Sange Mar Mar Se Tarasha Howa Ye Shokh Badan

 

 

Sange Mar Mar Se Tarasha Howa Ye Shokh Badan,

Itna Dil Kash Hai K Apnane Ko Jee Chahta Hai,

Surkh Honton Mein Terkti Hai Ye Rangeen Sharab,

Jis Pe Kar Bhehak Jane Ko Jee Chahta Hai,

Naram Seene Mein Dharkte Hain Wo Nazuk Toofan,

Jin Ki Lehron Mein Utar Jane Ko Jee Chahta Hai,

Tum Se Kia Rishta Hai Kab Se Hai Ye Maloom Nahi,

Lekin Is Hussn Pe Mar Jane Ko Jee Chahta Hai,

Rakh Le Kal K Liye Ye Doosri Pazeb Dil,

Kal Is Bazm Mein Phir Aane Ko Jee Chahta Hai,

Be Khabar Soye Hain Wo Loot K Neendain Meri,

Jazba-E-Dil Pe Tars Khane Ko Jee Chahta Hai,

Kab Se Khamosh Ho Aaye Jan-E-Jahan Kuch To Bolo,

Kia Abhi Bhi Sitam Aur Dhane Ko Jee Chahta Hai,

Chor Kar Tum Ko Kahan Chain Mile Ga Hum Ko,

Yahein Jeene Yahein Mar Jane Ko Jee Chahta Hai,

Apne Hathon Se Sanwara Hai Tumhein Qudrat Ne,

Dekh Kar Dekhte Reh Jane Ko Jee Chahta Hai,

Noor Hi Noor Jhalakta Hai Haseen Chehre Se,

Bas Yahein Sajde Mein Gir Jane Ko Jee Chahta Hai,

Mere Daman Ko Koi Aur Na Choo Paye Ga,

Tum Ko Choo Kar Qasam Ye Khane Ko Jee Chahta Hai,

Chand Chehra Hai Tera Aur Nazar Hai Bijli,

Ek Ek Jalwe Pe Mar Jane Ko Jee Chahta Hai,

Chand Ki Hasti Hi Kia Samne Jab Sooraj Ho,

Aap K Qadmo Mein Mit Jane Ko Jee Chahta Hai...................!