Na Mein Shair Na Shair Ki Nawa Hon,Bas Aik Adna Ghulam-e-Mustafa (P.B.U.H)

نہ میں شاعر نہ شاعر کی نوا ہوں
بس اک ادنیٰ غلامِ مصطفیٰ ہوں

نیازِ عشق میں ڈوبا ہوا ہوں
غرورِ حسن بن کر آ گیا ہوں

متاعِ ہر زماں ہیں اشک میرے
سرورِ جاوداں کا ماجرہ ہوں

برنگِ گُل کِھلا ہوں شاخِ گلشن
جہانِ رنگ و بُو کو جانتا ہوں

حیاتِ جاوداں کا راز پایا
سرِ تسلیم یوں خم کر گیا ہوں

تجلّی نے کیا واصف کو بے خود
خدا جانے میں کیا تھا اور کیا ہوں