Pooray Chaand Ka Jadu Pooch lo hawaa'on say ya nadi ki lehron say Khawahish'en machalti hain dil men dharkan'en ban kar

پورے چاند کا جادو

پوچھ لو ہواؤں سے
یا ندی کی لہروں سے
خواہشیں مچلتی ہیں دل میں دھڑکنیں بن کر
کورے تن کے سائے میں تتلیوں کا ڈیرا ہے
گنگناتے جذبوں کا بھی ادھر بسیرا ہے
نیلے نیلے ساحل پر چاندنی تھرکتی ہے
ناریل کے پیڑوں پر
ملگجے خیالوں کا حرف حرف رستا ہے
بوند بوند پانی کی کوئی گیت گاتی ہے
یاد کی حرارت سے تان ٹوٹ جاتی ہے
پاؤں کو اچانک جب لہریں چوم جاتی ہیں
زرد زرد رنگت پر
پنکھڑی گلابوں کی رنگ بھرنے لگتی ہے
اس سمے
جانے کون سا موسم ارد گرد ہوتا ہے
لال پھول مہندی کے
صندلی ہتھیلی پر خود ہی اگنے لگتے ہیں
کانچ کی طرح لیکن پھر وہ چبھنے لگتے ہیں
بہتے جھرنے کا چہرا
سرخ سرخ پھولوں کی نیلی رگ کو چھوتے ہی
گھاؤ بننے لگتا ہے
یہ حصار کیسا ہے؟
یہ دعائیں کس کی ہیں؟
کیا دیئے محبت کے۔۔۔۔ایک بار لو دے کر
پھر کبھی نہیں بجھتے؟
آج بھی اسی پل پر
ایک کھوئی کھوئی سی لڑکی انتظار میں بیٹھی
ماہ و سال کے موتی انکھڑیوں سے چنتی ہے
تتلیوں کے جھرمٹ سے بچ سکی اگر تو بھی
پورے چاند کا جادو
جان لے کے چھوڑے گا
سانس جب تک آتی ہے
یہ لہو نچوڑے گا
 

Pooray Chaand Ka Jadu

Pooch lo hawaa'on say ya nadi ki lehron say

Khawahish'en machalti hain dil men dharkan'en ban kar

Koray tan kay saaye men titliyon ka dera hai

Neelay neelay saahil par chaandni thirakti hai

Boond boond paani ki koi geet gaati hai

Yaad ki hararat say shaam jalnay lagti hai

Paa'on ko achanak jab lehrain choom jaati hain

Zard zard rangat par kesi rut utarti hai

Janay kon sa mosam ird gird hota hai

Sandali hatheli par surkh phool mehndi kay khud hi ugnay lagtay hain

Surkh surkh phoolon ki neeli rag ko chhuutay he ghaao kesa banta hai

Yeh hisaar kesa hai?

Yeh duaa'en kis ki hain?

Kaya diye muhabbat kay aik baar lau day kar.

Phir kabhi nhi bujhtay?

Aaj bhi usi pull par aik khoi khoi si larki intezaar men bethi

Maah-o-saal kay moti ankhriyon say chunti hai

Titliyon kay jhurmat say bach saki agr tu bhi

Pooray chaand ka jadu jaan lay kay chorray ga

Saans jab tak aati hai

Yeh lahu nichorray ga