Masoom Bastiyon Ko Samandar Nigal Gaya

 

 معصوم بستیوں کو سمندر نگل گیا

سیلاب کا بھی زور غریبوں پہ چل گیا

 

پانی نے گاؤں بھر کا صحن یکجا کر دیا

اک رات میں حویلی کا نقشہ بدل گیا

 

چاول ، اچار ، دالیں ، مربے ، اناج ، گڑ

برسوں کا رزق چٹکی بجاتے نکل گیا

 

مونجی ، کپاس ، گنا ، گھنے کھیت

 ،
سبزیاں پانی میں تیرتا ہوا رب کا فضل گیا

 

کینو ، کھجور ، موسی ، امردو ، آم ، سیب

پھل صبر کا ہی رہ گیا ،باقی تو پھل گیا

 

پانی کا رزق ہو گیا گڑیا کا کل جہیز افسوس

 ،
بے بسی کے سمندر میں ڈھل گیا

 

مٹی کے کچھ کھلونے تھے ،مٹی میں مل گئے

ممتا کی آرزو کا جنازہ نکل گیا

 

بن جاتے کاش جانور سارے ہی مچھلیاں

بے بس مویشی دیکھ کے پتھر پگھل گیا

 

ان کشتیوں کے نیچے کئی لوگ رہتے تھے

میں نے جو آج سوچا مرا دل دہل گیا

 

پرکھوں کی آج ہم کو بہت یاد آئی قیس

جن کی لحد بھی پانی کا ریلا نگل گیا