Aaghaaz Muqarar Tou Hai Anjaam Muqarar,Soda Nahi Hota Hai Yahan Daam Muqarar

آغاز مقرر تو ہے انجام مُقَرر
سودا نہیں ہوتا ہے یہاں دام مقرر

آتی ہیں نئے رعب میں مغرور یہ صبحیں
ہر صبح کی ہوتی ہے مگر شام مقرر

انساں کو فخر کیا کہ نئی منزلیں کھوجے
ہر راہ مقرر ہے تو ہے گام مقرر

پتا بھی نہیں ہلتا بِنا اس کی اجازت
کیسے نہ کئے جائیں گے پھر کام مقرر

اذن اس کا بھلائی ہے برائی ہے مرے ہاتھ
کیا ہوگا جو کہتے ہیں کہ ہے جام مقرر

قسمت میں جو لکھا ہے وہی ملتا ہے لیکن
بڑھ جاتے دعا سے ہیں یہ انعام مقرر

جو عقل سے کر پائے نہ تو فیصلے ابرک
قرآں میں سبھی ملتے وہ احکام مقرر

اتباف ابرک