہ دائرے فکر کے بے حصار کر

ایسا نہ ہو کہ راستے سارا حساب پوچھ لیں
راز ِشکستِ آرزو سب پر نہ آشکار کر

اتریں گی آسمان سے اک دن زمیں پہ راحتیں
دن کو بھی رکھ نگاہ میں، شب پر بھی اعتبار کر
نصیر پرواز

Sadiyon ko raaste dikha lamhon ko sazgar kar
Dil ko bana chiragh e shab, sooraj ko sharmsar kar

Shukr, sukoon naseeb e jan, sabr, hayat e rayegan
Soz e tareeq e zindagi lamhon pe ikhtiyar kar

In ke baghair rooh ko kaise mile khhuli fiza
Aag ko hum zuban bana, dariya ko razdar kar

Mil jaoun raah mein agar, ye bhi tera naseeb hai
Main ne ye tujh se kab kaha, tu mera intizar kar

Yaden sabhi bhula chuke, naqsh e wafa mita chuke
Ab to shikasta daiyre fikr ke be hisar kar

Aisa na ho ke raaste sara hisab pooch len
Raz e shikast e arzu sab par na ashkar ka

Utrengi Aasman Se Ik Din Zameen Peh Rahatein

Din Ko Bhi Rakh Nigaah Mein , Shab Par Bhi Aitbar Kar

Naseer Parwaz

Harchand nahi shauq ko yara e tamasha Khud ko na sahi, mujh ko dikhane ke liye aa

ھر چند نہیں شوق کو یارائے تماشہ
خود کو نہ سہی، مجھ کو دکھانے کے لیے آ

یہ عمر، یہ برسات، یہ بھیگی ہوئی راتیں
ان راتوں کو افسانہ بنانے کے لیے آ

جیسے تجھے آتے ہیں نہ آنے کے بہانے
ایسے ہی بہانے سے نہ جانے کے لیے آ

مانا کہ محبت کا چھپانا ہے محبت
چپکے سے کسی روز جتانے کے لیے آ

تقدیر بھی مجبور ہے تدبیر بھی مجبور
اس کہنہ عقیدے کو مٹانے کے لیے آ

عارض پہ شفق، دامن مژگاں میں ستارے
یوں عشق کی توقیر بڑھانے کے لیے آ

طالبؔ کو یہ کیا علم، کرم ہے کہ ستم ہے
جانے کے لیے روٹھ، منانے کے لیے آ
طالب باغپتی
Harchand nahi shauq ko yara e tamasha
Khud ko na sahi, mujh ko dikhane ke liye aa

Ye umr, ye barsat, ye bheegi hui raten
In raton ko afsana banane ke liye aa

Jaise tujhe atay hain na anay ke bahane
Aise hi bahane se na jane ke liye aa

Mana ke muhabbat ka chhupana hai muhabbat
Chupke se kisi roz jatane ke liye aa

Taqdeer bhi majboor hai, tadbeer bhi majboor
Is kuhna aqeede ko mitane ke liye aa

Araz pe shafaq, daman e muygan mein sitare
Youn ishq ki tauqeer badhane ke liye aa

Talib ko ye kia ilm, karam hai ke sitam hai
Jane ke liye rooth manane ke liye aa
Talib Baghpati

Main samajh raha hoon teri kasak, tera mera dard hai mushtarik Usi gham ka tu bhi aseer hai usi dukh ka main bhi shikar tha

Main samajh raha hoon teri kasak, tera mera dard hai mushtarik
Usi gham ka tu bhi aseer hai usi dukh ka main bhi shikar tha

Faqat aik dhun thi ke rat din usi khwab zaar mein gum rahen
Wo suroor aisa suroor tha wo khumar aisa khumar tha

Kabhi lamha bher ki bhi guftugu meri us ke sath na ho saki
Mujhe fursaten nahi mil sakeen, wo hawa ke rath pe sawar tha

Hum ajeeb tarz ke loag thay ke hamare aur hi roag thay
Main khizan mein us ka tha muntazir, usay intizar e bahar tha

Usay padh ke tum na samajh sake ke meri kitab ke roop mein
Koi qarz tha kaiy sal ka kaiy ratjagon ka udhaar tha
Aitbar Sajid

Chiragh, chaand, shafaq, sham, phool, jheel, saba Churayeen sab ne hi kuch kuch shabahaten teri

چراغ، چاند، شفق، شام، پھول، جھیل، صبا
چرائیں سب نے ہی کچھ کچھ شباہتیں تیری
انجم عرفانی

Chiragh, chaand, shafaq, sham, phool, jheel, saba
Churayeen sab ne hi kuch kuch shabahaten teri
Anjum Irfani

Maqtal e jan se ke zindan se ke ghar se nikle Hum to khushbu ki tarah nikle jidhar se nikle

مقتل جاں سے کہ زنداں سے کہ گھر سے نکلے
ہم تو خوشبو کی طرح نکلے جدھر سے نکلے

گر قیامت یہ نہیں ہے تو قیامت کیا ہے
شہر جلتا رہا اور لوگ نہ گھر سے نکلے

جانے وہ کون سی منزل تھی محبت کی جہاں
میرے آنسو بھی ترے دیدۂ تر سے نکلے

دربدری کا ہمیں طعنہ نہ دے اے چشم غزال
دیکھ وہ خواب کہ جس کے لیے گھر سے نکلے

میرا رہزن ہوا کیا کیا نہ پشیمان کہ جب
اس کے نامے میرے اسباب سفر سے نکلے

بر سر دوش رہے یا سر نیزہ یارب
حق پرستی کا نہ سودا کبھی سر سے نکلے
امید فاضلی

Maqtal e jan se ke zindan se ke ghar se nikle
Hum to khushbu ki tarah nikle jidhar se nikle

Gar qayamat ye nahi hai to qayamat kia hai
Shehr jalta raha aur loag na ghar se nikle

Jane wo kaun si manzil thi muhabbat ki jahan
Mere ansu bhi tere deedah e tar se nikle

Dar badari ka humen tana na de ay chashm e ghazaal
Dekh wo khwab ke jis ke liye ghar se nikle

Mera rehzan hua kia kia na pasheman ke jab
Us ke name mere asbab e safar se nikle

Bar sar e dosh rahe ya sar e neza Ya Rab
Haq parasti ka na sauda kabhi sar se nikle
Umeed Fazli

Meri rooh mein jo uter saken, wo muhabbaten mujhe chahiyen Jo sarab hon, na azab hon wo rafaqaten mujhe chahiyen

مری روح میں جو اتر سکیں وہ محبتیں مجھے چاہئیں
جو سراب ہوں، نہ عذاب ہوں، وہ رفاقتیں مجھے چاہئیں

انہیں ساعتوں کی تلاش ہے جو کیلنڈروں سے اتر گئیں
جو سمے کے ساتھ گزر گئیں، وہی فرصتیں مجھے چاہئیں

کہیں مل سکیں تو سمیٹ لا مرے روز و شب کی کہانیاں
جو غبار وقت میں چھپ گئیں وہ حکایتیں مجھے چاہئیں

جو مری شبوں کے چراغ تھے، جو مری امید کے باغ تھے
وہی لوگ ہیں مری آرزو وہی صورتیں مجھے چاہئیں
اعتبار ساجدؔ

Meri rooh mein jo uter saken, wo muhabbaten mujhe chahiyen
Jo sarab hon, na azab hon wo rafaqaten mujhe chahiyen

Unhi sa’aton ki talash hai jo calendaron se uter gayeen
Jo samai ke sath guzar gayeen, wohi fursarten mujhe chahiyen

Kahin mil saken to samet la mere roz o shab ki kahaniyan
Jo ghubar e waqt mein chhup gayeen, wo hokayeten mujhe chahiyen

Jo meri shabon ke chiragh thay, jo meri umeed ke bagh thay
Wohi loag hain meri arzu wohi sooraten mujhe chahiyen
Aitbar Sajid

Tu qareeb aye to qurbat ka youn izhar karoon Aiyna samne rakh kar tera deedar karoon

تو قریب آئے تو قربت کا یوں اظہار کروں
آئینہ سامنے رکھ کرترا دیدار کروں

سامنے تیرے کروں ہار کا اپنی اعلان
اور اکیلے میں تری جیت سے انکار کروں

پہلے سوچوں اسے پھر اس کی بناؤں تصویر
اور پھر اس میں ہی پیدا در و دیوار کروں

مرے قبضے میں نہ مٹی ہے، نہ بادل، نہ ہوا
پھر بھی چاہت ہے کہ ہر شاخ ثمربار کروں

صبح ہوتے ہی ابھر آتی ہے سالم ہو کر
وہی دیوار جسے روز میں مسمار کروں
ندا فاضلی

Tu qareeb aye to qurbat ka youn izhar karoon
Aiyna samne rakh kar tera deedar karoon

Samne tere karoon haar ka apni elan
Aur akele mein teri jeet se inkar karoon

Pehle sochoon usay phir us ki banaoun tasveer
Aur phir us mein hi paida dar o deevar karoon

Mere qabze mein na mitti hai, na baadal na hawa
Phir bhi chahat hai ke har shakh samar baar karoon

Subh hote hi ubher ati hai salim ho kar
Wohi deevar jise roz main mismar karoon
Nida Fazli

Rangeeni e hawis ka wafa naam rakh dia Khud-daari e wafa ka jafa naam rakh dia

رنگینئ ہوس کا وفا نام رکھ دیا
خوددارئ وفا کا جفا نام رکھ دیا

بے مہرئ حبیب کا مشکل تھا اعتراف
یاروں نے اس کا ناز و ادا نام رکھ دیا

یہ روح کیا ہے، جسم کا عکس لطیف ہے
یہ اور بات ہے کہ جدا نام رکھ دیا
گوپال متل

Rangeeni e hawis ka wafa naam rakh dia
Khud-daari e wafa ka jafa naam rakh dia

Bemohri e habib ka mushkil tha etiraf
Yaron ne us ka naz o ada naam rakh dia

Ye rooh kia hai, jism ka aks e lateef hai
Ye aur bat hai ke juda naam rakh dia
Gopal Mital

Dekho to khudkushi hai, jo samjho to hai wisal Dariya jo aik chal ke samundar se ja mila

دیکھو تو خودکشی ہے، جو سمجھو تو ہے وصال
دریا جو ایک چل کے سمندر سے جا ملا

اس بار اس کے ملنے کا انداز تھا جدا
چہرہ وہی تھا آدمی بالکل نیا ملا

فریاد خون دل کی عدالت نے کب سنی
ان کو سزا ملی نہ ہمیں خوں بہا ملا

کیوں ضد ہے اے صداؔ تجھے اس کی تلاش کی
اب تک کسی کو جس کا نہیں نقش پا ملا
صداؔ انبالوی

Dekho to khudkushi hai, jo samjho to hai wisal
Dariya jo aik chal ke samundar se ja mila

Is baar us ke milne ka andaz tha juda
Chehre wohi tha, admi bilkul naya mila

Fariyad khoon e dil ki adalat ne kab suni
Un ko sara mili, na humen khoon baha mila

Kyun zid hai Ay Sadaa tujhe us ki talash ki
Ab tak kisi ko jis ka nahi naqsh e pa mila
Sadaa Ambalvi

Mere waste jahan mein koi dilkashi nahi hai Ke tere baghair jeena koi zindagi nahi hai

مرے واسطے جہاں میں کوئی دلکشی نہیں ہے
کہ ترے بغیر جینا کوئی زندگی نہیں ہے

تری ذات کے علاوہ مجھے اور چاہیے کیا
تو اگر ہے ساتھ میرے، مجھے کچھ کمی نہیں ہے

وہ نظر نظر نہیں ہے نہ ہو جس میں عکس تیرا
کوئی دل ہے وہ بھی جس میں غم عاشقی نہیں ہے

کوئی واسطہ نہیں ہے جسے درد دیگراں سے
وہ ہے آدمی کا پیکر مگر آدمی نہیں ہے

مرے دل کے داغ، تو ہی ذرا اور لو بڑھا دے
شب غم ہے تیرہ تیرہ کہیں روشنی نہیں ہے

مری بات سن کے اخترؔ سنی ان سنی نہ کر دو
یہ حدیث جان و دل ہے، نری شاعری نہیں ہے
اختر مسلمی

Mere waste jahan mein koi dilkashi nahi hai
Ke tere baghair jeena koi zindagi nahi hai

Teri zat ke ilawa mujhe aur chahiye kia
Tu agar hai sath mere, mujhe kuch kami nahi hai

Wo nazar nazar nahi hai, na ho jis mein aks tera
Koi dil hai wo bhi jis mein gham e ashiqi nahi hai

Koi wasta nahi hai jise dard e deegran se
Wo hai admi ka paiker magar admi nahi hai

Mere dil ke dagh tu hi zara aur lau badha de
Shab e gham hai teera teera, kahin raushni nahi hai

Meri bat sun ke Akhter suni an suni na kar do
Ye hadees e dilbaran hai niri sha’iri nahi hai
Akhtar Muslimi

Dil pe mushkil hai bohat dil ki kahani likhna Jaise behte huay pani pe ho pani likhna

دل پہ مشکل ہے بہت دل کی کہانی لکھنا
جیسے بہتے ہوئے پانی پہ ہو پانی لکھنا

کوئی الجھن ہی رہی ہو گی جو وہ بھول گیا
میرے حصے میں کوئی شام سہانی لکھنا

آتے جاتے ہوئے موسم سے الگ رہ کے ذرا
اب کے خط میں تو کوئی بات پرانی لکھنا

کچھ بھی لکھنے کا ہنر تجھ کو اگر مل جائے
عشق کو اشکوں کے دریا کی روانی لکھنا

اس اشارے کو وہ سمجھا تو مگر مدت بعد
اپنے ہر خط میں اسے رات کی رانی لکھنا
کنور بے چین

Dil pe mushkil hai bohat dil ki kahani likhna
Jaise behte huay pani pe ho pani likhna

Koi uljhan hi rahi ho gi jo wo bhool gaya
Mere hisse mein koi sham suhani likhna

Atay jate huay mausam se alag reh ke zara
Ab ke khat mein to koi bat purani likhna

Kuch bhi likhne ka hunar tujh ko agar mil jaye
Ishq ko ashkon ke dariya ki ravani likhna

Is ishare ko wo samjha to magar muddat baad
Apne har khat mein usay rat ki rani likhna
Kunwar Bechain

Zindagi ki har kahani be asar ho jaye gi Hum na hon ge to ye duniya dar ba dar ho jaye gi

زندگی کی ہر کہانی بے اثر ہو جائے گی
ہم نہ ہوں گے تو یہ دنیا در بدر ہو جائے گی

پاؤں پتھر کر کے چھوڑے گی، اگر رک جائیے
چلتے رہیے تو زمیں بھی ہمسفر ہو جائے گی

جگنوؤں کو ساتھ لے کر رات روشن کیجیے
راستہ سورج کا دیکھا تو سحر ہو جائے گی

زندگی بھی کاش میرے ساتھ رہتی عمر بھر
خیر اب جیسے بھی ہونی ہے، بسر ہو جائے گی

تم نے خود ہی سر چڑھائی تھی سو اب چکھو مزہ
میں نہ کہتا تھا کہ دنیا درد سر ہو جائے گی

تلخیاں بھی لازمی ہیں زندگی کے واسطے
اتنا میٹھا بن کے مت رہیے، شکر ہو جائے گی
راحت اندوری

Zindagi ki har kahani be asar ho jaye gi
Hum na hon ge to ye duniya dar ba dar ho jaye gi

Pa’on patthar kar ke chhode gi agar ruk jaiye
Chalte rahiye to zameen bhi humasafar ho jaye gi

Jugnuon ko sath le kar rat raushan kijiye
Raasta sooraj ka dekha to sehr ho jaye gi

Zindagi bhi kaash mere sath rehti umr bher
Khair ab jaise bhi honi hai, basar ho jaye gi

Tum ne khud hi sar chadhaiy thi so ab chakkho maza
Main na kehta tha ke duniya dard e sar ho jaye gi

Talkhiyan bhi lazmi hain zindagi ke waste
Itna meetha ban ke mat rahiye, shakar ho jaye gi
Rahat Indori

Sahira ki ankh se na tamasha kare koi Ho dekhna to deedah e dil va kare koi

ظاہر کی آنکھ سے نہ تماشہ کرے کوئی
ہو دیکھنا تو دیدۂ دل وا کرے کوئی

منصُور کو ہُوا لبِ گویا پیامِ موت
اب کیا کسی کے عشق کا دعویٰ کرے کوئی

ہو دید کا جو شوق تو آنکھوں کو بند کر
ہے دیکھنا یہی کہ نہ دیکھا کرے کوئی

میں انتہائے عشق ہوں، تُو انتہائے حُسن
دیکھے مجھے کہ تجھ کو تماشا کرے کوئی

عذر آفرینِ جرمِ محبّت ہے حُسنِ دوست
محشر میں عذرِ تازہ نہ پیدا کرے کوئی

چھُپتی نہیں ہے یہ نگہِ شوق ہمنشیں
پھر اور کس طرح اُنھیں دیکھا کرے کوئی

اَڑ بیٹھے کیا سمجھ کے بھلا طُور پر کلیم
طاقت ہو دید کی تو تقاضہ کرے کوئی

نظّارے کو یہ جُنبشِ مژگاں بھی بار ہے
نرگس کی آنکھ سے تجھے دیکھا کرے کوئی
علامہ محمد اقبال

Sahira ki ankh se na tamasha kare koi
Ho dekhna to deedah e dil va kare koi

Masnsoor ko hua lab e goya payam e maut
Ab kia kisi ke ishq ka dawa kare koi

Ho deed ka jo shauq to ankhon ko band kar
Hai dekhna yehi ke na dekha kare koi

Main intiha e ishq hoon tu intiha e husn
Dekhe mujhe ke tujh ko tamasha kare koi

Uzr afreen e jurm e muhabbat hai mere dost
Mehshar mein uzr e taza na paida kare koi

Chhupti nahi hai ye nigh e shauq humnasheen
Phir aur kis tarah unhen dekha kare koi

Ad baithe kia samajh ke bhalaa Toor par Kaleem
Taqat ho deed ki to taqaza kare koi

Nazare ko ye jumbish e muygan bhi baar hai
Nargis ki ankh se tujhe dekha kare koi
Allama Muhammad Iqbal

Hai Hum-Safar Azeez Mujhe , Hum-Safar Ko Main Manzil Hi Kion Na Samjhon Phir Is Rahguzar Ko Main?

ہے ہمسفر عزیز مُجھے، ہمسفر کو مَیں
منزل ہی کیوں نہ سمجھوں پھر اِس رہگزر کو مَیں ؟
کر لی ہیں بند اِس لیے آنکھیں بچھڑتے وقت
ہمت نہیں کہ دیکھوں تری چشمِ تر کو مَیں
دنیا سمجھ رہی ہے مِرے زخم کو گلاب
کیسے نہ داد دُوں ترے دستِ ہُنر کو مَیں ؟
راہیں مِری ہزار ہیں، منزل ہے صرف ایک
تم تک پہنچتا ہوں بھلے جاؤں جدھر کو مَیں
رکھتا ہُوں چُپکے چُپکے تری آنکھ پر نگاہ
تکتا ہُوں دُور بیٹھ کے تیری نظر کو مَیں
دنیا کی میرے ذہن میں آمد ہی بند ہے
رکھتا ہوں سر سے دُور ہی اس  دردِ سر کو مَیں
جانے گا یُوں کہ پھر نہ مجھے بھول پائے گا
ایسی خبر سناؤں گا اُس بے خبر کو میں
پھرتا رہا مَیں خوفزدہ ایک عُمر تک
پھر ایک دن ڈرانے لگا اپنے ڈر کو مَیں
گرہیں لگا رہا ہُوں مَیں اشکوں کے تار سے
یُوں شامِ غم سے جوڑ رہا ہُوں سَحَر کو مَیں
فارس مِرے جنُوں کو سمجھتا نہیں کوئی
لاؤں کہاں سے غالبِ آشفتہ سر کو مَیں
رحمان فارس

Sara Kuch Tou Paish Nazar Hai Jago Bhi Phir Se Naya Dar-Paish Safar Hai Jago Bhi

سارا  کچھ تو پیش نظر ہے جاگو بھی
پھر سے نیا درپیش سفر ہے جاگو بھی
تھکن ضرورہے لیکن حوصلہ مت ہارو
سنتے ہیں نزدیک سحر ہے جاگو بھی
دشمن اب بھی گھات لگائے بیٹھا ہے
"گلشن پہ بجلی کی نظر ہے جاگو بھی "
عادل ظلم کے فتوے دیتا  پھرتا ہے
رہزن  بن بیٹھا رہبر  ہے جاگو بھی
جانے کیسا خوف دلوں میں اترا ہے
سہما ہوا ہر ایک بشر ہے جاگو بھی
ارزاں ہے انسان کی عظمت کیا کیجئے
ہر کوئی تو طالبِ زر ہے جاگو بھی
از قلم موعظہ ہاشم

Az Qalam Moiza Hasham

Ay Khuda, shama e muhabbat ko firozan kar de Dagh e dil ko mere sad rashk e gulistan kar de

اے خدا شمع محبت کو فروزاں کر دے
داغ دل کو مرے صد رشک گلستاں کر دے

جن کی راحت کو ہے خاموشئ ساحل کی تلاش
ان کی ہمت کو پھر آوارۂ طوفاں کر دے

جن کا دل ڈھونڈھتا ہے گوشۂ خلوت کا سکوں
صورت نکہت گل ان کو پریشاں کر دے

دور افتادۂ منزل کو وہ ہمت مل جائے
جو ہر اک مرحلۂ شوق کو آساں کر دے
ظفر احمد صدیقی

Ay Khuda, shama e muhabbat ko firozan kar de
Dagh e dil ko mere sad rashk e gulistan kar de

Jin ki rahat ko hai khamoshi e sahil ki talash
Un ki himmat ko phir awara e toofan kar de

Jin ka dil dhoondta hai gosha e khilvat ka sukoon
Soorat e nikhat e gul un ko pareshan kar de

Door uftada e manzil ko wo himmat mil jaye
Jo har ek marhala e shauq ko asan kar de
Zafar Ahmed Siddiqui

Ay mere ladle ay naz ke paale huay dil Tu ne kis ku e malamat se guzara hai mujhe

اے مرے لاڈلے، اے ناز کے پالے ہوئے دل
تو نے کس کوئے ملامت سے گزارا ہے مجھے

میں تو اب جیسے بھی گزرے گی، گزاروں گا یہاں
تم کہاں جاؤ گے دھڑکا تو تمہارا ہے مجھے
فیض احمد فیض

Ay mere ladle ay naz ke paale huay dil
Tu ne kis ku e malamat se guzara hai mujhe

Main to ab jaise bhi guzre gi, guzaroon ga yahan
Tum kahan jao ge, dhadka to tumhara hai mujhe
Faiz Ahmed Faiz

Na hara hai ishq aur na duniya thaki hai Diya jal raha hai hawa chal rahi hai

نہ ہارا ہے عشق اور نہ دنیا تھکی ہے
دیا جل رہا ہے ہوا چل رہی ہے

سکوں ہی سکوں ہے، خوشی ہی خوشی ہے
ترا غم سلامت مجھے کیا کمی ہے

وہ موجود ہیں اور ان کی کمی ہے
محبت بھی تنہائی دائمی ہے

چراغوں کے بدلے مکاں جل رہے ہیں
نیا ہے زمانہ نئی روشنی ہے

ارے او جفاؤں پہ چپ رہنے والو
خموشی جفاؤں کی تائید بھی ہے

مرے راہبر مجھ کو گمراہ کر دے
سنا ہے کہ منزل قریب آ گئی ہے
خمارؔ بارہ بنکوی

Na hara hai ishq aur na duniya thaki hai
Diya jal raha hai hawa chal rahi hai

Sukoon hi sukoon hai, khushi hi khushi hai
Tera gham salamat mujhe kia kami hai

Wo maujood hain aur un ki kami hai
Muhabbat bhi tanhaiy daiymi hai

Chiraghon ke badle makan jal rahe hain
Naya hai zamana naiy raushni hai

Aray o jafaon pe chup rehne walo
Khamoshi jafaon ki tayeed bhi hai

Mere rahbar mujh ko gumrah kar de
Suna hai ke manzil qareeb aa gaiy hai
Khumar Barah Bankvi

Za haal e miskeen, makun ba ranjish, ba haal e hijran hamara dil hai Sunaiy deti hai jis ki dhadkan hmaara dil ya tumhara dil hai

زحالِ مسکیں، مکن برنجشُ بحال ہجراں بیچارہ دل ہے
سُنائی دیتی ہے جس کی دھڑکن، تمھارا دل یا ہمارا دل ہے

وہ آکے پہلو میں ایسے بیٹھے کہ شام رنگین ہو گئی ہے
ذرا ذرا سی کھلی طبیعت، ذرا سی غمگین ہو گئی ہے

کبھی کبھی شام ایسے ڈھلتی ہے جیسے گھونگھٹ اُتر رہا ہے
تمھارے سینے سے اُٹھتا دھواں ہمارے دل سے گزر رہا ہے

یہ شرم ہے یا حیا ہے، کیا ہے، نظر اُٹھاتے ہی جُھک گئی ہے
تمھاری پلکوں پہ گر کے شبنم ہماری آنکھوں میں رُک گئی ہے
گلزار

Za haal e miskeen, makun ba ranjish, ba haal e hijran hamara dil hai
Sunaiy deti hai jis ki dhadkan hmaara dil ya tumhara dil hai

Wo aa ke pehlu mein aise baithe ke sham rangeen ho gaiy hai
Zara zara si khhili tabiyat zara si ghamgeen ho gaiy hai

Kabhi kabhi sham aise dhalti hai jaise ghoonghat uter raha hai
Tumhare seene se uthta dhuwan hamare dil se guzar raha hai

Ye sharm hai ya haya hai, kia hai nazar uthate hi jhuk gaiy hai
Tumhari palkon pe gir ke shabnam hamari ankhon mein ruk gaiy hai
Gulzar

Mere khuloos ki shiddat se koi dar bhi gaya Wo paas aa to raha tha magar thehr bhi gaya

مرے خلوص کی شدت سے کوئی ڈر بھی گیا
وہ پاس آ تو رہا تھا مگر ٹھہر بھی گیا

یہ دیکھنا تھا بچانے بھی کوئی آتا ہے
اگر میں ڈوب رہا تھا تو خود ابھر بھی گیا

اے راستے کے درختو سمیٹ لو سایہ
تمہارے جال سے بچ کر کوئی گزر بھی گیا

کسی طرح سے تمہاری جبیں چمک تو گئی
یہ اور بات، سیاہی میں ہاتھ بھر بھی گیا

یہیں کہیں مرے ہونٹوں کے پاس پھرتا ہے
وہ ایک لفظ کہ جو ذہن سے اتر بھی گیا

وہ شاخ جھول گئی جس پہ پاؤں قائم تھے
شکیبؔ ورنہ مرا ہاتھ تا ثمر بھی گیا
شکیبؔ جلالی

Mere khuloos ki shiddat se koi dar bhi gaya
Wo paas aa to raha tha magar thehr bhi gaya

Ye dekhna tha bachane bhi koi ata hai
Agar main doob raha tha to khud ubher bhi gaya

Ay raaste ke darakhto samet lo saya
Tumhare jaal se bach kar koi guzar bhi gaya

Kisi tarah se tumhari jabeen chamak to gaiy
Ye aur bat _ siyahi mein hath bher bhi gaya

Yahin kahin mere honton ke paas phirta hai
Wo aik lafz ke jo zehn se uter bhi gaya

Wo shakh jhool gaiy jis pe pa’on qa’im thay
SHAKEEB warna mera hath ya samar bhi gaya
Shakaib Jalali

Sukoot e sham e khizan hai, qareeb aa jao Bada udas samaan hai qareeb aa jao

سکوت شام خزاں ہے، قریب آ جاؤ
بڑا اداس سماں ہے قریب آ جاؤ

نہ تم کو خود پہ بھروسہ، نہ ہم کو زعم وفا
نہ اعتبار جہاں ہے قریب آ جاؤ

رہ طلب میں کسی کو کسی کا دھیان نہیں
ہجوم ہمسفراں ہے قریب آ جاؤ

جو دشت عشق میں بچھڑے، وہ عمر بھر نہ ملے
یہاں دھواں ہی دھواں ہے قریب آ جاؤ

فرازؔ دور کے سورج غروب سمجھے گئے
یہ دور کم نظراں ہے قریب آ جاؤ
احمد فرازؔ

Sukoot e sham e khizan hai, qareeb aa jao
Bada udas samaan hai qareeb aa jao

Na tum ko khud pe bharosa, na hum ko zoam e wafa
Na aitbar e jahan hai qareeb aa jao

Reh e talab mein kisi ko kisi ka dhiyan nahi
Hujoom e humsafaran hI qareeb aa jao

Jo dasht e ishq mein bichhde, wo umr bhar na mile
Yahan dhuwan hi dhuwan hai qareeb aa jao

Faraz door ke sooraj ghuroob samjhe gaye
Ye daur e kam nazaran hai qareeb aa jao
Ahmed Faraz

Ye mere jazb e muhabbat ki pazeeraiy hai Wo bhi kehne lage, deevana hai, saudaiy hai

یہ مرے جذب محبت کی پذیرائی ہے
وہ بھی کہنے لگے، دیوانہ ہے، سودائی ہے

ہر طرف تو ہے، تری یاد ہے، آہٹ تیری
تیری محفل سے تو اچھی مری تنہائی ہے

اس سے بہتر ہے کہ تجدید محبت کر لے
بیوفا بن کے بھی رہنا تری رسوائی ہے

شیشہ‌ٔ جسم ہوا جاتا ہے ٹکڑے ٹکڑے
یہ قیامت ہے کہ ظالم تری انگڑائی ہے

ایسا بدلا ہے زمانہ کہ الٰہی توبہ
جو تماشہ تھا، وہی آج تماشائی ہے

مطمئن ہوں میں عمرؔ شیشے کے گھر میں رہ کر
پتھروں سے مری صدیوں کی شناسائی ہے
عمر قریشی

Ye mere jazb e muhabbat ki pazeeraiy hai
Wo bhi kehne lage, deevana hai, saudaiy hai

Har taraf tu hai, teri yad hai, ahat teri
Teri mehfil se to achi meri tanhaiy hai

Is se behtar hai ke tajdeed e muhabbat kar le
Bewafa ban ke bhi rehna teri rusvaiy hai

Sheesha e jism hua jata hai tukde tukde
Ye qayamat hai ke zalim teri angdaiy hai

Aisa badla hai zamana ke Elahi tauba
Jo tamasha tha, wohi aj tamashaiy hai

Mutma’in hoon main Umar sheeshe ke ghar mein reh kar
Pattharon se meri sadiyon ki shanasaiy hai
Umar Quraishi

Mayar apna hum ne giraya nahi kabhi Jo gir gaya nazar se, wo bhaya nahi kabhi

معیار اپنا ہم نے گرایا نہیں کبھی
جو گر گیا نظر سے، وہ بھایا نہیں کبھی

ہم آشنا تھے موجوں کے برہم مزاج سے
پانی پہ کوئی نقش بنایا نہیں کبھی

حرص و ہوس کو ہم نے بنایا نہیں شعار
اور اپنا اعتبار گنوایا نہیں کبھی

اک بار اس کی آنکھوں میں دیکھی تھی بے رخی
پھر اس کے بعد یاد وہ آیا نہیں کبھی

تنہائیوں کا راج ہے دل میں تمھارے بعد
ہم نے کسی کو اس میں بسایا نہیں کبھی

تسنیمؔ جی رہے ہیں بڑے حوصلے کے ساتھ
ناکامیوں پہ شور مچایا نہیں کبھی
تسنیمؔ کوثر

Mayar apna hum ne giraya nahi kabhi
Jo gir gaya nazar se, wo bhaya nahi kabhi

Hum ashna thay maujon ke barham mizaj se
Pani pe koi naqsh banaya nahi kabhi

Hirs o hawis ko hum ne banaya nahi sha’ar
Aur apna aitbar ganwaya nahi kabhi

Ek baar us ki ankhon mein dekhi thi berukhi
Phir us ke baad yad wo aya nahi kabhi

Tanhaiyon ka raj hai dil mein tumhare baad
Hum ne kisi ko is mein basaya nahi _ kabhi

Tasneen ji rahe hain bade hausle ke sath
Nakamiyon pe shor machaya nahi kabhi
Tasneem Kausar

Rahe gi dastan baqi hai jab tak ye jahan baqi Kahin baqi hain qissa go, kahin hain razdan baqi

رہے گی داستاں باقی، ہے جب تک یہ جہاں باقی
کہیں باقی ہیں قصہ گو کہیں ہیں رازداں باقی

فریب وعدۂ فردا بہت ہی عارضی شے ہے
رہیں گے عمر بھر اس دل پہ چوٹوں کے نشاں باقی

گلہ تو کر نہ اپنی آبلہ پائی کا __ رو رو کر
ہزاروں راستے باقی، ہزاروں کارواں باقی

ابھی سے اس طرح ہانیؔ نہ بیٹھو مطمئن ہو کر
ابھی تو اور بھی دشوار تر ہیں امتحاں باقی
رخسانہ نکہت لاری ام ہانی

Rahe gi dastan baqi hai jab tak ye jahan baqi
Kahin baqi hain qissa go, kahin hain razdan baqi

Fareb e wada e farda bohat hi aarzi shai hai
Rahen ge umr bhar is dil pe choaton ke nishan baqi

Gila to kar na apni abla paiy ka ro ro kar
Hazaron raaste baqi, hazaron karavan baqi

Abhi se is tarah Hani na baitho mutma’in ho kar
Abhi to aur bhi dushwar tar hain imtihan baqi
Rukhsana Nikhat Lari Umme Hani

Hairaton Ke Silsily Soz Nihan Tak Aa Gaye Hum Nazar Tak Chahty Thay , Tum Tou Jaan Tak Aa Gaye

حیرتوں کے سلسلے سوز نہاں تک آ گئے
ہم نظر تک چاہتے تھے، تم تو جاں تک آ گئے

ان کی پلکوں پر ستارے، اپنے ہونٹوں پہ ہنسی
قصۂ غم کہتے کہتے ہم کہاں تک آ گئے

زلف میں خوشبو نہ تھی یا رنگ عارض میں نہ تھا
آپ کس کی آرزو میں گلستاں تک آ گئے

رفتہ رفتہ رنگ لایا جذبۂ خاموش عشق
وہ تغافل کرتے کرتے امتحاں تک آ گئے

خود تمہیں چاک گریباں کا شعور آ جائے گا
تم وہاں تک آ تو جاؤ ہم جہاں تک آ گئے

آج قابلؔ میکدے میں انقلاب آنے کو ہے
اہل دل اندیشۂ سود و زیاں تک آ گئے
قابلؔ اجمیری

Hamari sanson mein aj tak wo hina ki khushbu mehak rahi hai Labon pe naghme machal rahe hain, nazar se masti chhalak rahi hai

ہماری سانسوں میں آج تک وہ حِنا کی خوشبُو مہک رہی ہے
لَبوں پہ نَغمے مَچَل رہے ہیں، نَظَر سے مَستی چَھلَک رہی ہے

کبھی جو تھے پیار کی ضمانَت وہ ہاتھ ہیں غیر کی امانَت
جو قَسمیں کھاتے تھے چاہتوں کی، اُنھی کی نِیَت بہک رہی ہے

کِسی سے کوئی گِلہ نہیں ہے، نصیِب ہی میں وفا نہیں ہے
جہاں کہِیں تھا حِنا کو کِھلنا حِنا وہِیں پہ مہک رہی ہے

وہ جِن کی خاطِر غَزَل کہی تھی وہ جِن کی خاطِر لِکھے تھے نغمے
اُنہِیں کے آگے سوال بن کے غَزَل کی جھانجَر چَھنَک رہی ہے

وہ میرے نزدِیک آتے آتے حیا سے اِک دِن سِمَٹ گئے تھے
میرے خیالوں میں _ آج تک وہ بدن کی ڈالی لَچَک رہی ہے

صدا جو دِل سے نِکل رہی ہے، وہ شعر و نغموں میں ڈھل رہی ہے
کہ دِل کے آنگَن میں جیسے کوئی غَزَل کی جھانجر چَھنَک رہی ہے

تڑَپ میرے بیقرار دِل کی کبھی تو اُن پہ اثر کرے گی
کبھی تو وہ بھی جلیں گے اِس میں جو آگ دِل میں دہَک رہی ہے
تسلیم فاضلی

Hamari sanson mein aj tak wo hina ki khushbu mehak rahi hai
Labon pe naghme machal rahe hain, nazar se masti chhalak rahi hai

Kabhi jo thay pyar ki zamanat wo hath hain ghair ki amanat
Jo qasmen khhate thay chahaton ki, unhi ki niyet behek rahi hai

Kisi se koi gila nahi hai naseeb hi mein wafa nahi hai
Jahan kahin tha hina ko khhilna, hina wahin pe mehak rahi hai

Wo jin ki khatir ghazal kahi thi, wo jin ki khatir likhhe thay naghme
Unhi ke agay sawal ban ke ghazal ki jhanjar chhanak rahi hai

Wo mere nazdeek atay atay haya se ek din simat gaye thay
Mere khayalon mein aj tak wo badan ki daali lachak rahi hai

Sadaa jo dil se nikal rahi hai, wo sher o naghmon mein dhal rahi hai
Ke dil ke angan mein jaise koi ghazal ki jhanjar chhanak rahi hai

Tadap mere beqarar dil ki kabhi to un pe asar kare gi
Kabhi to wo bhi jalen ge is mein jo aag dil mein dehek rahi hai
Tasleem Fazli

Aik aiyna rubaru hai abhi Us ki khushbu se guftugu hai abhi

ایک آئینہ روبرو ہے ابھی
اس کی خوشبو سے گفتگو ہے ابھی

وہی خانہ بدوش امیدیں
وہی بے صبر دل کی خو ہے ابھی

دل کے گنجان راستوں پہ کہیں
تیری آواز اور تو ہے ابھی

زندگی کی طرح خراج طلب
کوئی درماندہ آرزو ہے ابھی

بولتے ہیں دلوں کے سناٹے
شور سا یہ جو چار سو ہے ابھی

زرد پتوں کو لے گئی ہے ہوا
شاخ میں شدت نمو ہے ابھی

ورنہ انسان مر گیا ہوتا
کوئی بے نام جستجو ہے ابھی

ہمسفر بھی ہیں، رہگزر بھی ہے
یہ مسافر ہی کو بہ کو ہے ابھی
ادا جعفری

Aik aiyna rubaru hai abhi
Us ki khushbu se guftugu hai abhi

Wohi khana badosh umeeden
Wohi be sabr dil ki khu hai abhi

Dil ke gunjan raaston pe kahin
Teri awaz aur tu hai abhi

Zindagi ki tarah khiraj talab
Koi darmandah arzu hai abhi

Bolte hain dilon ke sannate
Shor sa ye jo char su hai abhi

Zard patton ko le gaiy hai hawa
Shakh mein shiddat e namu hai abhi

Warna insan mar gaya hota
Koi be naam justuju hai abhi

Humsafar bhi hain, rehguzar bhi hai
Ye musafir hi ku ba ku hai abhi
Ada Jaffery

Ap kamzor kisi shai ko na hargiz samjhen Aik shola bhi nasheman ko jalaa sakta hai

آپ کمزور کسی شے کو نہ ہرگزسمجھیں
ایک شعلہ بھی نشیمن کو جلاسکتا ہے
ریحانہ بیگم

Ap kamzor kisi shai ko na hargiz samjhen
Aik shola bhi nasheman ko jalaa sakta hai
Rehana Begum

Chehre pe khushi chha jati hai, ankhon mein suroor aa jata hai Jab tum mujhe apna kehte ho apne pe ghuroor aa jata hai

چہرے پہ خوشی چھا جاتی ہے، آنکھوں میں سرور آ جاتا ہے
جب تم مجھے اپنا کہتے ہو اپنے پہ غرور آ جاتا ہے

تم حسن کی خود اک دنیا ہو، شاید یہ تمہیں معلوم نہیں
محفل میں تمہارے آنے سے ہر چیز پہ نور آ جاتا ہے

ہم پاس سے تم کو کیا دیکھیں، تم جب بھی مقابل ہوتے ہو
بیتاب نگاہوں کے آگے پردہ سا ضرور آ جاتا ہے

جب تم سے محبت کی ہم نے تب جا کے کہیں یہ راز کھلا
مرنے کا سلیقہ آتے ہی جینے کا شعور آ جاتا ہے
ساحر لدھیانوی

Chehre pe khushi chha jati hai, ankhon mein suroor aa jata hai
Jab tum mujhe apna kehte ho apne pe ghuroor aa jata hai

Tum husn ki khud ek duniya ho, shayed ye tumhen maloom nahi
Mehfil mein tumhare anay se har cheez pe noor aa jata hai

Hum paas se tum ko kia dekhen, tum jab bhi muqabil hote ho
Betab nigahon ke agay pardah sa zarur aa jata hai

Jab tum se muhabbat ki hum ne tab ja ke kahin ye raz khhula
Marne ka saleeqa atay hi jeene ka sha’ur aa jata hai
Sahir Ludhianvi

Sirf khanjar hi nahi ankhon mein pani chahiye Ay Khuda, dushman bhi mujh ko khandani chahiye

صرف خنجر ہی نہیں، آنکھوں میں پانی چاہیے
اے خدا دشمن بھی مجھ کو خاندانی چاہیے

شہر کی ساری الف لیلائیں بوڑھی ہو چکیں
شاہزادے کو کوئی تازہ کہانی چاہیے

میں نے اے سورج، تجھے پوجا نہیں، سمجھا تو ہے
میرے حصے میں بھی تھوڑی دھوپ آنی چاہیے

میری قیمت کون دے سکتا ہے اس بازار میں
تم زلیخا ہو تمہیں قیمت لگانی چاہیے

زندگی ہے اک سفر اور زندگی کی راہ میں
زندگی بھی آئے تو ٹھوکر لگانی چاہیے

میں نے اپنی خشک آنکھوں سے لہو چھلکا دیا
اک سمندر کہہ رہا تھا مجھ کو پانی چاہیے
راحت اندوری

Sirf khanjar hi nahi ankhon mein pani chahiye
Ay Khuda, dushman bhi mujh ko khandani chahiye

Shehr ki sari alif lailayen boodhi ho chukeen
Shahzade ko koi taza kahani chahiye

Main ne ay sooraj, tujhe pooja nahi, samjha to hai
Mere hisse mein bhi thodi dhoop ani chahiye

Meri qeemat kaun de sakta hai is bazar mein
Tum Zulaikha ho, tumhen qeemat lagani chahiye

Zindagi hai ek safar aur zindagi ki raah mein
Zindagi bhi aye to thoker lagani chahiye

Main ne apni khushk ankhon se lahu tapka dia
Ek samundar keh raha tha, mujh ko pani chahiye
Rahat Indori

Koi fitna ta qayamat na phir ashkar hota Tere dil pe kaash zalim mujhe ikhtiyar hota

کوئی فتنہ تا قیامت نہ پھر آشکار ہوتا
ترے دل پہ کاش ظالم مجھے اختیار ہوتا
مرزا داغ دہلوی

Koi fitna ta qayamat na phir ashkar hota
Tere dil pe kaash zalim mujhe ikhtiyar hota
Mirza Dagh Dehlvi

Kaun sa wo zakhm e dil tha jo tar o taza na tha Zindagi mein itne gham thay jin ka andaza na tha

کون سا وہ زخم دل تھا جو تر و تازہ نہ تھا
زندگی میں اتنے غم تھے جن کا اندازہ نہ تھا

دور کر دے گا زمانے سے مجھے میرا خلوص
مجھ کو اپنی اس صلاحیت کا اندازہ نہ تھا

Kaun sa wo zakhm e dil tha jo tar o taza na tha
Zindagi mein itne gham thay jin ka andaza na tha

Door kar de ga zamane se mujhe mera khuloos
Mujh ko apni is salahiyet ka andaza na tha

Ajab bahar dikhhaiy lahu ke cheenton ne Khizan ka rang bhi rang e bahar jaisa tha

عجب بہار دکھائی لہو کے چھینٹوں نے
خزاں کا رنگ بھی رنگ بہار جیسا تھا

Ajab bahar dikhhaiy lahu ke cheenton ne
Khizan ka rang bhi rang e bahar jaisa tha

Bab e qafas khhula bhi to kuch der ke liye Jo qaid mein nahi thay, riha kar diye gaye

 

Bab e qafas khhula bhi to kuch der ke liye
Jo qaid mein nahi thay, riha kar diye gaye

Kahan kahan se mehrban rafu gari karte Satoor e zeest pe har lafz aari jaisa tha

‏کہاں کہاں سے مِہرباں رَفُو گَری کرتے
‏سَطُورِ زِیست پہ ہر لَفظ آری جیسا تھا

Kahan kahan se mehrban rafu gari karte
Satoor e zeest pe har lafz aari jaisa tha

Mere hathon se lag kar phool mitti ho rahe hain Meri ankhon se dariya dekhna sehra lage ga

میرے ہاتھوں سے لگ کر پھول مٹی ہو رہے ہیں
میری آنکھوں سے دریا دیکھنا صحرا لگے گا

Mere hathon se lag kar phool mitti ho rahe hain
Meri ankhon se dariya dekhna sehra lage ga

Khwab apne meri ankhon ke hawale kar ke Tu kahan hai mujhe neendon ke hawale kar ke

خواب اپنے مری آنکھوں کے حوالے کر کے
تو کہاں ہے مجھے نیندوں کے حوالے کر کے

مجھ کو معلوم تھا، اک روز چلا جائے گا
وہ مری عمر کو یادوں کے حوالے کر کے

Khwab apne meri ankhon ke hawale kar ke
Tu kahan hai mujhe neendon ke hawale kar ke

Mujh ko maloom tha, ek roz chala jaye ga
Wo meri umr ko yadon ke hawale kar ke

Tamam jism hi ghha’il tha, ghhao aisa tha Koi na jan saka rakh rakhhao kaisa tha

تمام جسم ہی گھائل تھا، گھاؤ ایسا تھا
کوئی نہ جان سکا رکھ رکھاؤ کیسا تھا

کوئی ٹھہر نہ سکا موت کے سمندر تک
حیات ایسی ندی تھی بہاؤ ایسا تھا

Tamam jism hi ghha’il tha, ghhao aisa tha
Koi na jan saka rakh rakhhao kaisa tha

Koi thehr na saka maut ke samundar tak
Hayat aisi nadi thi bahao aisa tha

Is raz ko kia jane sahil ke tamashaiy Hum doob ke samjhe hain dariya, teri gehraiy

اس راز کو کیا جانیں ساحل کے تماشائی
ہم ڈوب کے سمجھے ہیں دریا، تری گہرائی

Is raz ko kia jane sahil ke tamashaiy
Hum doob ke samjhe hain dariya, teri gehraiy

چلتے ہوئے بادل کے سائے کے تعاقب میں
یہ تشنہ لبی مجھ کو صحراؤں میں لے آئی

Chalte huay badal ke saye ke taqub mein
Ye tishna labi mujh ko sehraon mein le aiy

کیا سانحہ یاد آیا رزمیؔ کی تباہی کا
کیوں آپ کی نازک سی آنکھوں میں نمی آئی

Kia saniha yad aya RAZMI ki tabahi ka
Kyun ap ki nazuk si ankhon mein nami aiy

مظفر رزمیؔ
Muzaffar Razmi

Fasana ab koi anjam apna chahta hai Talluq tootne ko ek bahana chahta hai

فسانہ اب کوئی انجام پانا چاہتا ہے
تعلق ٹوٹنے کو اک بہانہ چاہتا ہے

جہاں اک شخص بھی ملتا نہیں ہے چاہنے سے
وہاں یہ دل ہتھیلی پر زمانہ چاہتا ہے

مجھے سمجھا رہی ہے آنکھ کی تحریر اس کی
وہ آدھے راستے سے لوٹ جانا چاہتا ہے

یہ لازم ہے کہ آنکھیں دان کر دے عشق کو وہ
جو اپنے خواب کی تعبیر پانا چاہتا ہے

وہ مجھ کو آزماتا ہی رہا ہے زندگی بھر
مگر یہ دل اب اس کو آزمانا چاہتا ہے

اسے بھی زندگی کرنی پڑے گی میرؔ جیسی
سخن سے گر کوئی رشتہ نبھانا چاہتا ہے
حمیرا راحتؔ

Fasana ab koi anjam apna chahta hai
Talluq tootne ko ek bahana chahta hai

Jahan ek shakhs bhi milta nahi hai chahne se
Wahan ye dil hatheli par zamana chahta hai

Mujhe samjha rahi hai ankh ki tehreer us ki
Wo adhe raaste se laut jana chahta hai

Ye lazim hai ke ankhen dan kar de ishq ko wo
Jo apne khwab ki tabeer pana chahta hai

Wo mujh ko azmata hi raha hai zindagi bhar
Magar ye dil ab us ko azmana chahta hai

Usay bhi zindagi karni pade gi Mir jaisi
Sukhan se gar koi rishta nibhana chahta hai
Humaira Rahat

Khizan pasand humen dhoondne ko nikle hain Hamare dard ka qissa kahin suna ho ga

خزاں پسند ہمیں ڈھونڈنے کو نکلے ہیں
ہمارے درد کا قصہ کہیں سنا ہو گا

جو ہر قدم پہ مرے ساتھ ساتھ رہتا تھا
ضرور کوئی نہ کوئی تو واسطہ ہو گا

Khizan pasand humen dhoondne ko nikle hain
Hamare dard ka qissa kahin suna ho ga

Jo har qadam pe mere sath sath rehta tha
Zarur koi na koi to wasta ho ga

Sa’il nahi hoon, hath mein kasa zarur hai Ye zindagi ke dukh ka khulasa zarur hai

سائل نہیں ہوں، ہاتھ میں کاسہ ضرور ہے
یہ زندگی کے دکھ کا خلاصہ ضرور ہے

دیکھے ہیں سانپ خواب میں پیچھے پڑے ہوئے
کوئی تو میرے خون کا پیاسا ضرور ہے

Sa’il nahi hoon, hath mein kasa zarur hai
Ye zindagi ke dukh ka khulasa zarur hai

Dekhe hain sanp khwab mein peeche pade huay
Koi to mere khoon ka piyasa zarur hai

ZARA ROOTH JANE PEH ITNI KHUSHAMAD QAMAR TUM BIGADO GY AADAT KISI KA

ZARA ROOTH JANE PEH ITNI KHUSHAMAD

QAMAR TUM BIGADO GY AADAT KISI KA

Qamar Jalalvi

Yad ke dasht se jab musafir chale raaston ke bujhe deep jalne lage Rat ke pair thithke thay bas lehza bhar, taal thamne lagi, geet marne lage

یاد کے دشت سے جب مسافر چلے، راستوں کے بجھے دیپ جلنے لگے
رات کے پیر ٹھٹھکے تھے بس لحظہ بھر، تال تھمنے لگی، گیت مرنے لگے

کہرے اوڑھے ہوئے پانیوں سے پرے، اونچے پیڑوں تلے وہ پرانی ڈگر
بھولی بسری صدا ایک بے چین دل ہاتھ پکڑے مرا ساتھ چلنے لگے

رتجگوں کے نگر میں بہت شور تھا سٹپٹائی ہوئی آنکھ ساکت رہی
آخری رقص جاری تھا جب عمر کا، خواب سارے اچانک ہی مرنے لگے
شاہین کاظمی

Yad ke dasht se jab musafir chale raaston ke bujhe deep jalne lage
Rat ke pair thithke thay bas lehza bhar, taal thamne lagi, geet marne lage

Kuhre odhe huay paniyon se pare, oonche pedon tale wo purani dagar
Bhooli bisri sadaa aik bechain dil hath pakde mera sath chalne lage

Ratjagon ke nagar mein bohat shor tha, satpataiy hui ankh sakti rahi
Akhri raqs jaari tha jab umr ka khwab sare achanak hi marne lage
Shaheen Kazmi

Apna kirdar nibhate huay thak jati hoon Chehre pe chehra banate huay thak jati hoon

اپنا کردار نبھاتے ہوئے تھک جاتی ہوں
چہرے پہ چہرہ بناتے ہوئے تھک جاتی ہوں

مجھ کو ملتی نہیں اظہار کی صورت کوئی
اپنے جذبات چھپاتے ہوئے تھک جاتی ہوں

سانس در سانس سلگتی ہے  مری خاموشی
لہجے کی آگ بجھاتے ہوئے تھک جاتی ہوں

ہو اگر ذات کے زنداں میں تلاطم برپا
خود کو پاتال سے لاتے ہوئے تھک جاتی ہوں

شیریں گفتار زمانے کو دکھانے کے لیے
خود کو ترتیب میں لاتے ہوئے تھک جاتی ہوں

لہجے کی شوخی میں آہوں کی کھنک سنتی ہوں
اور آہوں کو دباتے ہوئے تھک جاتی ہوں

اوڑھ لیتی ہوں سلگتے ہوئے زخموں کا لباس
خود کو رنگین بناتے ہوئے تھک جاتی ہوں

کبھی دھندلاتی ہیں آنکھیں، کبھی ہوتی ہے چبھن
جاگتے خواب سلاتے ہوئے تھک جاتی ہوں

بات بے بات جھگڑ پڑتی ہوں غیروں سے کبھی
اور کبھی خود کو مناتے ہوئے تھک جاتی ہوں

میں سر شام جلا لیتی ہوں یادوں کے چراغ
صبح دم ان کو بجھاتے ہوئے تھک جاتی ہوں

Apna kirdar nibhate huay thak jati hoon
Chehre pe chehra banate huay thak jati hoon

Mujh ko milti nahi izhar ki soorat koi
Apne jazbat chhupate huay thak jati hoon

Sans dar sans sulagti hai meri khamoshi
Lehje ki aag bujhate huay thak jati hoon

Ho agar zat ke zindan mein talatum barpa
Khud ko patal se late huay thak jati hoon

Sheereen guftar zamane ko dikhhane ke liye
Khud ko tarteeb mein late huay thak jati hoon

Lehje ki shokhi mein ahon ki khhanak sunti hoon
Aur ahon ko dabate huay thak jati hoon

Odh leti hoon sulagte huay zakhmon ka libas
Khud ko rangeen banate huay thak jati hoon

Kabhi dhundlati hain ankhen, kabhi hoti hai chubhan
Jagte khwab sulate huay thak jati hoon

Bat be bat jhagad padti hoon ghairon se kabhi
Aur kabhi khud ko mangte huay thak jati hoon

Main sar e sham jalaa leti hoon yadon ke chiragh
Subh dam un ko bujhate huay thak jati hoon

Khamoshi be sabab mumkin hai kaise Pas e pardah agar kuch bhi nahi hai

Khamoshi be sabab mumkin hai kaise
Pas e pardah agar kuch bhi nahi hai

Meri ankhon se dekho is jahan ko
Bohat kuch hai magar kuch bhi nahi hai

Chand Log Aankhon Ko Parhne Mein Bade Mahir Hein Mujh Ko Socho Tou Nigahon Ko Jhuka Kar Rakhna

چند لوگ آنکھوں کو پڑھنے میں بڑے ماہر ہیں
مجھ کو سوچو تو نگاہوں کو جھُکا کر رَکھنا
Chand Log Aankhon Ko Parhne Mein Bade Mahir Hein

Mujh Ko Socho Tou Nigahon Ko Jhuka Kar Rakhna

غم بلا کا ہو تو تنہا نہیں رویا کرتے
دائرہ وار کئی شمعیں جلا کر رَکھنا

Gham Bala Ka Ho Tou Tanha Nahi Roya Karte

Daira-War Kai Shamma'ain Jala Kar Rakhna

Raushni ki dhaar par rakhi kahani aur dukh Ankh se behta hua khamosh pani aur dukh

روشنی کی دھار پر رکھی کہانی اور دُکھ
آنکھ سے بہتا ہُوا خاموش پانی اور دُکھ

اب مِرے لفظوں میں وہ پہلے سی کیفیت نہیں
ڈال اب جھولی میں تیری مہربانی اور دُکھ

Raushni ki dhaar par rakhi kahani aur dukh
Ankh se behta hua khamosh pani aur dukh

Ab mere lafzon mein wo pehle si kaifiyet nahi
Daal ab jholi mein teri mehrbani aur dukh