HIJAR

     بہار رُت میں اجاڑ رستے تکا کرو گے تو رو پڑو گے Bahar Rut Mein Ujad Rasty Taka Karogy Toh Ro Pado Gy کسی سے ملنے کو جب بھی محسن سجا کرو گے تو رو پڑو گے تمھارے وعدوں نے یار مجھ کو تباہ کیا ہے کچھ اس طرح سے کے زندگی میں جو پھر کسی سے دغا کرو گے تو رو پڑو گے میں جانتا ہوں میری محبت اجاڑ دے گی تمہیں بھی ایسی کے چاند راتوں میں اب کسی سے ملا کرو گے تو رو پڑو گے برستی بارش میں یاد رکھنا تمہیں ستائیں گی میری آنکھیں کسی ولی کے مزار پر جب دعا کرو گے تو رو پڑو گے محسن نقوی Mohsin Naqvi  

اب وہ طوفاں ہے نہ وہ شور ہواؤں جیسا دل کا عالم ہے ترے بعد خلاؤں جیسا Ab Woh Topan Hai Na Woh Shor Hawaoun Jaisa Dil Ka Alam Hai Tere Bad Khalaoun Jaisa کاش دنیا مرے احساس کو واپس کر دے خامشی کا وہی انداز صداؤں جیسا پاس رہ کر بھی ہمیشہ وہ بہت دور ملا اس کا انداز تغافل تھا خداؤں جیسا کتنی شدت سے بہاروں کو تھا احساس‌ مآل پھول کھل کر بھی رہا زرد خزاؤں جیسا کیا قیامت ہے کہ دنیا اسے سردار کہے جس کا انداز سخن بھی ہو گداؤں جیسا پھر تری یاد کے موسم نے جگائے محشر پھر مرے دل میں اٹھا شور ہواؤں جیسا بارہا خواب میں پا کر مجھے پیاسا محسنؔ اس کی زلفوں نے کیا رقص گھٹاؤں جیسا محسن نقوی Mohsin Naqvi

چہرے پڑھتا، آنکھیں لکھتا رہتا ہوں میں بھی کیسی باتیں لکھتا رہتا ہوں Chehre parhta, ankhen likhhta rehta hoon Main bhi kaisi baten likhhta rehta hoon سارے جسم درختوں جیسے لگتے ہیں اور بانہوں کو شاخیں لکھتا رہتا ہوں Saare jism darakhton jaise lagte hain Aur banhon ko shakhen likhhta rehta hoon تجھ کو _ خط لکھنے کے تیور بھول گیا آڑھی ترچھی سطریں لکھتا رہتا ہوں Tujh ko khat likhhne ke tevar bhool gaya Aarhi tirchhi sitren likhhta rehta hoon تیرے ہجر میں اور مجھے کیا کرنا ہـے تیرے نام کتابیں لکھتا رہتا ہوں Tere hijr mein aur mujhe kia karna hai Tere naam kitaben likhhta rehta hoon تجھ سے مل کر سارے دکھ دہراؤں گا ہجر کی ساری باتیں لکھتا رہتا ہوں Tujh se mil kar saare dukh duhraoun ga Hijr ki saari baten likhhta rehta hoon سوکھے پھول، کتابیں، زخم جدائی کے تیری سب سوغاتیں لکھتا رہتا ہوں Sookhhe phool, kitaben, zakhm judaiy ke Teri sab saughaten likhhta rehta hoon اس کی بھیگی پلکیں ہنستی رہتی ہیں محسنؔ جب تک غزلیں لکھتا رہتا ہوں Us ki bheegi palken hansti rehti hain Mohsin jab tak ghazlen lik...

شہر کی دھوپ سے پوچھیں کبھی گاؤں والے کیا ہوئے لوگ وہ زلفوں کی گھٹاؤں والے Shehar Ke Dhoop Se Poochein Kabhi Gavoun Wale Kia Hoe Log Woh Zulfon Ki Ghataoun Wale اب کے بستی نظر آتی نہیں اجڑی گلیاں آؤ ڈھونڈیں کہیں درویش دعاؤں والے سنگزاروں میں مرے ساتھ چلے آئے تھے کتنے سادہ تھے وہ بلورّ سے پاؤں والے ہم نے ذروں سے تراشے تری خاطر سورج اب زمیں پر بھی اتر زرد خلاؤں والے کیا چراغاں تھا محبت کا کہ بجھتا ہی نہ تھا کیسے موسم تھے وہ پر شور ہواؤں والے ہونٹ سی کر بھی کہاں بات بنی ہے محسن خامشی کے سبھی تیور ہیں صداؤں والے سید محسن نقوی Sayed Mohsin Naqvi

میری غزلوں میں کبھی دیکھ سراپا اپنا میں نے دنیا سے الگ تیری پرستش کی ہے Meri Ghazlon Mein Kabhi Daikh Sarapa Apna Main Ne Dunya Se Alag Teri Paristish Ki Hai سید محسن نقوی Sayed Mohsin Naqvi

عجب نصیب تھا محسن کہ بعد مرگ مجھے چراغ بن کہ خود اپنی لحد پہ جلنا تھا Ajab Naseeb Tha MOHSIN Keh Bad Marg Mujhe Chiragh Ban Ke Khud Apni Lahad Peh Jalna Tha محسن نقوی Mohsin Naqvi

ہم نے غزلوں میں تمھیں ایسے پکارا مُحسن جیسے تم ہو کوئی قِسمت کا ستارہ مُحسن Hum Ne Ghazlon Mein Tumhein Aise Pukara MOHSIN Jaise Tum Ho Koi Qismat Ka Sitara MOHSIN اب تو خُود کو بھی نکھارا نہیں جاتا ہم سے وہ بھی کیا دن تھے کہ تُجھ کو بھی سنوارا مُحسن اپنے خوابوں کو اندھیروں کے حوالے کر کے ہم نے صدقہ تیری آنکھوں کا اُتارا مُحسن ہم کو معلوم ہے اب لوٹ کے آنا تیرا نہیں ممکن یہ مگر پھر بھی خُدارا مُحسن ہم تو رُخصت کی گھڑی کو بھی نہ سمجھے مُحسن سانس دیتی رہی ہجرت کا اشارہ مُحسن محسن نقوی Mohsin Naqvi

ہم نے جن پر غزلیں سوچیں، اُن کو چاہا لوگوں نے ہم کتنے بدنام ہوُئے تھے وہ کتنے مشہور ہوئے Hum Ne Jin Par Ghazlein Sochein , Unko Chaha Logon Ne Hum Kitny Banam Hoe Thay Woh Kitne Mashor Hoe ترکِ وفا کی ساری قسمیں اُن کو دیکھ کے ٹوٹ گئیں اُن کا ناز سلامت ٹھہرا ہم ہی ذرا مجبور ہوئے محسن نقوی Mohsin Naqvi

یہ کیسا قُرب کا موسم ہے اے نگارِ چمن ہوا میں رنگ، نہ خوشبو میں ذائقے ﺗیرے Yeh Kaisa Qurb Ka Mousam Hai Ae Nigar e Chaman Hawa Mein Rang , Na Khushbo Mein Zaiqay Tere محسن نقوی Mohsin Naqvi

ہم آج بھی ہیں سوچ میں ڈوبے ہوئے محسنؔ خود سے کبھی دنیا سے روٹھے ہوئے محسنؔ Hum aj bhi hai soch mein doobe huya Mohsin Khud se, kabhi duniya se roothe huay Mohsin دینے کے لیے اس کو جو ہم نے سنبھالے تھے وہ پھول کتابوں میں ہیں سوکھے ہوئے محسنؔ Dene ke liye us ko jo hum ne sambhale thay Wo phool kitabon mein hain sookhhe huay Mohsin وہ اپنی جفاؤں میں کچھ کمی تو کریں آج اک عمر ہوئی شہر وہ چھوڑے ہوئے محسنؔ Wo apni jafaon mein kuch kami to karen aj Ek umr hui shehr wo chore huay Mohsin ہم نے یہ کہا تھا کہ انہیں پیار ہے ہم سے ہم آج بھری بزم میں جھوٹے ہوئے محسنؔ Hum ne ye kaha tha ke unhen pyar hai hum se Hum aj bhari bazm mein jhoote huay Mohsin آغوش میں ان کی ہمیں راحت جو ملی ہے ہم آج کچھ اندر سے ہیں ٹوٹے ہوۓ محسنؔ Aghosh mein un ki humen rahat jo mili hai Hum aj kuch andar se hain toote huay Mohsin محسنؔ نقوی Mohsin Naqvi

کبھی تو بدلے یہ ماتمی رُت اُداسیوں کی مری نگاہوں میں ایک سا شہرِ خواب کیوں ہے Kabhi Toh Badly Yeh Matami Rut Udasiyun Ki Meri Nigahon Mein Aik Sa Shehr e Khuwab Kyun Hai کبھی کبھی تیری بے نیازی سے خوف کھا کر میں سوچتا ہوں کہ تو میرا انتخاب کیوں ہے ترس گئے میرے آئینے اس کے خال و خد کو وہ آدمی ہے تو اس قدر لاجواب کیوں ہے اُسے گنوا کر پھر اس کو پانے کا شوق کیسا گناہ کر کے بھی انتظارِ ثواب کیوں ہے اسے تو محسنؔ بلا کی نفرت تھی شاعروں سے پھر اس کے ہاتھوں میں شاعری کی کتاب کیوں ہے محسنؔ نقوی Mohsin Naqvi

جب تیری دھن میں جیا کرتے تھے ہم بھی چپ چاپ پھرا کرتے تھے Jab Teri Dhun Mein Jiya Karte Thay Hum Bhi Chup Chap Phira Karte Thay لوگ آتے تھے غزل سننے کو ہم تیری بات کیا کرتے تھے گھر کی دیوار سجانے کے لئے ہم ترا نام لکھا کرتے تھے جب ترے درد میں دل دکھتا تھا ہم ترے حق میں دعا کرتے تھے محسن نقوی Mohsin Naqvi

وُہ دلاور جو سِیاہ شَب کے شکاری نِکلے وُہ بھی چَڑھتے ہُوئے سُورج کے پُجاری نِکلے Woh Dilawar Jo Siah Shab Ke Shikary Nikly Woh Bhi Chadtay Hoe Soraj Ke Pujary Nikly سب کے ہونٹوں پہ مِرے بعد ہَیں باتیں میری میرے دُشمن میرے لفظوں کے بھکاری نِکلے اِک جنازہ اُٹھا مقتل سے عجب شان کے ساتھ جیسے سج کر کسی فاتح کی سواری نِکلے ہم کو ہر دَور کی گردِش نے سلامی دی ہَے ہم وُہ پتّھر ہَیں جو ہر دَور میں بھاری نِکلے عکس کوئی ہو، خد و خال تُمہارے دیکھوں بزم کوئی ہو مگر بات تُمہاری نِکلے اپنے دُشمن سے مَیں بے وجہ خفا تھا محسنؔ میرے قاتل تو مِرے اَپنے حواری نِکلے محسنؔ نقوی Mohsin Naqvi

اس طرح مِرے ذہن میں اُترا ہوا تُو ہے جیسے کسی مہتاب کا سایہ لبِ جُو ہے Is Tarah Mere Zihan Mein Utra Hoa Tu Hai Jaise Kisi Mahtab Ka Saya Lab e Jo Hai انساں ہیں کہ پتھر کے تراشے ہُوئے بت ہیں سانسوں میں حرارت ہے، نہ شہ رگ میں لہو ہے اِک گرمئی رفتار مِرے پاؤں کی زنجیر اِک شعلئہ آواز مِرا طوقِ گلُو ہے دیکھوں تو ہر اِک موڑ پہ ہنگامئہِ محشر سوچوں تو بھرے شہر میں اِک عالمِ ہُو ہے دونوں کے خدوخال پہ سایہ ہے ہوس کا حالات نے بخشا ہے کسے، میں ہُوں کہ تُو ہے؟ انساں کو جِلا دے گئی اِحساس کی گرمی کہنے کو تو پتھر میں بھی اِک ذوقِ نمُو ہے میں تیرہ مقدر ہُوں، کہاں تک اُسے چاہوں وہ شعلہ بدن، برق نظر آئینہ رُو ہے سوچوں تو جھلس جائے ہر اِک یاد کا چہرہ محسن میری نس نَس میں غمِ دہر کی لُو ہے محسن نقوی Mohsin Naqvi

وُہ کون لوگ تھے، اُن کا پتہ تو کرنا تھا مِرے لہُو میں نہا کر جنہیں نِکھرنا تھا Woh Kon Log Thay , Unka Pata Tou Karna Tha Mere Lahoo Mein Niha Kar Jinhein Bikharna Tha یہ کیا کہ لوٹ بھی آئے سراب دیکھ کے لوگ وُہ تِشنگی تھی کہ پاتال تک اُترنا تھا گلی کا شور ڈرائے گا دیر تک مُجھ کو مَیں سوچتا ہُوں، دریچوں کو وَا نہ کرنا تھا یہ تم نے اُنگلیاں کیسے فگار کر لی ہیں مُجھے تو خیر لکیروں میں رَنگ بَھرنا تھا وُہ ہونٹ تھے کہ شفق میں نہائی کِرنیں تھیں وُہ آنکھ تھی کہ خنک پانیوں کا جھرنا تھا گُلوں کی بات کبھی راز رہ نہ سکتی تھی کہ نکہتوں کو تو ہر راہ سے گُزرنا تھا خزاں کی دُھوپ سے شکوہ فضول ہے محسنؔ مَیں یُوں بھی پُھول تھا آخر مُجھے بِکھرنا تھا محسنؔ نقوی Mohsin Naqvi

اب رفتگاں کی یاد کا کچھ تو پتہ بھی دے اے شام دکھ دیا ہے تو پھر حوصلہ بھی دے چبھتے ہیں اب تو اشک بھی رہ رہ کے آنکھ میں موجِ ہوائے شب، یہ چراغاں ُبجھا بھی دے کیا قہر ہے، فلک کا ستم بھی زمیں پہ ہو گرنے لگے فلک تو زمیں آسرا بھی دے Kia Qehar Hai , Falak Ka Sitam Bhi Zameen Peh Ho Girne Lagy Falak Tou Zameen Aasra Bhi Dy مجھ کہ تو حرفِ حق کی طلب تھی سو پا لیا میں نے یہ کب کہا تھا مجھے کربلا بھی دے اب کچھ تو کم ہو دل زَدَگاں کی فسردگی اے درد، رات ڈھلنے لگی، ُمسکرا بھی دے ہر فرد ابتدا کی مسافت میں َشل ہوا کوئی تو ہو جو اب خبرِ انتہا بھی دے کب تک ہنسے گی تجھ پہ یہ محرومیوں کی شام وہ شخص بیوفا تھا، ُاسے اب ُبھلا بھی دے محسنؔ سا اہل دل تو دِکھا اپنے شہر میں محسنؔ تو ہنس کے زخم بھی کھاۓ، دعا بھی دے محسنؔ نقوی Mohsin Naqvi

غُبارِ ہَمسَفراں، آنکھ سے نہ اوجَھل ہو تِرے سِوا تو مِری رہگُزر میں خَاک نہیں Ghubar e Humsafran , Aankh Se Na Ojhal Ho Tere Siwa Tou Meri Rahguzar Mein Khaak Nahi مُحسِن نَقوِی Mohsin Naqvi

Kis Darja Muqadas Hai Tere Qurb Ki Khuwahish Masoom Se Bachay Ke Khayalaat Ki Manind Mohsin Naqvi

آنکھوں میں کوئی خواب اُترنے نہیں دیتا یہ دل کہ مجھے چین سے مرنے نہیں دیتا Ankhon mein koi khwab uterne nahi deta Ye dil ke mujhe chain se marne nahi deta   بچھڑے تو عجب پیار جتاتا ہے خطوں میں مل جائے تو پھر حد سے گزرنے نہیں دیتا Bichhre to ajab pyar jatata hai khaton mein Mil jaae to phir had se guzarne nahi deta   وہ شخص خزاں رُت میں بھی محتاط ہے کتنا سوکھے ہوئے پھولوں کو بکھرنے نہیں دیتا Wo shakhs khizan rut mein bhi muhtat hai kitna Sookhhe huay phoolon ko bikhharne nahi deta   اِک روز تیری پیاس خریدے گا وہ گبرو پانی تجھے پنگھٹ سے جو بھرنے نہیں دیتا Ek roz teri piyas khareede ga wo gabru Pani tujhe panghhat se jo bharne nahi deta   وہ دل میں تبسم کی کرن گھولنے والا روٹھے تو رُتوں کو بھی سنورنے نہیں دیتا Wo dil mein tabassum ki kiran ghholne wala Roothe to ruton ko bhi sanwerne nahi deta   میں اُس کو مناؤں کہ غمِ دہر سے اُلجھوں محسن وہ کوئی کام بھی کرنے نہیں دیتا Main us ko manaoun ke gham e dehr se uljhoon Mohsin wo koi kaam bhi karne nahi deta   محسن نق...

روٹھا تو شہر خواب کو غارت بھی کر گیا پھر مسکرا کے تازہ شرارت بھی کر گیا Rotha Tou Shehar Khuwab Ko Gharat Bhi Kar Gaya Phir Muskura Ke Tazah Shararat Bhi Kar Gaya شاید اسے عزیز تھیں آنکھیں مری بہت وہ میرے نام اپنی بصارت بھی کر گیا منہ زور آندھیوں کی ہتھیلی پہ اک چراغ پیدا مرے لہو میں حرارت بھی کر گیا بوسیدہ بادبان کا ٹکڑا ہوا کے ساتھ طوفاں میں کشتیوں کی سفارت بھی کر گیا دل کا نگر اجاڑنے والا ہنر شناس تعمیر حوصلوں کی عمارت بھی کر گیا سب اہل شہر جس پہ اٹھاتے تھے انگلیاں وہ شہر بھر کو وجہِ زیارت بھی کر گیا محسن یہ دل کہ اس سے بچھڑتا نہ تھا کبھی آج اس کو بھولنے کی جسارت بھی کر گیا محسن نقوی Mohsin Naqvi