Mujh Ko Yaqeen Hai Sach Kehti Thi Jo Bhi Ammi Kehti Thi


مجھ کو یقیں ہے سچ کہتی تھیں جو بھی امی کہتی تھیں
جب میرے بچپن کے دن تھے چاند میں پریاں رہتی تھیں

ایک یہ دن کہ اپنوں نے بھی ہم سے رشتہ توڑ لیا
اک وہ دن جب پیڑ کی شاخیں بوجھ ہمارا سہتی تھیں

ایک یہ دن کہ لاکھوں غم اور کال پڑا ہے آنسو کا
اک وہ دن جب ایک ذرا سی بات پہ ندیاں بہتی تھیں

ایک یہ دن جب ساری سڑکیں روٹھی روٹھی لگتی ہیں
اک وہ دن جب آؤ کھیلیں، ساری گلیاں کہتی تھیں

ایک یہ دن جب ذہن میں ساری عیاری کی باتیں ہیں
اک وہ دن جب دل میں ساری بھولی باتیں رہتی تھیں

جاوید اختر

No comments:

Post a Comment

Featured post

Main tumko bhool jaonga lekin yeh shart hai Gulshan mein chal ke phool se khushbo juda karo

Main tumko bhool jaonga lekin yeh shart hai Gulshan mein chal ke phool se khushbo juda karo