بتاؤ اونچ نیچ کا خیال کیسے آ گیا
رفاقتوں کے بیچ یہ سوال کیسے آ گیا
تمہارا طنز میری عظمتوں کا اعتراف ہے
نہ تھا میں آفتاب تو زوال کیسے آ گیا
بتا رہے تھے سب کو وہ بہت ہی خوش مزاج ہے
ہماری بات پر اسے جلال کیسے آ گیا
وہ دیکھنے لگا ہے مجھکو شک بھری نگاہ سے
میں سوچتا ہوں آئینے میں بال کیسے آ گیا
خفا وہ اس پہ ہے کہ وہ تو بام پر گیا نہیں
مجھے یقین رویت ہلال کیسے آ گیا
مصاحبوں سے پوچھنے لگا وہ مجھکو دیکھ کر
خوشی کی بزم میں یہ خستہ حال کیسے آگیا
نہ مجھکو اس سے عشق تھا اسکو میری آرزو
میرے نصیب میں وہ خوش جمال کیسے آگیا
سمجھ رہے تھے ہم تو اسکو دشمن اپنی جان کا
ہمارے سامنے وہ بن کے ڈھال کیسے آ گیا
تمام عمر جن کو لوٹ مار سے شغف رہا
وہ پوچھتے ہیں میرے پاس مال کیسے آ گیا
اچھل رہا ہے کس کی شہہ پہ دوستو پتا کرو
جمے ہوئے لہو میں یہ ابال کیسے آ گیا
مخالفت کے باوجود چاہتے ہیں سب تجھے
بتا شکیل ! تجھ میں یہ کمال کیسے آ گیا
شکیل ابن اشرف
خزاں کی رت میں لمحہ جمال کیسے آگیا
یہ آج پھر سنگھار کا خیال کیسے آ گیا
Khizan Ki Rut Mein Lamha Jamal Kaise Aa Gaya
Ye Aaj Phir Singhar Ka Khayal Kaise Aa Gaya
ہنسی کو اپنی سن کے ایک بار میں چونک اٹھی
یہ مجھ میں دکھ چھپانے کا کمال کیسے آ گیا
Hansi Ko Apni Sun Ke Aik Bar Main Chonk Uthi
Ye Mujh Mein Dukh Chupanay Ka Kamal Kaise Aa Gaya
وہ رسم چارہ سازی جنوں تو ختم ہو چکی
یہ دل کے نام حرف اندمال کیسے آ گیا
Woh Rasm e Chara-Sazi Junoon Tou Khatam Ho Chuki
Ye Dil Ke Nam Harf Indamal Kaise Aa Gayas
ابھی تو دھوپ روزن قفس سے کوسوں دور تھی
ابھی سے آفتاب کو زوال کیسے آ گیا
Abhi Tou Dhoop Rozan e Qafas Se Koson Door Hai
Abhi Se Aaftaab Ko Zawal Kaise Aa Gaya
جدائیوں کے زخم تو ، سنا کے بھر چلے تھے پھر
بدن کے ہاتھ ناخن وصال کیسے آ گیا
Judaaiyun Ke Zakham Tou , Suna Ke Bhar Chalay Thay Phir
Badan Ke Haath Nakhun Wisal Kaise Aa Gaya
تمام کائنات ازل سے آئینوں کی زد پہ تھی
ہجوم عکس میں یہ بے مثال کیسے آ گیا
Tamam Kaainaat Azal Se Aainon Ki Zad Pe Thi
Hujoom Aks Mein Ye Be-Misaal Kaise Aa Gaya
نامعلوم شاعر
Na-Maloom
