HIJAR

تُو اِس قدر مُجھے اَپنے قریب لگتا ﮬﮯ تجھے الگ سے جو سوچُوں، عَجیب لگتا ﮬﮯ Tu Isqadar Mujhe Apne Qareeb Lagta Hai Tujhe Alag Se Jo Sochon ,Ajeeb Lagta Hai جِسے نہ حُسن سے مَطلب، نہ عِشق سے سَروکار وہ شَخص مُجھ کو بہت بَدنصیب لگتا ﮬﮯ حُدودِ ذات سے باہر نِکل کے دیکھ ذرا نہ کوئی غیر نہ کوئی رَقیب لگتا ﮬﮯ یہ دوستی، یہ مَراسِم، یہ چاہتیں، یہ خُلوص کبھی کبھی مُجھے سب کچھ عَجیب لگتا ﮬﮯ جاں نِثار اَختر Jan Nesar Akhtar

تُو کبھی رَاگ ، کبھی رَنگ ،  کبھی خُوشبُو ھے۔ کیسی کیسی نہ تُجھے ، عِشوہ گَری آوے ھے ۔ Tu kabhi raag kabhi rang kabhi khushbo hai Kaisi kaisi na tujhay ishwa giri aaway hai صاحِبو ٫ حُسن کی پہچان ٫ کوئی کھیل نہیں دِل لُہو ھو تو کہیں ، دِیدہ وَری آوے ھے۔ Sahibo! Husan ki pehchan koi khail nahi Dil laho ho to kahin deedah wari aaway hai جانِثار اَختر Janisar Akhtar

اور بھی زخم ہوئے جاتے ہیں گہرے دل کے ہم تو سمجھے تھے تمہیں چارہ گری آوے ہے Aur Bhi Zakham Hoe Jate Hein Gehre Dil Ke Hum Tou Samjhe Thay Tumhein Chara Gari Aawe Hai تو کبھی راگ کبھی رنگ کبھی خوشبو ہے کیسی کیسی نہ تجھے عشوہ گری آوے ہے اے مرے شہر نگاراں ترا کیا حال ہوا چپے چپے پہ مرے آنکھ بھری آوے ہے صاحبو حسن کی پہچان کوئی کھیل نہیں دل لہو ہو تو کہیں دیدہ وری آوے ہے ‏ دل میں در آوے ہے ہر صبح کوئی یاد ایسے جوں دبے پاؤں نسیم سحری آوے ہے اک قطرہ بھی لہو جب نہ رہے سینے میں تب کہیں عشق میں کچھ بے جگری آوے ہے شجر عشق تو مانگے ہے لہو کے آنسو تب کہیں جا کے کوئی شاخ ہری آوے ہے ‏خود بہ خود مے ہے کہ شیشے میں بھری آوے ہے کس بلا کی تمہیں جادو نظری آوے ہے اور بھی زخم ہوئے جاتے ہیں گہرے دل کے ہم تو سمجھے تھے تمہیں چارہ گری آوے ہے آپ اپنے کو بھلانا کوئی آسان نہیں بڑی مشکل سے میاں بے خبری آوے ہے جانثار اختر Jan Nisar Akhtar

سو چاند بھی چمکیں گے تو کیا بات بنے گی تم آئے تو اس رات کی اوقات بنے گی Sau chaand bhi chamke ge to kia bat bane gi Tum aye to is rat ki auqat bane gi جاں نثار اختر Jan Nisar Akhter

اب شہر میں جینے کے بھی اسباب رہے نہ وہ آگ لگی ہے کہ بُجھائے سے بُجھے نہ Ab Shehar Mein Jeeny Ke Bhi Asbab Rahe Na Woh Aag Lagi Hai Keh Bujhaye Se Bujhe Na تُو مُجھ کو کوئی راز لگے سر سے قدم تک سوچوں کہ کیا راز ہے، کُچھ راز کُھلے نہ دیکھی ہے مُحبت بھی کبھی سنگدِلوں میں ایسا نہیں پتھر پہ کوئی پُھول کِھلے نہ لہجے کا کرِشمہ ہے کہ آواز کا جادو وہ بات بھی کہہ جائے، مرا دل بھی دُکھے نہ کُچھ رنگ تھے خوابوں کے جو اشکوں میں نہ ٹھہرے کُچھ رنگ ہیں ایسے بھی جو پلکوں سے چُھٹے نہ غمِ ہِجر کا ہم ہِجر کے ماروں سے تو پُوچھو دِن چاہے گُزر جائے مگر رات کٹے نہ تُو ہی میری آنکھوں کے لیے حدِ نظر ہے دیکھا مری نظروں نے کبھی تُجھ سے پرے نہ سو بار کے دہرائے ہوئے لفظ نہ دہرا الفاظ ہوں بے جان تو کُچھ بات بنے نہ میں اس سے نِگاہیں تو ہٹانے کو ہٹا لوں پر سوچ رہا ہوں کہ بُرا اس کو لگے نہ شاید کہ یہ دل غم کے اندھیرے سے بہل جائے اچھا ہے جو اس رات کوئی شمع جلے نہ جاں نِثار اخترؔ Jan Nisar Akhtar

غمِ ہجر کا ہم ہجر کے ماروں سے تو پُوچھو دن چاہے گذر جائے مگر رات کٹے نہ Gham e Hijar Ka Hum Hijar Ke Maron Se Tou Poocho Din Chahe Guzar Jaye Magar Raat Katy Na جاں نثار اختر Jan Nisar Akhtar

تمام عمر عذابوں کا سلسلہ تو رہا یہ کم نہیں، ہمیں جینے کا حوصلہ تو رہا Tamam Umar Azabon Ka Silsila Tou Raha Yeh Kam Nahi , Humain Jeeny Ka Housla Tou Raha گزر ہی آۓ کسی طرح تیرے دیوانے قدم قدم پہ کوئی سخت مرحلہ تو رہا چلو نہ عشق ہی جیتا، نہ عقل ہار سکی تمام وقت مزے کا مقابلہ تو رہا میں تیری ذات میں گم ہو سکا، نہ تو مجھ میں بہت قریب تھے ہم پھر بھی فاصلہ تو رہا یہ اور بات کہ ہر چھیڑ لاابالی تھی تری نظر کا دلوں سے معاملہ تو رہا جان نثار اختر Jan Nisar Akhtar

ہم سے بھاگا نہ کرو دور غزالوں کی طرح ہم نے چاہا ہے تمہیں چاہنے والوں کی طرح Hum Se Bhaga Na Karo Door Ghazalon Ki Tarah Hum Ne Chaha Hai Tumhein Chahny Walon Ki Tarah خودبخود نیند سی آنکھوں میں گھلی جاتی ہے مہکی مہکی ہے شب غم ترے بالوں کی طرح تیرے بن رات کے ہاتھوں پہ یہ تاروں کے ایاغ خوبصورت ہیں مگر زہر کے پیالوں کی طرح اور کیا اس سے زیادہ کوئی نرمی برتوں دل کے زخموں کو چھوا ہے ترے گالوں کی طرح گنگناتے ہوئے اور آ کبھی ان سینوں میں تیری خاطر جو مہکتے ہیں شوالوں کی طرح تیری زلفیں تری آنکھیں ترے ابرو ترے لب اب بھی مشہور ہیں دنیا میں مثالوں کی طرح ہم سے مایوس نہ ہو اے شب دوراں کہ ابھی دل میں کچھ درد چمکتے ہیں اجالوں کی طرح مجھ سے نظریں تو ملاؤ کہ ہزاروں چہرے میری آنکھوں میں سلگتے ہیں سوالوں کی طرح اور تو مجھ کو ملا کیا مری محنت کا صلہ چند سکے ہیں مرے ہاتھ میں چھالوں کی طرح جستجو نے کسی منزل پہ ٹھہرنے نہ دیا ہم بھٹکتے رہے آوارہ خیالوں کی طرح زندگی جس کو ترا پیار ملا وہ جانے ہم تو ناکام رہے چاہنے والوں کی طرح جانثار اخترؔ Jan Nisar Akhtar

لوگ کہتے ہیں کہ تو اب بھی خفا ہے مجھ سے تیری آنکھوں نے تو کچھ اور کہا ہے مجھ سے Log Kehty Hein Keh Keh Tu Ab Bhi Khafa Hai Mujh Se Teri Aankhon Ne Tou Kuch Aur Kaha Hai Mujh Se ہائے اس وقت کو کوسوں کہ دعا دوں یارو جس نے ہر درد مرا چھین لیا ہے مجھ سے دل کا یہ حال کہ دھڑکے ہی چلا جاتا ہے ایسا لگتا ہے کوئی جرم ہوا ہے مجھ سے کھو گیا آج کہاں رزق کا دینے والا کوئی روٹی جو کھڑا مانگ رہا ہے مجھ سے اب مرے قتل کی تدبیر تو کرنی ہوگی کون سا راز ہے تیرا جو چھپا ہے مجھ سے جاں نثار اخترؔ Jan Nisar Akhtar

Aaj to mil ke bhi jaise na milay hon tujh se Choank uthte thay kabhi teri mulaqaat se hum Jaan Nisar Akhtar

ہم سے بھاگا نہ کرو دور غزالوں کی طرح ہم نے چاہا ہے تمہیں چاہنے والوں کی طرح مجھ سے نظریں تو ملاؤ کہ ہزاروں چہرے میری آنکھوں میں سلگتے ہیں سوالوں کی طرح جستجو نے کسی منزل پہ ٹھہرنے نہ دیا ہم بھٹکتے رہے آوارہ خیالوں کی طرح زندگی جس کو ترا پیار ملا وہ جانے ہم تو ناکام رہے چاہنے والوں کی طرح جاں نثار اختر Jan Nisar Akhtar

اب یہ بھی نہیں ٹھیک کہ ہر درد مٹا دیں کچھ درد کلیجے سے لگانے کے لیے ہیں جاں نثار اختر Ab ye bhi nahi theek ke har dard mita den Kuch dard kaleje se lagane ke liye hain Jan Nisar Akhter

اشعار مرے یوں تو زمانے کے لیے ہیں کچھ شعر فقط ان کو سنانے کے لیے ہیں اب یہ بھی نہیں ٹھیک کہ ہر درد مٹا دیں کچھ درد کلیجے سے لگانے کے لیے ہیں سوچو تو بڑی چیز ہے تہذیب بدن کی ورنہ یہ فقط آگ بجھانے کے لیے ہیں آنکھوں میں جو بھر لو گے تو کانٹوں سے چبھیں گے یہ خواب تو پلکوں پہ سجانے کے لیے ہیں دیکھوں ترے ہاتھوں کو تو لگتا ہے ترے ہاتھ مندر میں فقط دیپ جلانے کے لیے ہیں یہ علم کا سودا یہ رسالے یہ کتابیں اک شخص کی یادوں کو بھلانے کے لیے ہیں جاں نثار اختر

خودبخود نیند سی آنکھـــوں میں گھلی جاتی ہے مہکی مہکی ہے شـــب غم ترے بالوں کی طرح تیری زلفیں، تری آنکھیــــــں، ترے ابرو، ترے لب اب بھی مشہور ہیں دنــیا میں مثالوں کی طرح جاں نثار اختر Khud ba khud neend si ankhon mein ghhuli jati hai Mehki mehki hai shab e gham tere baalon ki tarah Teri zulfen, teri ankhen, tere abru tere lab Ab bhi mash-hoor hain duniya mein misalon ki tarah Jan Nisar Akhtar

کم نہیں نشے میں جاڑے کی گلابی راتیں اور اگر تیری جوانی بھی ملا دی جائے ہم سے پوچھو کہ غزل کیا ہے، غزل کا فن کیا چند لفظوں میں کوئی آگ چھپا دی جائے جاں نثار اختر Kam nahi nashe mein jaade ki gulabi raten Aur agar teri jawani bhi mila di jaye Hum se poocho ke ghazal kia hai, ghazal ka fan kia Chand lafzon mein koi aag chhupa di jaye Jan Nisar Akhtar

میں تجھے چاہتا نہیں، لیکن پھر بھی جب پاس تُو نہیں ہوتی خود کو کتنا اُداس پاتا ہوں گُم سے اپنے حواس پاتا ہوں جانے کیا دُھن سمائی رہتی ہے؟ اک خموشی سی چھائی رہتی ہے دل سے بھی گفتگو نہیں ہوتی میں تجھے چاہتا نہیں، لیکن میں تجھے چاہتا نہیں، لیکن پھر بھی رہ رہ کے میرے کانوں میں گونجتی ہے تری حسیں آواز جیسے نادیدہ کوئی بجتا ساز ہر صدا ناگوار ہوتی ہے اِن سکوت آشنا ترانوں میں میں تجھے چاہتا نہیں، لیکن میں تجھے چاہتا نہیں، لیکن پھر بھی شب کی طویل خلوت میں تیرے اوقات سوچتا ہوں میں تیری ہر بات سوچتا ہوں میں کون سے پھول تجھ کو بھاتے ہیں؟ رنگ کیا کیا پسند آتے ھیں؟ کھو سا جاتا ہوں تیری جنّت میں میں تجھے چاہتا نہیں، لیکن میں تجھے چاہتا نہیں، لیکن پھر بھی احساس سے نجات نہیں سوچتا ہوں تو رنج ہوتا ہے دل کو کیسے کوئی ڈبوتا ہے؟ جس کو اِتنا سراہتا ہوں میں جس کو اِس درجہ چاہتا ہوں میں اُس میں تیری سی کوئی بات نہیں میں تجھے چاہتا نہیں، لیکن جاں نثار اختر

رُخوں  کے  چاند،   لبوں  کے  گلاب  مانگے  ہے بدن  کی   پیاس،  بدن  کی  شراب  مانگے  ہے میں   کتنے   لمحے   نہ   جانے   کہاں  گنوا  آیا تری    نگاہ    تو    سارا    حساب    مانگے   ہے تمام  عرصۂِ  ہستی  دھواں دھواں  ہے  تو  کیا ہر   ایک   آنکھ   محبت  کا   خواب  مانگے  ہے میں  کس سے  پوچھنے جاؤں  کہ آج ہر کوئی مرے  سوال  کا   مجھ  سے  جواب  مانگے  ہے دلِ   تباہ   کا   یہ  حوصلہ  بھی   کیا   کم  ہے ہر  ایک   درد  سے   جینے  کی  تاب  مانگے  ہے بجا  کہ  وضحِ حیا  بھی  ہے  ایک  چیز،  مگ...

Dil ko chhoo jaati hai yun raat ki awaaz kabhi Chaunk uthta hoon kahin tune pukaara na ho Kabhi palkon pe chamkti jo ashqon ki lakeer Sochta hoon tere aanchal ka kinaara hi na ho Jaan Nisar Akhtar

ہم نے کاٹی ہیں تری یاد میں راتیں اکثر دل سے گزری ہیں ستاروں کی براتیں اکثر اور تو کون ہے جو مجھ کو تسلی دیتا ہاتھ رکھ دیتی ہیں دل پر تری باتیں اکثر حسن شائستۂ تہذیب الم ہے شاید غم زدہ لگتی ہیں کیوں چاندنی راتیں اکثر حال کہنا ہے کسی سے تو مخاطب ہے کوئی کتنی دلچسپ ہوا کرتی ہیں باتیں اکثر عشق رہزن نہ سہی عشق کے ہاتھوں پھر بھی ہم نے لٹتی ہوئی دیکھی ہیں براتیں اکثر ہم سے اک بار بھی جیتا ہے نہ جیتے گا کوئی وہ تو ہم جان کے کھا لیتے ہیں ماتیں اکثر ان سے پوچھو کبھی چہرے بھی پڑھے ہیں تم نے جو کتابوں کی کیا کرتے ہیں باتیں اکثر ہم نے ان تند ہواؤں میں جلائے ہیں چراغ جن ہواؤں نے الٹ دی ہیں بساطیں اکثر جان نثار اخترؔ